টেলিকম ৰেগুলেটৰী অথৰিটি অব ইণ্ডিয়া (ট্ৰাই)ই সাধাৰণ টেলিকম গ্ৰাহকসকলৰ তথ্যৰ বাবে ২০২৬ চনৰ আগষ্ট মাহত অসম এলএছএৰ অধীনত অসমৰ শোণিতপুৰ জিলাত অনুষ্ঠিত স্বতন্ত্ৰ ড্ৰাইভ টেষ্ট (আইডিটি)ৰ ফলাফল প্ৰকাশ কৰিছে। এই ড্ৰাইভ পৰীক্ষাৰ উদ্দেশ্য হৈছে টেলিকম সেৱা প্ৰদানকাৰী (টিএছপি ৰ দ্বাৰা প্ৰদান কৰা ম’বাইল নেটৱৰ্ক সেৱাৰ (ভয়চ আৰু ডাটা দুয়োটা) প্ৰকৃত সময়ৰ মান মূল্যায়ন আৰু পৰীক্ষা কৰা। আই ডি টিৰ সময়ত ট্ৰায়ে মূল সেৱাৰ মান (কিউ অ’ এছ) যেনে কভাৰেজ, কল ড্ৰপ ৰেট (চিডিআৰ), কল ছেটআপ সফলতাৰ হাৰ (চিএছএছআৰ), ডাটা ডাউনলোড (ডিএল) আৰু আপলোড (ইউএল) থ্রুপুট আদিৰ বাবে টি এছ পিৰ প্ৰদৰ্শন মূল্যায়ন কৰাৰ পাছত গ্ৰাহকসকলক অৱগত কৰিবলৈ আৰু টি এছ পিক তেওঁলোকৰ সেৱা উন্নত কৰাৰ বাবে উৎসাহিত কৰিবলৈ প্ৰকাশ কৰা হয়।

 

এই আই ডি টিসমূহ চহৰ, গুৰুত্বপূৰ্ণ স্থান, ৰাজহুৱা পৰিবহণ কেন্দ্ৰ আদিৰ দৰে বিভিন্ন ব্যৱহাৰৰ পৰিবেশত সকলো টি এছ পিৰ স্থল মোবাইল নেটৱৰ্কৰ প্ৰদৰ্শনৰ তথ্য ৰাখিবলৈ প্ৰস্তুত কৰা হৈছে। এইধৰণৰ ড্ৰাইভ পৰীক্ষাত ২জি, ৩জি, ৪জি আৰু ৫জি নেটৱৰ্কত সকলো টি এছ পিৰ পৰা ছিম কাৰ্ড ব্যৱহাৰ কৰি লাইভ ডাটা আৰু ভয়চ ছেচন স্থাপন কৰা হয়। একাধিক উন্নত পৰীক্ষামূলক হেণ্ডছেট ব্যৱহাৰ কৰি ফলাফলসমূহ উন্নত ছফ্টৱেৰ প্ৰণালী ব্যৱহাৰ কৰি বাস্তৱ সময়ত নিৰীক্ষণ আৰু বিশ্লেষণ কৰা হয়।

ট্ৰায়ে ইয়াৰ নিযুক্ত সংস্থাৰ জৰিয়তে অসম এলএছএত ২০২৬ চনৰ ১০ আগষ্টৰ পৰা ২০২৬ চনৰ ১৩ আগষ্টলৈকে চিটি ড্ৰাইভ-৩০৮.০ কিলোমিটাৰ, হটস্পট অৱস্থান-১০, ৱাক টেষ্ট-১.৬ কিলোমিটাৰত বিশেষ পৰীক্ষা অনুষ্ঠিত কৰিছিল। এই পৰীক্ষাসমূহ ট্ৰাই আঞ্চলিক কাৰ্যালয় কলকাতাৰ তত্বাৱধানত অনুষ্ঠিত কৰা হৈছিল। ড্ৰাইভ পৰীক্ষা প্ৰতিবেদনত উপস্থাপন কৰা ফলাফলসমূহে ড্ৰাইভ পৰীক্ষা অনুষ্ঠিত কৰাৰ দিন/সময়ত পৰীক্ষাৰ অধীনত থকা অঞ্চল/পথত টি এছ পিৰ প্ৰদৰ্শনক প্ৰতিনিধিত্ব কৰে।

ড্ৰাইভ টেষ্ট কৰা অঞ্চলসমূহঃ মানচিত্ৰখনত দেখুওৱা তথ্য অনুসৰি নিম্নলিখিত মানচিত্ৰত চিটি ড্ৰাইভ, ইণ্টাৰ-অপাৰেটৰ কলিং, হটস্পট আৰু ৱাক টেষ্টক সূচাই দিয়া ড্ৰাইভ টেষ্ট কৰা অঞ্চলৰ সংক্ষিপ্ত বিৱৰণ প্ৰদান কৰা হৈছেঃ-

মূল্যায়ন কৰা মূল বিষয়সমূহ

(ক) কভাৰেজ গেপঃ নমুনাৰ শতাংশ, যাৰ বাবে সংশ্লিষ্ট প্ৰযুক্তি (২জি/৩জি/৪জি/৫জি)ৰ বাবে নিৰ্ধাৰিত নিম্নতম সংকেত শক্তিতকৈ কম সংকেত শক্তি পৰিলক্ষিত হৈছিল।

(খ) ভয়চ সেৱাসমূহঃ কল ছেটআপ সফলতাৰ হাৰ (চিএছএছআৰ), ড্ৰপ কল হাৰ (ডিচিআৰ), কল ছেটআপ সময়, কল নীৰৱতাৰ হাৰ, কথোপকথনৰ মান (এমঅ’এছ)।

(গ) কল ছাইলেন্সৰ উদাহৰণঃ কলৰ সময়ত কল ছাইলেন্সৰ উদাহৰণৰ সংখ্যা।

(ঘ) ডাটা সেৱাসমূহঃ ডাউনলোড/আপলোড থ্ৰুপুট, লেটেন্সি, জিটাৰ, পেকেট ড্ৰপ ৰেট।

অসম এলএছএৰ অধীনত শোণিতপুৰ জিলাৰ কিছু অংশত মূল মাপকাঠিৰ বাবে সামগ্ৰিক মোবাইল নেটৱৰ্কৰ প্ৰদৰ্শনৰ সাৰাংশ তলত দিয়া হৈছেঃ-

 (ক) কভাৰেজ গেপ-স্বয়ংক্ৰিয় নিৰ্বাচন পদ্ধতিত (৫জি/৪জি/৩জি/২জি) চিটি ড্ৰাইভ পৰীক্ষা পথত কণ্ঠ পৰীক্ষাৰ সময়ত পৰ্যবেক্ষণ কৰা সংকেতৰ শক্তি, সংগ্ৰহ কৰা মুঠ নমুনাৰ ভিতৰত দুৰ্বল সংকেত শক্তি থকা নমুনাৰ সংখ্যা হিচাপে পৰিমাপ কৰা হৈছিল, এয়াৰটেলৰ বাবে ১৭৬৬/৪৪৩৭৮, বিএছএনএলৰ বাবে ১৮৪৯৪/৪১০৩৭, আৰজেআইএলৰ বাবে ১৪৯৪/৪৩৯৯৯ আৰু ভিআইএলৰ বাবে ৬৬৮২/৪৪১০৯ আছিল। সংলগ্ন মানচিত্ৰখনত কভাৰেজৰ ব্যৱধানৰ সবিশেষ প্ৰদান কৰা হৈছে।

(খ) ড্ৰপড কল-ড্ৰপড কল, সফল কলৰ সংখ্যাৰ পৰা ড্ৰপড কলৰ সংখ্যা হিচাপে পৰিমাপ কৰা হৈছিল, এয়াৰটেলৰ বাবে ০/৩১১, বিএছএনএলৰ বাবে ৩০১/৪৭৬, আৰজেআইএলৰ বাবে ০/৩১৬ আৰু ভিআইএলৰ বাবে ৮/৩১২ আছিল। ড্ৰপ কৰা কলৰ অৱস্থানসমূহৰ সবিশেষ সংলগ্ন মানচিত্ৰত প্ৰদান কৰা হৈছে।

(গ) কল ছাইলেন্সৰ উদাহৰণ- মুঠ কলসমূহৰ ভিতৰত ৩ ছেকেণ্ডতকৈও কম সময়ৰ বাবে পৰ্যবেক্ষণ কৰা মুঠ নীৰৱতাৰ ঘটনা হিচাপে পৰিমাপ কৰা কল ছাইলেন্সৰ দৃষ্টান্তসমূহ এয়াৰটেলৰ বাবে ১৩/৩০৯, বিএছএনএলৰ বাবে ৭/২৫৩, আৰজেআইএলৰ বাবে ৭/৩০৯ আৰু ভিআইএলৰ বাবে ৮/৩১০ আছিল। কল ছাইলেন্সৰ উদাহৰণৰ স্থানসমূহৰ সবিশেষ সংলগ্ন মানচিত্ৰত প্ৰদান কৰা হৈছে।

(ঘ) ডাটা ডাউনলোড আৰু আপলোড থ্ৰুপুটঃ

(i) ডাটা ডাউনলোড প্ৰদৰ্শন (সামগ্ৰিকভাৱে): এয়াৰটেলৰ বাবে গড় ডাউনলোড গতি আছিল ১১৬.১১ এমবিপিএছ (৫জি/৪জি), বিএছএনএলৰ বাবে ১১.৭২ এমবিপিএছ (৪জি/২জি), আৰজেআইএলৰ বাবে ২২১.১৮ এমবিপিএছ (৫জি/৪জি) আৰু ভিআইএলৰ বাবে ২০.০৪ এমবিপিএছ (৪জি/২জি)। ডাউনলোড থ্রুপুটৰ বিশদ বিৱৰণ সংলগ্ন মানচিত্ৰত প্ৰদান কৰা হৈছে।

(ii) ডাটা আপলোড প্ৰদৰ্শন (সামগ্ৰিকভাৱে): এয়াৰটেলৰ বাবে গড় আপলোড গতি ২১.০৯ এমবিপিএছ (৫জি/৪জি), বিএছএনএলৰ বাবে ৪.৩২ এমবিপিএছ (৪জি/২জি), আৰজেআইএলৰ বাবে ১৫.৯৮ এমবিপিএছ (৫জি/৪জি) আৰু ভিআইএলৰ বাবে ৬.৬৯ এমবিপিএছ (৪জি/২জি) হিচাপে পৰ্যবেক্ষণ কৰা হৈছিল। সংলগ্ন মানচিত্ৰখনত আপলোড থ্রুপুটৰ বিশদ বিৱৰণ প্ৰদান কৰা হৈছে।

সংলগ্ন মানচিত্ৰখনত ৰঙা বিন্দুত ক্লিক কৰিলে ড্ৰপড কল আৰু কল ছাইলেন্সৰ স্থানসমূহ পৰিলক্ষিত হয়।

ড্ৰাইভ পৰীক্ষাৰ পথ আৰু আই ডি টিৰ সময়ত সামৰি লোৱা এলেকাৰ সবিশেষ তলত দিয়াধৰণৰঃ-

(ক) চহৰ- চহৰ অভিযানত সামৰি লোৱা অঞ্চলসমূহ হ’লঃ (i) দ-পৰ্বতীয়া গাঁও (ii) গুটলং গাঁও, (iii) পৰমাই গৌলী গাঁও, (iv) ধলাইবিল, (v) ১ নং মালিজান, (vi) তেজপুৰ, (vi) কুমাৰ গাঁও, (vii) উহানী পথাৰ বাতাবাৰী, ডেকেৰী গাঁও, (viii) ১ নং ঠাকুৰবাৰী টি ই, বিন্দুকুৰি গাঁও, ৰঙামাটি গাঁও, (ix) সোণাবিল, নেপালী বস্তি গাঁও, (x) ঠেলামৰা, (xi) নতুন পাম গাঁও, (xii) কুকুৰাখাইতী আৰু ঢেকীয়াজুলি বাগান আদি।

(খ) হটস্পট- অহা-যোৱা কৰি থকা ব্যৱহাৰকাৰীসকলৰ অভিজ্ঞতা আহৰণ কৰা গুৰুত্বপূৰ্ণ স্থানসমূহ হ’লঃ (i) এএছটিচি বাছ ষ্টেণ্ড-মহাভৈৰৱ-তেজপুৰ, (ii) ঢেকীয়াজুলি খণ্ড উন্নয়ন কাৰ্যালয়-ঢেকীয়াজুলি, (iii) জিলা আদালত তেজপুৰ-মহাত্মা গান্ধী ৰোড-মহাভৈৰৱ-তেজপুৰ, (iv) নাৰেংকাটি উচ্চতৰ মাধ্যমিক বিদ্যালয়-২ নং শিঙিমাৰী গাঁও, (v) উত্তৰ-পূব আঞ্চলিক জল আৰু ব্যৱস্থাপনা প্ৰতিষ্ঠান-দোলাবাৰী-তেজপুৰ, (vi) ছেইণ্ট জেভিয়াৰ্ছ কলেজ-গৰৈমাৰী-তেজপুৰ, (vii) তেজপুৰ মুখ্য ডাকঘৰ-মহাভৈৰৱ-তেজপুৰ, (viii) তেজপুৰ চিকিৎসা মহাবিদ্যালয় আৰু হাস্পতাল-নিজ বিহগুৰি গাঁও-তেজপুৰ, (ix) তেজপুৰ বিশ্ববিদ্যালয়-নপাম-তেজপুৰ, (x) উদমাৰী গাঁও পঞ্চায়ত-বালিপৰা।

(গ) ৱাক টেষ্ট- ২০২৬ চনৰ ১২ আগষ্টৰ পৰা ১৩ আগষ্টলৈ অনুষ্ঠিত কৰা ৱাক টেষ্টসমূহ হ’লঃ (i) উত্তৰ জামুগুৰি বিপিএইচচি/চিএইচচি-পানীগাঁও-ধলাইবিল, (ii) ৰঙাপৰা উত্তৰ জংচন-১ নং ঠাকুৰবাৰী টি ইৰ জনসমাগম থকা পৰিবেশত পদযাত্ৰীসকলৰ ম’বাইল নেটৱৰ্কৰ গতি-বিধিৰ তথ্য ৰখা।

এই আইডিটি প্ৰতিবেদনৰ ফলাফলবোৰ সংশ্লিষ্ট টিএছপিৰ সৈতে শ্বেয়াৰ কৰা হৈছে, যাতে তেওঁলোকৰ ফালৰ পৰা অধিক প্ৰয়োজনীয় ব্যৱস্থা গ্ৰহণ কৰিব পাৰি। আইডিটিৰ বিশদ প্ৰতিবেদনসমূহ ট্ৰাইৰ ৱেবছাইট www.trai.gov.inত উপলব্ধ কৰা হৈছে। যিকোনো স্পষ্টীকৰণ বা অতিৰিক্ত তথ্যৰ বাবে, adv.kolkata@trai.gov.in বা কলকাতা আৰ অ’ত থকা ট্ৰাইৰ আঞ্চলিক কাৰ্যালয়লৈ এটা ইমেইল প্ৰেৰণ কৰিবলৈ অথবা +৯১-৩৩-২২৩৬১৪০১ নম্বৰত যোগাযোগ কৰিবলৈ অনুৰোধ জনোৱা হৈছে।

Click here to see Annexure

 

*****

NJ/AR/DD

(ৰিলিজ আই ডি : 2316996) অতিথি কক্ষ : 9