مرکزی وزیر برائے زراعت و بہبودِ کسان اور دیہی ترقی،جناب شیوراج سنگھ چوہان نے آج اس بات پر زور دیا کہ صفائی کو صرف کسی مہم کے دورانیے تک محدود نہیں رہنا چاہیے، بلکہ اسے لوگوں کے رویے اور روزمرہ کی زندگی کا لازمی حصہ بننا چاہیے۔ وزارت زراعت و بہبودِ کسان اور وزارت دیہی ترقی کے سیکریٹریوں اور اعلیٰ حکام کے ساتھ ایک ورچوئل میٹنگ سے خطاب کرتے ہوئے، انہوں نے صفائی کی سرگرمیوں میں حکام اور ملازمین کی فعال شرکت کا مطالبہ کیا اور انہیں تلقین کی کہ وہ خود مثال بن کر قیادت کریں۔ انہوں نے دفاتر، کام کی جگہوں، فیلڈ دفاتر اور دیہی علاقوں میں صفائی کے حوالے سے بیداری اور شرکت کو مسلسل مضبوط بنانے کی ضرورت پر بھی زور دیا۔ جناب چوہان نے کہا کہ صفائی کو ایک مستقل عمل اور اداروں و برادریوں کی مشترکہ ذمہ داری بنانے کے لیے محض کسی مخصوص مہم کے عرصے تک محدود سرگرمیوں کے بجائے مسلسل کوششیں ناگزیر ہیں۔

جناب چوہان نے کہا کہ سوَچھتا ہی سیوا 2026(صفائی ہی خدمت ہے) کے لیے بڑے پیمانے پر عوامی شرکت کی ضرورت ہے تاکہ اس بات کو یقینی بنایا جا سکے کہ صفائی کی سرگرمیاں مؤثر اور پائیدار ہوں۔ انہوں نے افسران اور ملازمین کو ہدایت کی کہ وہ اپنے کام کے شعبوں میں صفائی کو ترجیح دیں اور ایسی سرگرمیوں کو محض سرکاری تقاضا سمجھنے کے بجائے خود پہل کریں۔ انہوں نے دیہی علاقوں، پنچایتوں اور فیلڈ سطح کے دفاتر کو صفائی کی سرگرمیوں کے ساتھ مؤثر طریقے سے جوڑنے اور کسانوں، دیہی برادریوں، صفائی کے کارکنوں، میڈیا اور دیگر متعلقہ فریقین کی شرکت کو یقینی بنانے پر خصوصی زور دیا۔ انہوں نے اس بات پر زور دیا کہ ان گروہوں کی شمولیت صفائی کی کوششوں کو سرکاری دفاتر سے باہر لے جانے اور نچلی سطح پر انہیں زیادہ نمایاں اور بامعنی بنانے کے لیے اہم ہے۔ انہوں نے کہا کہ تمام متعلقہ افراد کی فعال شرکت سے زیادہ بیداری پیدا کرنے اور برادریوں میں صفائی کو معمول کے کاموں کا حصہ بنانے کی حوصلہ افزائی کرنے میں مدد ملے گی۔

مرکزی وزیر نے ہدایت کی کہ صفائی کی سرگرمیوں کو محض رسمی کارروائی تک محدود نہیں رکھا جانا چاہیے، بلکہ ان کے واضح اور قابلِ پیمائش نتائج برآمد ہونے چاہئیں۔ انہوں نے مہم کے حصے کے طور پر کیے جانے والے کام کی منظم دستاویز سازی کی ضرورت پر زور دیا تاکہ سرگرمیوں کے نتائج اور اثرات کا مناسب جائزہ لیا جا سکے۔ انہوں نے ہدایت کی کہ جہاں بھی ممکن ہو، کامیابیوں کوپہلے اور بعد کی تصاویر کے ذریعے ریکارڈ کیا جائے تاکہ صفائی مہم کے نتیجے میں آنے والی تبدیلیوں کو واضح طور پر دستاویزی شکل دی جا سکے۔ انہوں نے اس بات پر زور دیا کہ اس طرح کی دستاویز سازی سے مہم کے ٹھوس نتائج کو ظاہر کرنے اور مستقبل میں جائزے کے لیے کیے گئے کام کا مناسب ریکارڈ یقینی بنانے میں مدد ملے گی۔ انہوں نے کہا کہ توجہ محض مہم کی مقررہ مدت کے دوران سرگرمیاں مکمل کرنے کے بجائے نمایاں بہتری، قابلِ پیمائش نتائج اور مسلسل کوششوں پر مرکوز ہونی چاہیے۔

 

اجلاس کے دوران، محکمہ زراعت و بہبودِ کسان کے سیکریٹری جناب آتیش چندرا؛ محکمہ زرعی تحقیق و تعلیم کے سیکریٹری اور انڈین کونسل آف ایگریکلچرل ریسرچ کے ڈائریکٹر جنرل ڈاکٹر مانگی لال جاٹ؛ محکمہ دیہی ترقی کے سیکریٹری جناب روہت کنسل اور محکمہ اراضی وسائل کے جوائنٹ سیکریٹری جناب پی نرہری نے مرکزی وزیر کو اپنے متعلقہ محکموں کی جانب سے کی جانے والی صفائی کی سرگرمیوں کے بارے میں بریفنگ دی اور اپنے آئندہ کے لائحہ عمل کی تفصیلات سے آگاہ کیا۔ عہدیداروں نے اب تک کیے گئے کام کے ساتھ ساتھ اگلے مرحلے کے لیے مجوزہ سرگرمیوں اور ترجیحات کا خاکہ پیش کیا۔ ان کی پریزنٹیشنز میں عہدیداروں اور ملازمین کی شرکت، فیلڈ اور ادارہ جاتی سطح پر سرگرمیاں، اور محکموں نیز ان سے منسلک دفاتر اور اداروں میں صفائی کی کوششوں کو مزید مستحکم کرنے کے لیے منصوبہ بند اقدامات کا احاطہ کیا گیا۔

 

اجلاس میں محکمہ زراعت کی جانب سے 16 ستمبر سے 2 اکتوبر تک سوَچھتا ہی سیوا 2026(صفائی ہی خدمت ہے) کے تحت کی جانے والی مختلف سرگرمیوں کے بارے میں آگاہ کیا گیا۔ ان سرگرمیوں میں صفائی کا عہد،سوَچھ پاٹھ شالا (صاف ستھرا اسکول) کی سرگرمیاں، نوجوانوں کی شرکت، ٹھوس فضلے کا انتظام، دفاتر کے احاطے میں صفائی مہم، اور ہیڈ کوارٹرز و فیلڈ دفاتر میں راہداریوں، کینٹینوں اور بیت الخلاء کی گہری صفائی شامل تھی۔ صفائی کو بہتر بنانے اور دفتر کی دستیاب جگہ کا مؤثر استعمال کرنے کی کوششوں کے حصے کے طور پر پرانے فرنیچر اور الیکٹرانک فضلے کو ٹھکانے لگانے کے اقدامات بھی ان سرگرمیوں کا حصہ تھے۔ اجلاس میں صفائی کے کارکنوں کو اعزاز دینے، ان کے طبی معائنے کروانے اور ان کے بچوں کے لیے مختلف سرگرمیوں کے انعقاد کے لیے کیے گئے اقدامات کے بارے میں بھی بتایا گیا۔ ان کوششوں کا مقصد صفائی کے کارکنوں کی خدمات کا اعتراف کرنا، ان کی فلاح و بہبود میں معاونت کرنا اور صفائی سے متعلق سرگرمیوں میں وسیع تر شرکت کی حوصلہ افزائی کرنا تھا۔ اجلاس میں ملازمین کو براہ راست صفائی کے کاموں میں شامل کرنے اور فضلے کے ذمہ دارانہ انتظام کے بارے میں آگاہی کو مضبوط بنانے کی کوششوں کا بھی جائزہ لیا گیا۔

 

اجلاس کے دوران بتایا گیا کہ پرانے فرنیچر اور الیکٹرانک فضلے کو ٹھکانے لگانے اور نیلام کرنے سے تقریباً 15 لاکھ روپے کی آمدنی حاصل ہوئی۔ اس کے علاوہ، افسران اور ملازمین نےشرم دان (رضاکارانہ خدمت) کے ذریعے اجتماعی صفائی مہم میں حصہ لیا اور مہم کے تحت کی جانے والی سرگرمیوں میں اپنا وقت اور محنت صرف کی۔ایک پیڑ ماں کے نام مہم کے تحت سرگرمیوں کو آگے بڑھانے کا منصوبہ بھی پیش کیا گیا۔ اجلاس میں زیر بحث آنے والے اقدامات میں صفائی کی سرگرمیوں کو غیر استعمال شدہ سامان کے ذمہ دارانہ تلف کرنے، افسران اور ملازمین کی زیادہ سے زیادہ شرکت، اور کام کے ماحول کو صاف ستھرا اور منظم بنانے کے مقصد سے کی جانے والی سرگرمیوں کو یکجا کرنے کی کوششیں نمایاں تھیں۔ پرانے فرنیچر اور الیکٹرانک فضلے کو ٹھکانے لگانے اور نیلامی سے حاصل ہونے والی آمدنی نے اس بات کی اہمیت کو بھی اجاگر کیا کہ ایسے سامان کی نشاندہی کی جائے اور اسے مناسب طریقے سے ٹھکانے لگایا جائے جس کی مزید ضرورت نہیں ہے۔

 

مورخہ2 اکتوبر سے 31 اکتوبر 2026 تک چلنے والی خصوصی مہم کے سلسلے میں، تمام محکموں نے زیر التواء فائلوں اور مقدمات کو نمٹانے، زیر التواء معاملات کی تعداد میں کمی، سکریپ اور ای-ویسٹ (الیکٹرانک فضلے) کو ٹھکانے لگانے، دفتر کی جگہ کے بہتر استعمال اور ناقابلِ استعمال سامان کو ہٹانے کے لیے مقرر کردہ اہداف کی تفصیلات شیئر کیں۔ مہم کے حصے کے طور پر، غیر استعمال شدہ کمپیوٹرز، پرنٹرز اور دیگر الیکٹرانک آلات کی نشاندہی کی جائے گی اور مقررہ قواعد و ضوابط کے مطابق انہیں ٹھکانے لگانے کی کارروائی کی جائے گی۔ مقررہ اہداف کے حصول میں ہونے والی پیش رفت کا باقاعدگی سے جائزہ لیا جائے گا اور کامیابیوں کو مناسب طریقے سے دستاویزی شکل دی جائے گی۔ اس مہم کا مرکز نہ صرف جسمانی صفائی ہوگا بلکہ دفاتر کی کارکردگی اور تنظیم کو بہتر بنانا بھی شامل ہوگا، جس کے لیے زیر التوا معاملات کو نمٹایا جائے گا، غیر ضروری سامان ہٹایا جائے گا اور دستیاب جگہ کے بہتر استعمال کو یقینی بنایا جائے گا۔ باقاعدہ نگرانی اور دستاویز سازی سے محکموں کو اپنے اہداف کے مطابق پیش رفت کا جائزہ لینے اور مہم کے نتائج کو منظم انداز میں ریکارڈ کرنے میں مدد ملے گی۔

 

محکمہ زرعی تحقیق و تعلیم اور انڈین کونسل آف ایگریکلچرل ریسرچ کے سیکریٹری نے اجلاس کو آگاہ کیا کہ پوسا کیمپس میں بڑے پیمانے پر صفائی کی مہم چلائی جا رہی ہے، جس میں افسران، ملازمین اور طلبہ سرگرمیوں میں بڑھ چڑھ کر حصہ لے رہے ہیں۔ اسی طرح کی صفائی سے متعلق سرگرمیاںآئی سی اے آر کے تمام اداروں اور کرشی وگیان کیندروں میں بھی منعقد کی جا رہی ہیں۔کرشی وگیان کیندروں نیٹ ورک کے ذریعے کسانوں اور دیہی برادریوں کو صفائی، فضلے کے انتظام اور ماحولیاتی آگاہی سے جوڑنے کی کوششیں کی جا رہی ہیں۔ ان سرگرمیوں کا مقصد صفائی کے پیغام کو اداروں کی حدود سے باہر تک پہنچانا اور کاشتکاری اور دیہی برادریوں میں آگاہی کو مضبوط بنانا ہے۔ طلبہ، ملازمین، افسران، کسانوں اور دیہی برادریوں کی شرکت سے مختلف سطحوں پر صفائی اور فضلے کے ذمہ دارانہ انتظام کے حوالے سے وسیع تر شمولیت پیدا کرنے میں بھی مدد مل رہی ہے۔ اجلاس کو بتایا گیا کہ آئی سی اے آر کے اداروں اورکے وی کیز کے نیٹ ورک کو ان کوششوں کی حمایت کرنے اور دیہی علاقوں کے لوگوں میں صفائی اور ماحولیاتی ذمہ داری کے بارے میں مزید آگاہی کو فروغ دینے کے لیے استعمال کیا جا رہا ہے۔

جناب چوہان نے تمام متعلقہ افسران اور ملازمین سے اپیل کی کہ وہ صفائی کو صرف مہم کی مقررہ مدت تک محدود نہ رکھیں، بلکہ اسے دفاتر، دیہات، پنچایتوں اور کام کی جگہوں پر روزمرہ کے معمول اور طرزِ عمل کا مستقل حصہ بنائیں۔ انہوں نے کہا کہ صفائی مہم کی کامیابی کا اندازہ صرف احاطے کی ظاہری صفائی سے نہیں لگایا جانا چاہیے۔ اس کا حقیقی اثر رویوں میں تبدیلی، عوامی شرکت اور ایسے پائیدار نتائج کے ذریعے ظاہر ہونا چاہیے جو مہم کی مدت ختم ہونے کے بعد بھی برقرار رہیں۔ انہوں نے اس بات پر زور دیا کہ صفائی کو محض مخصوص مہمات کے دوران کی جانے والی سرگرمی کے بجائے ایک باقاعدہ معمول اور مشترکہ ذمہ داری بننا چاہیے۔ شرکت کی حوصلہ افزائی، آگاہی کو برقرار رکھنے اور قابلِ پیمائش و دیرپا نتائج کو یقینی بنا کر، صفائی کی کوششوں کے ذریعے کام کی جگہوں، دیہی علاقوں اور برادریوں میں دیرپا اثرات مرتب کیے جا سکتے ہیں۔ مرکزی وزیر نے اس بات پر زور دیا کہ حتمی مقصد صفائی کو روزمرہ کی زندگی اور عوامی رویے کا ایک مستقل حصہ بنانا ہونا چاہیے۔

***

(ش ح۔اص)

UR No 4476

 

 

(ریلیز آئی ڈی: 2317925) وزیٹر کاؤنٹر : 7