1. اسٹیل کی پیداوار اور قیمتیں۔

1الف.پیداوار کا جائزہ (ملین ٹن میں)

 

1ب۔ پروڈیوسر کے حساب سے پیداوار (اپریل-ستمبر 2026 ((ملین ٹن  میں)

 

1ج.اسٹیل کی قیمتیں (روپے فی ٹن میں)

نوٹ: نوٹ: قیمتوں میں جی ایس ٹی شامل ہے اور انہیں روپے فی ٹن کے حساب سے درج کیا گیا ہے۔ یہ قیمتیں کولکاتا، دہلی، ممبئی اور چنئی، چار بڑے میٹرو شہروں کی اوسط قیمتوں پر مبنی ہیں۔

2.مطالبہ(ایم ٹی میں)

 

3. تجارتی حرکیات

3الف.تیارشدہ ا سٹیل - درآمد اور برآمد

 

4. خام مال

4الف.گھریلو خام مال کی قیمتیں (روپےفی ٹن)

 

5.اہم اشاریہ جات

ماخذ: این ایس ای، ایس اینڈ پی گلوبل، ٹریڈنگ اکنامکس

اسٹیل کی وزارت نے اسٹیل صنعت میں حفاظتی معیارات، حادثات کی روک تھام اور حفاظتی ثقافت کو مضبوط بنانے کے لیے اسٹیل انڈسٹری سیفٹی کونسل (ایس آئی سی ایس ۹قائم کرنے کا فیصلہ کیا ہے۔ یہ ایک اعلیٰ سطحی ادارہ ہوگا، جس کی سربراہی اسٹیل کی وزارت کے سکریٹری کریں گے۔ کونسل کی مدد کے لیے اسٹیل انڈسٹری سیفٹی ڈائریکٹوریٹ(ایس آئی ایس ڈی)قائم کیا جائے گا، جو حفاظتی آڈٹ، سنگین واقعات کی تحقیقات اور ہندوستانی حالات کے مطابق حفاظتی معیارات جاری کرنے کا کام کرے گا۔ اس کے دائرۂ کار میں لوہے اور اسٹیل کے پروڈیوسرز اور مرکزی سرکاری شعبے کے اداروں (سی پی ایس ای) کی کانیں شامل ہوں گی۔

این ایم ڈی سی نے چھتیس گڑھ کے ناگارنار میں سالانہ 20 لاکھ ٹن پیداواری صلاحیت والے پیلٹ پلانٹ کو شروع کر دیا ہے، جس کے ساتھ اس کے 5,427 کروڑ روپے کے مربوط پروجیکٹ کی تکمیل ہو گئی ہے۔ اس پروجیکٹ میں بچیلی میں لوہے کی دھات کی پروسیسنگ کا پلانٹ، 135 کلومیٹر طویل اور سالانہ 1.5 کروڑ ٹن صلاحیت کی سلری پائپ لائن اور ناگارنار کا پیلٹ پلانٹ شامل ہے، جس میں اسٹریٹ گریٹ انڈیوریشن ٹیکنالوجی استعمال کی گئی ہے۔ اس سے بیلاڈیلا کی آئرن اور فائنز اور سلمز سے قدر میں اضافہ ممکن ہوگا، دھات کی سڑک کے ذریعے نقل و حمل میں کمی آئے گی اور آئرن اور کی مکمل ویلیو چین میں این ایم ڈی سی کی موجودگی مزید مستحکم ہوگی۔

این ایم ڈی سی کی لوہے کی دھات کی پیداوار ستمبر 2026 میں سال بہ سال 8 فیصد بڑھ کر 4.04 ملین ٹن ہوگئی۔ اس کے ساتھ مالی سال 2026-27 کی پہلی ششماہی میں پیداوار 27.3 ملین ٹن تک پہنچ گئی، جو مالی سال 2025-26 کی پہلی ششماہی کے مقابلے میں تقریباً 23 فیصد زیادہ ہے۔ اس طرح کمپنی اپنے سالانہ پیداواری اہداف کی سمت پیش رفت کر رہی ہے۔

سیل اور بھارت کوکنگ کول لمیٹڈ(بی سی سی ایل)نے مغربی بنگال میں سیل کے اندیکٹا رام نگر کوئلہ بلاک اور بی سی سی ایل کے ایسٹ آف دامگوریا (کلیانیشوری) کوئلہ بلاک کی مشترکہ ترقی اور آپریشن کے لیے ایک مفاہمت نامے (ایم او یو) پر دستخط کیے۔ اس شراکت داری سے دونوں مرکزی سرکاری شعبے کے اداروں (سی پی ایس ای )کے درمیان تعاون مزید مضبوط ہوگا اور ملک میں کوکنگ کول کے ذرائع کی ترقی میں مدد ملے گی۔

سیل کے رورکیلا اسٹیل پلانٹ نے ہاٹ اسٹرپ مل-2 میں اندرون  خانہ تیار کردہ مصنوعی ذہانت پر مبنی تحفظ کی نگرانی کا نظام شروع کیا ہے۔ یہ نظام 10 آئی پی کیمروں اور کمپیوٹر وژن ٹیکنالوجی کا استعمال کرتے ہوئے ہیلمٹ نہ پہننے کی خلاف ورزیوں کی نشاندہی کرتا ہے اور خودکار الارم جاری کرتا ہے۔ یہ وقت کے اندراج کے ساتھ واقعات کا ریکارڈ بھی محفوظ کرتا ہے، جبکہ آئندہ مرحلوں میں اسے دیگر ذاتی حفاظتی آلات (پی پی ای) سے متعلق خلاف ورزیوں، غیر محفوظ سرگرمیوں، آگ اور دیگر خطرات کی نشاندہی تک توسیع دی جائے گی۔

اسٹیل کی وزارت کے گرین اسٹیل اقدام کے تحت، ستمبر 2026 تک جاری کی گئی فہرستوں میں 101 الگ الگ اسٹیل پیداواری اداروں کو گرین اسٹیل سرٹیفکیٹ جاری کیے جا چکے ہیں۔ اس سرٹیفکیشن کے دائرے میں ٹی ایم ٹی بارز، ایچ آر/سی آر کوائلز، پلیٹس، وائر راڈز، پائپس اور اسٹیل کی دیگر مصنوعات شامل ہیں۔ سرٹیفکیٹ حاصل کرنے والی مصنوعات کی ایک بڑی اکثریت کو 5 اسٹار ریٹنگ دی گئی ہے، جو بھارت کی اسٹیل صنعت میں کم اخراج کے ساتھ اسٹیل سازی کے طریقوں کو بڑھتے ہوئے اختیار کیے جانے کی عکاسی کرتی ہے۔

جادوپور یونیورسٹی، سیل، ڈی وی سی اور ایچ یو آر ایل کے اشتراک سے گرین ہائیڈروجن تحقیق کے لیے 8.18 کروڑ روپے کی لاگت سے ایک سینٹر آف ایکسی لینس قائم کر رہی ہے، جو نئی اور قابلِ تجدید توانائی کی وزارت سے منظور شدہ ایسے چار مراکز میں سے ایک ہے۔ سیل اپنی تنصیبات میں تیار کی جانے والی ٹیکنالوجیز کی جانچ اور اطلاق کرے گا، جس سے قومی گرین ہائیڈروجن مشن کے تحت اسٹیل، بجلی اور کھاد کی پیداوار میں گرین ہائیڈروجن کے استعمال کو فروغ ملے گا۔

ماخذ: ستمبر 2026 کے عارضی جے پی سی اعداد و شمار۔ ایم ٹی = ملین ٹن؛ ایم ٹی پی اے = سالانہ ملین ٹن؛ ایم او ایم = ماہ بہ ماہ؛ وائی او وائی = سال بہ سال؛ سی پی ایل وائی = گزشتہ سال کی متعلقہ مدت۔

**********

ش ح۔ش آ۔ ش ہ ب

Urdu No. 4686

(ریلیز آئی ڈی: 2319514) وزیٹر کاؤنٹر : 9