محکمہ بجلی کے سکریٹری جناب پنکج اگروال نے آج نئی دہلی میں فرانس کی ای ڈی ایف کے چیئرمین اور چیف ایگزیکٹو آفیسر جناب برنارڈ فونٹانا کے ساتھ ایک میٹنگ کی۔ میٹنگ میں بھارت میں مجوزہ ای پی آر ری ایکٹروں کی تنصیب کے سلسلے میں بھارت اور ای ڈی ایف کے درمیان جاری تعاون کا جائزہ لیا گیا۔ اس میٹنگ میں بھارت کی جانب سے محکمہ بجلی، وزارت خارجہ، مرکزی بجلی اتھارٹی (سی ای اے)، این ٹی پی سی لمیٹڈ اور این پی سی آئی ایل کے افسران جبکہ فرانسیسی جانب سے ای ڈی ایف اور بھارت میں فرانس کے سفارت خانے کے افسران نے شرکت کی۔

بات چیت کا مرکز ای پی آر ٹیکنالوجی کی تنصیب، جوہری شعبے کے لیے بھارت کی ضابطہ جاتی اصلاحات، پمپڈ ہائیڈرو اسٹوریج منصوبوں میں تعاون اور مضبوط اور باہمی طور پر مفید شراکت داری کو آگے بڑھانے کے طریقہ کار پر رہا۔

ای ڈی ایف نے بھارت کی جانب کو بڑے پیمانے پر مقامی سطح پر تیاری کے لیے بھارت میں ایکو سسٹم اور سپلائی چین تیار کرنے کی اپنی کوششوں سے آگاہ کیا اور اس بات کا اعادہ کیا کہ متعدد جوہری ری ایکٹروں پر مشتمل ایک بڑا پروگرام سپلائرز میں اعتماد پیدا کرے گا اور بھارتی صنعت کی صلاحیتوں سے فائدہ اٹھاتے ہوئے بڑے پیمانے پر پیداوار کی معیشت کو ممکن بنائے گا۔

 

 

سکریٹری (بجلی) نے فرانسیسی فریق کو جوہری توانائی کے شعبے کے لیے بھارت کے ضابطہ جاتی فریم ورک کو حتمی شکل دینے میں ہونے والی پیش رفت سے آگاہ کیا۔ اس میں مسودہ شانتی (بھارت کو تبدیل کرنے کے لیے جوہری توانائی کے پائیدار استعمال اور فروغ) قواعد و ضوابط بھی شامل ہیں، جنہیں محکمہ جوہری توانائی نے متعلقہ فریقوں سے مشاورت کے لیے عوامی سطح پر پیش کیا ہے۔ ان قواعد میں لائسنس جاری کرنے کے لیے ایک آسان اور مقررہ مدت پر مبنی فریم ورک فراہم کیا گیا ہے اور بھارت کے جوہری توانائی پروگرام میں نجی اور غیر ملکی شراکت داروں کی شرکت کو ممکن بنایا گیا ہے۔

دونوں فریقوں نے پمپڈ ہائیڈرو اسٹوریج منصوبوں میں تعاون پر بھی تبادلہ خیال کیا، جس کی بنیاد اس شعبے میں این ٹی پی سی اور ای ڈی ایف کے درمیان مجوزہ مشترکہ منصوبے پر ہے۔

 

********

ش ح ۔ ش ت ۔ م الف

U NO-4096

(ریلیز آئی ڈی: 2314906) وزیٹر کاؤنٹر : 13