ഫലങ്ങളുടെ പട്ടിക: സ്വിസ് കൺഫെഡറേഷൻ പ്രസിഡന്റിന്റെ ഇന്ത്യയിലേക്കുള്ള ഔദ്യോഗിക സന്ദർശനം

1

മൈഗ്രേഷൻ ആൻഡ് മൊബിലിറ്റി പങ്കാളിത്തം (MMP) സംബന്ധിച്ച ധാരണാപത്രം

തുല്യ പരിഗണന തത്വങ്ങൾക്ക് കീഴിൽ കുടിയേറ്റത്തിലും മൊബിലിറ്റിയിലുമുള്ള സഹകരണം വികസിപ്പിക്കുന്നതിനും ദേശീയ നിയമങ്ങൾക്ക് അനുസൃതമായി ക്രമരഹിതമായ കുടിയേറ്റം/മനുഷ്യ ചൂഷണം/മനുഷ്യക്കടത്ത് എന്നിവ തടയുന്നതിനും ചെറുക്കുന്നതിനും ഈ ധാരണാപത്രം ലക്ഷ്യമിടുന്നു. ഇത് 5 വർഷം വരെയുള്ള മൾട്ടിപ്പിൾ-എൻട്രി വിസകൾ, ഓരോ സന്ദർശനത്തിലും 6 മാസം വരെയുള്ള താമസം, പുതുക്കാവുന്ന 1 വർഷത്തെ സ്റ്റുഡന്റ് പെർമിറ്റുകൾ എന്നിവ നൽകുന്നു.

2

യംഗ് പ്രൊഫഷണലുകളുടെ കൈമാറ്റം (YPS) സംബന്ധിച്ച കരാർ

തങ്ങളുടെ മേഖലയിലെ പ്രൊഫഷണൽ, ഭാഷാ നൈപുണ്യങ്ങൾ മെച്ചപ്പെടുത്തുന്നതിനായി മറ്റേ രാജ്യത്ത് താൽക്കാലിക ജോലി ഏറ്റെടുക്കുന്ന യംഗ് പ്രൊഫഷണലുകളുടെ കൈമാറ്റത്തിന് മേൽനോട്ടം വഹിക്കാൻ ഈ കരാർ ലക്ഷ്യമിടുന്നു. യംഗ് പ്രൊഫഷണൽ സ്കീമിൽ ഓരോ രാജ്യത്തിനും പ്രതിവർഷം 300 വ്യക്തികളുടെ കൈമാറ്റം ഉൾപ്പെടുന്നു. അത് 500 ആയി ഉയർത്താം, കൂടാതെ പൗരത്വ/താമസ പദവി സ്ഥിരീകരിക്കുന്നതിന് 30/90 ദിവസത്തെ സമയപരിധി ഉൾപ്പെടെയുള്ള മറ്റ് വ്യവസ്ഥകളും ഇതിലുണ്ട്.

3

ഫെഡറൽ ഡിപ്പാർട്ട്‌മെന്റ് ഓഫ് ഇക്കണോമിക് അഫയേഴ്‌സ്, എഡ്യൂക്കേഷൻ ആൻഡ് റിസർച്ച് (EAER), റോഡ് ഗതാഗത, ഹൈവേ മന്ത്രാലയം എന്നിവ തമ്മിൽ തിരിച്ചറിഞ്ഞ മേഖലകളിലെ ഗതാഗത സാങ്കേതികവിദ്യകൾ, മൊബിലിറ്റി സംവിധാനങ്ങൾ, അടിസ്ഥാന സൗകര്യങ്ങൾ എന്നിവയിലെ പ്രോത്സാഹനത്തിനും സഹകരണത്തിനുമുള്ള ധാരണാപത്രം

ഇലക്ട്രിക് വാഹനങ്ങൾ, റോപ്‌വേകൾ, സർക്കുലർ ഇക്കോണമി, തുരങ്കങ്ങൾ, മറ്റ് ഗതാഗത മേഖലകൾ തുടങ്ങിയ മേഖലകളിലെ സാങ്കേതികവിദ്യകളും അടിസ്ഥാന സൗകര്യങ്ങളും വികസിപ്പിച്ചുകൊണ്ട് ഗതാഗത, മൊബിലിറ്റി സംവിധാനങ്ങളിൽ ശ്രദ്ധ കേന്ദ്രീകരിച്ച് സുസ്ഥിര അടിസ്ഥാന സൗകര്യ വികസനത്തിൽ സഹകരണം പ്രോത്സാഹിപ്പിക്കാൻ ഈ ധാരണാപത്രം ലക്ഷ്യമിടുന്നു.

4

ശാസ്ത്ര സാങ്കേതിക വകുപ്പും (DST) സ്വിസ് നാഷണൽ സയൻസ് ഫൗണ്ടേഷനും (SNSF) തമ്മിലുള്ള താത്പര്യപത്രം (LoI)

പര്യവേക്ഷണ ശാസ്ത്ര സഹകരണത്തെ പിന്തുണയ്ക്കുന്നതിലൂടെയും ഭാവിയിലെ സംയുക്ത ഗവേഷണത്തിനായി പങ്കാളിത്തം കെട്ടിപ്പടുക്കുന്നതിലൂടെയും പരസ്പരം സമ്മതിച്ച മുൻഗണനാ മേഖലകളിൽ ദീർഘകാല സംരംഭങ്ങൾ നിലനിർത്തുന്നതിന് വിശാലമായ ചട്ടക്കൂട് സ്ഥാപിക്കുന്നതിലൂടെയും ഇന്ത്യൻ, സ്വിസ് ഗവേഷണ സമൂഹങ്ങൾക്കിടയിൽ ദീർഘകാല സഹകരണം പ്രോത്സാഹിപ്പിക്കാൻ ഈ താത്പര്യപത്രം ലക്ഷ്യമിടുന്നു.

5

ശാസ്ത്ര സാങ്കേതിക വകുപ്പും (DST) സൂറിച്ച് യൂണിവേഴ്‌‌സിറ്റി ഓഫ് അപ്ലൈഡ് സയൻസസും തമ്മിൽ ഇന്നൊവേഷൻ, ടെക്‌നോളജി ട്രാൻസ്ഫർ, എൻട്രപ്രണർഷിപ്പ് എന്നിവയിലെ സഹകരണത്തിനായുള്ള നടപ്പാക്കൽ വ്യവസ്ഥ (IA)

ഉഭയകക്ഷി കൈമാറ്റം, സംയുക്ത വർക്ക്ഷോപ്പുകൾ, ശേഷി വർധിപ്പിക്കൽ, നെറ്റ്‌വർക്കിംഗ് എന്നിവയിലൂടെ ആദ്യഘട്ട സ്റ്റാർട്ടപ്പുകൾക്കായുള്ള ഇൻഡോ-സ്വിസ് അക്കാദമിയ-ഇൻഡസ്ട്രി ട്രെയിനിംഗ് (AIT ഇന്ത്യ) പ്രോഗ്രാം നടപ്പിലാക്കുന്നതിലൂടെ ഇന്നൊവേഷൻ, ടെക്നോളജി ട്രാൻസ്ഫർ, സംരംഭകത്വം എന്നിവയിൽ ഉഭയകക്ഷി സഹകരണം സ്ഥാപിക്കാൻ ഈ നടപ്പാക്കൽ വ്യവസ്ഥ ലക്ഷ്യമിടുന്നു.

1

ശാസ്ത്ര സാങ്കേതിക മന്ത്രാലയത്തിന്റെ സഹകരണത്തോടെയുള്ള ഇൻഡോ-സ്വിസ് റിസർച്ച് ഫ്ലാഗ്ഷിപ്പ് ഇവന്റിന്റെ ഉദ്ഘാടന സമ്മേളനം