રસાયણ અને પેટ્રોકેમિકલ્સ વિભાગ (DCPC), રસાયણ અને ખાતર મંત્રાલય, સ્વચ્છતા, ઈ-વેસ્ટ નિકાલ, જગ્યા વ્યવસ્થાપન અને કાર્યસ્થળની કાર્યક્ષમતા સુધારવા પર નવા ધ્યાન સાથે 2 થી 31 ઓક્ટોબર 2026 દરમિયાન યોજાનાર સ્પેશિયલ કેમ્પેઇન 6.0 માટે સજ્જ થઈ રહ્યું છે.

આ વર્ષે 15 થી 30 સપ્ટેમ્બર દરમિયાન યોજાયેલા પ્રારંભિક તબક્કા દરમિયાન અનેક સ્વચ્છતા પ્રવૃત્તિઓ પણ હાથ ધરવામાં આવી હતી.

આ ઝુંબેશ, જે તેના છઠ્ઠા વર્ષમાં પ્રવેશ કરી ચૂકી છે, તે ઈ-વેસ્ટ (મેનેજમેન્ટ) નિયમો, 2022 અને અન્ય લાગુ માર્ગદર્શિકા અનુસાર ઈ-વેસ્ટની ઓળખ અને નિકાલ પર વિશેષ ભાર મૂકશે. તે ઓફિસની જગ્યાનું ઓપ્ટિમાઇઝેશન, સ્ક્રેપ અને બિનજરૂરી વસ્તુઓનો નિકાલ, રેકોર્ડ મેનેજમેન્ટ અને એકંદર કાર્યસ્થળના વાતાવરણમાં સુધારો કરવા પર પણ ધ્યાન કેન્દ્રિત કરશે. આ વર્ષની ઝુંબેશની થીમ ઈ-વેસ્ટનું અસરોકારક એકત્રીકરણ, વર્ગીકરણ અને નિકાલ છે.

સ્પેશિયલ કેમ્પેઇન 5.0 હેઠળ નોંધપાત્ર સિદ્ધિઓ

વિભાગે સ્વચ્છતા, રેકોર્ડ મેનેજમેન્ટ, રજૂઆતોનું નિવારણ, સ્ક્રેપ નિકાલ અને જગ્યાના ઓપ્ટિમાઇઝેશનમાં કેન્દ્રિત હસ્તક્ષેપ સાથે 2 થી 31 ઓક્ટોબર 2025 દરમિયાન સફળતાપૂર્વક સ્પેશિયલ કેમ્પેઇન 5.0 હાથ ધર્યું હતું.

સ્પેશિયલ કેમ્પેઇન 5.0 દરમિયાન, સ્ક્રેપ નિકાલથી ₹9.18 લાખથી વધુની આવક થઈ હતી. સ્પેસ ઓડિટ અને અન્ય પગલાં દ્વારા 7,156 ચોરસ ફૂટ વિસ્તાર મુક્ત કરવામાં આવ્યો હતો, જેનાથી ઉપલબ્ધ ઓફિસ જગ્યાનો વધુ અસરકારક ઉપયોગ શક્ય બન્યો હતો.

રેકોર્ડ મેનેજમેન્ટ કવાયતના ભાગરૂપે, 4,792 ભૌતિક ફાઈલોની સમીક્ષા કરવામાં આવી હતી અને 237 ફાઈલોનો નિકાલ કરવામાં આવ્યો હતો. ઈલેક્ટ્રોનિક રેકોર્ડ્સ અને ઈ-ફાઈલોના સંદર્ભમાં, 1,275 ઈ-ફાઈલોની સમીક્ષા કરવામાં આવી હતી અને 170 ઈ-ફાઈલો બંધ કરવામાં આવી હતી.

વિભાગને ઝુંબેશ દરમિયાન છ જાહેર રજૂઆતો પણ મળી હતી, જે તમામનો નિકાલ કરવામાં આવ્યો હતો, જે સમયસર અને પ્રતિભાવશીલ જાહેર સેવા વિતરણ પર તેના ધ્યાનને પ્રતિબિંબિત કરે છે. આ ઉપરાંત, ઝુંબેશના ભાગરૂપે નવ સંસદીય આશ્વાસનોનું નિરીક્ષણ કરવામાં આવ્યું હતું.

સ્વચ્છતા અને જગ્યા ઓપ્ટિમાઇઝેશન ઝુંબેશ પણ હાથ ધરવામાં આવી હતી, જેમાં જૂના ફર્નિચર, જૂના રેકોર્ડ્સ અને અન્ય બિનજરૂરી વસ્તુઓ દૂર કરવાનો સમાવેશ થાય છે. આ પગલાંઓએ વધુ સ્વચ્છ, વધુ વ્યવસ્થિત અને કાર્યક્ષમ કાર્યસ્થળ બનાવવા તરફ યોગદાન આપ્યું હતું.

પીએસયુ (PSUs) અને સ્વાયત્ત સંસ્થાઓની સક્રિય ભાગીદારી

સેન્ટ્રલ ઇન્સ્ટિટ્યૂટ ઓફ પેટ્રોકેમિકલ્સ એન્જિનિયરિંગ એન્ડ ટેકનોલોજી (CIPET), ઇન્સ્ટિટ્યૂટ ઓફ પેસ્ટિસાઇડ ફોર્મ્યુલેશન ટેકનોલોજી (IPFT), હિન્દુસ્તાન ઓર્ગેનિક કેમિકલ્સ લિમિટેડ (HOCL) અને HIL સહિત વિભાગના જાહેર ક્ષેત્રના ઉપક્રમો અને સ્વાયત્ત સંસ્થાઓએ ઝુંબેશમાં સક્રિયપણે ભાગ લીધો હતો.

સામૂહિક રીતે, વિભાગ દ્વારા 93 સ્વચ્છતા પ્રવૃત્તિઓ હાથ ધરવામાં આવી હતી. આ પહેલોમાં સ્વચ્છતા, બિનજરૂરી સામગ્રી દૂર કરવી, જગ્યા ઓપ્ટિમાઇઝેશન અને કાર્યસ્થળની કાર્યક્ષમતા સુધારવાના ઉદ્દેશ્યથી અન્ય પગલાં આવરી લેવામાં આવ્યા હતા.

સ્પેશિયલ કેમ્પેઇન 6.0 હેઠળના મુખ્ય ક્ષેત્રો

સ્પેશિયલ કેમ્પેઇન 5.0ના અનુભવ અને સિદ્ધિઓના આધારે, વિભાગે નીચેના ક્ષેત્રો પર વ્યાપક ધ્યાન સાથે સ્પેશિયલ કેમ્પેઇન 6.0 માટે તૈયારીઓ હાથ ધરી છે.

• સતત સ્વચ્છતા અને સ્વચ્છતા પ્રવૃત્તિઓ માટેના સ્થળોની ઓળખ;
• જગ્યા વ્યવસ્થાપન, ઓફિસનું સૌંદર્યીકરણ અને ઉપલબ્ધ કાર્યસ્થળનું ઓપ્ટિમાઇઝેશન; 
• નિર્ધારિત નિયમો અને પ્રક્રિયાઓ અનુસાર ઈ-વેસ્ટની ઓળખ અને નિકાલ; 
• લાગુ જનરલ ફાઇનાન્શિયલ રૂલ્સ (GFR) અનુસાર સ્ક્રેપ અને બિનજરૂરી વસ્તુઓની ઓળખ અને નિકાલ; 
• સંસદસભ્યો, પીએમઓ (PMO), રાજ્ય સરકારો અને આંતર-મંત્રાલય કેબિનેટ નોંધો તરફથી મળેલા બાકી સંદર્ભોની સમીક્ષા;
• ત્રણ મહિનાથી વધુ સમયથી બાકી રહેલા સંસદીય આશ્વાસનોનું નિરીક્ષણ;
• સીપીગ્રામ્સ (CPGRAMS) અને અન્ય સ્ત્રોતો દ્વારા મળેલી જાહેર રજૂઆતો અને અપીલોનો સમયબદ્ધ નિકાલ;
• વહીવટી કાર્યક્ષમતા સુધારવા માટે નિયમો અને પ્રક્રિયાઓની સમીક્ષા અને સરળીકરણ; અને
• જૂની ભૌતિક ફાઈલોની સમીક્ષા, રેકોર્ડિંગ અને વર્ગીકરણ/નિકાલ (વીડિંગ આઉટ) અને ઈ-ફાઈલો બંધ કરવા દ્વારા રેકોર્ડ વ્યવસ્થાપનનું સદ્દઢીકરણ.

રસાયણ અને પેટ્રોકેમિકલ્સ વિભાગ તેની વહીવટી પદ્ધતિઓને સ્વચ્છ, કાર્યક્ષમ, પારદર્શક અને પ્રતિભાવશીલ શાસનના સરકારના વ્યાપક ઉદ્દેશ્ય સાથે જોડવાનું ચાલુ રાખે છે. સ્પેશિયલ કેમ્પેઇન હેઠળ સતત પ્રયાસો દ્વારા, વિભાગનો ઉદ્દેશ્ય સંસાધનોના અનુકૂળ ઉપયોગને પ્રોત્સાહન આપવાનો, કાર્યસ્થળની સ્થિતિ સુધારવાનો અને નાગરિક-કેન્દ્રિત સાર્વજનિક સેવાઓના વિતરણને મજબૂત કરવાનો છે.

SM/IJ/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad