ننانوے تحائف کا متنوع مجموعہ، اتر پردیش کے ثقافتی ورثے ، تاریخی ورثے اور جدید حصولیابیوں کی ایک جھلک پیش کرتا ہے ۔  اس میں روحانی نوادرات ، روایتی فن ، کھیلوں کی یادگاریں اور بڑے بنیادی ڈھانچے کے منصوبوں کے نمونے شامل ہیں ۔  وزیراعظم کو پیش کئے گئے  تحائف  کی ای- نیلامی کا 8 واں ایڈیشن 2 اکتوبر 2026 تک آن لائن لائیو ہے ۔  تفصیلات اور شرکت کے لیے ملاحظہ کریں https://pmmementos.gov.in

نمایاں تحائف میں ایودھیا میں رام مندر کا ایک تفصیلی نمونہ ہے ، جو پیچیدہ تعمیراتی تفصیلات کے ساتھ ایم ڈی ایف فائبر بورڈ میں تیار کیا گیا ہے ۔

ایک اور یادگار تحائف میں وارانسی میں شری گرو روی داس جنم استھان مندر کو دکھایا گیا ہے ، جو گرو روی داس سے وابستہ روحانی اور ثقافتی وراثت کو اجاگر کرتا ہے ۔

 

 

رانی لکشمی بائی کی ایک فریم شدہ تصویر میں جھانسی کی ملکہ کو اپنے بیٹے دامودر راؤ کے ساتھ گھوڑے پر سوار دکھایا گیا ہے ، جبکہ متھرا کا ایک عصری سانجھی کاغذ سے کٹا ہوا آرٹ ورک "پوتر گایوں کے ساتھ شجر حیات " پیش کرتا ہے ۔  سانجھی فن پارے میں اس روایتی فن سے وابستہ ہاتھ سے باریک نقش و نگار کاٹنے کی پیچیدہ تکنیک کو بھی نمایاں کیا گیا ہے۔

 

اتر پردیش کی کھیلوں کی کامیابیوں کی نمائندگی پیرا ایتھلیٹ پریتی پال کی دستخط شدہ قمیص سے کی جاتی ہے ، جنہوں  نے 2024 کے پیرس پیرالمپکس میں 100 میٹر اور 200 میٹر ٹی- 35 مقابلوں میں کانسے کے دو تمغے جیتے تھے ۔

کیٹلاگ میں میرٹھ میٹرو کا ایک چھوٹا ماڈل بھی پیش کیا گیا ہے ، جو فروری 2026 میں اس کے 26 کلومیٹر کوریڈور کے افتتاح کی یاد گار ہے ۔

دیگر قابل ذکر اشیا میں نمو گھاٹ، وارانسی کا ہاتھ سے بنایا گیا نمستے یادگاری تحفہ، نمو گھاٹ پر ایک دوسرے سے جڑے ہاتھوں کی منفرد شکل کی مجسمہ نما عکاسی  اور گنگا ایکسپریس وے کا ایک نمونہ شامل ہے، جس میں دیوی گنگا کے ساتھ بنیادی ڈھانچے کے اس منصوبے کی ایک مختصر شکل بھی پیش کی گئی ہے۔

یہ تمام یادگاری اشیا مل کر اتر پردیش کے مختلف پہلوؤں کو اجاگر کرتی ہیں، جن میں اس کی روایات اور تاریخ سے لے کر اس کی کامیابیاں اور نمایاں مقامات تک شامل ہیں۔

........................................................................................................

) ش ح –م ع-ق ر)

U.No. 4306

(ریلیز آئی ڈی: 2316613) وزیٹر کاؤنٹر : 12