કેન્દ્રીય ગૃહમંત્રી અને સહકારિતા મંત્રી શ્રી અમિત શાહે જણાવ્યું હતું કે, વૈશ્વિક શાંતિ તરફ પ્રધાનમંત્રી શ્રી નરેન્દ્ર મોદીજીના અવિરત પ્રયાસોની રશિયાના રાષ્ટ્રપતિ શ્રી વ્લાદિમીર પુતિન દ્વારા કરવામાં આવેલી પ્રશંસા દરેક ભારતીય માટે અપાર ગૌરવ લાવે છે.

X પ્લેટફોર્મ પરની પોતાની પોસ્ટમાં, કેન્દ્રીય ગૃહમંત્રી અને સહકારિતા મંત્રી શ્રી અમિત શાહે કહ્યું, "વૈશ્વિક શાંતિ તરફ પ્રધાનમંત્રી શ્રી નરેન્દ્ર મોદીજીના અવિરત પ્રયાસોની રશિયાના રાષ્ટ્રપતિ શ્રી વ્લાદિમીર પુતિન દ્વારા કરવામાં આવેલી પ્રશંસા દરેક ભારતીય માટે અપાર ગૌરવ લાવે છે. તેમનું આ નિવેદન, જે વિશ્વને શાંતિ અને અહિંસાનો સંદેશ આપનારા મહાત્મા ગાંધીજીની જયંતિ સાથે સુસંગત છે, તે દર્શાવે છે કે મોદીજીના નેતૃત્વ હેઠળ ભારત આજે વૈશ્વિક શાંતિ માટે એક વિશ્વસનીય અવાજ તરીકે ઉભરી આવ્યું છે.

યુદ્ધો, સંઘર્ષો અને અશાંતિથી ચિહ્નિત થયેલા સમયગાળા દરમિયાન, મોદીજીએ સંદેશ આપ્યો છે કે ઉકેલો યુદ્ધના મેદાનોમાંથી નહીં પરંતુ વાટાઘાટો અને રાજદ્વારી નીતિ દ્વારા જ આવે છે. મોદીજીના નેતૃત્વ હેઠળ ભારતે, યુદ્ધ કે આપત્તિની પરિસ્થિતિમાં હંમેશા મદદ અને સહાય સાથે આગળ વધીને આપણી 'વસુધૈવ કુટુંબકમ'ની કાલાતીત પરંપરાને એક નવી ઓળખ આપી છે.

આ જ કારણ છે કે આજે જ્યારે પણ વિશ્વ વૈશ્વિક સંકટનો સામનો કરે છે ત્યારે ભારતનો અવાજ ખૂબ મહત્વ ધરાવે છે, અને મોદીજીના શબ્દોને ખૂબ જ ધ્યાનપૂર્વક સાંભળવામાં આવે છે."

SM/IJ/JD