ہندوستانی ریلوے نے ٹرین نمبر۔ 11901/11902 ویرانگنا لکشمی بائی جھانسی-آگرہ کینٹ ایکسپریس متھرا اسٹیشن تک کی توسیع کو منظوری دے دی ہے ۔ یہ توسیع ویرنگنا لکشمی بائی جھانسی اور متھرا کے درمیان ایک اضافی ٹرین سروس فراہم کرے گی ۔ جس سے جھانسی ، آگرہ اور متھرا کے درمیان سفر کرنے والے مسافروں کو زیادہ سہولت ملے گی ۔

منظور شدہ توسیع کے ساتھ  ٹرین نمبر ۔ 11901 اب ویرانگنا لکشمی بائی جھانسی سے متھرا تک چلے گی۔ جبکہ ٹرین نمبر ۔ 11902 متھرا سے ویرانگنا لکشمی بائی جھانسی کے واپسی کے سفر کے لیے روانہ ہوگی ۔ متھرا تک توسیع کے ساتھ ٹرین کا کل سفر کا فاصلہ 217 کلومیٹر سے بڑھ کر 270 کلومیٹر ہو جائے گا ۔

توسیعی سروس کے تحت  ٹرین نمبر ۔ 11901 ویرنگنا لکشمی بائی جھانسی سے 16:00 بجے روانہ ہوگی اور 23:00 بجے متھرا پہنچے گی ۔ واپسی کی سمت میں  ٹرین نمبر ۔ 11902 متھرا سے 05:05 بجے روانہ ہوگی اور 12:50 بجے ویرانگنا لکشمی بائی جھانسی پہنچے گی ۔

سروس کے توسیعی حصے میں راجہ کی منڈی ، رنکوٹا ، دین دیال دھام اور باد پر روکیں گی ، جو ان اسٹیشنوں پر مسافروں کو ریل تک رسائی فراہم کریں گے ۔

یہ توسیع جھانسی ، آگرہ اور متھرا کے درمیان مسافروں کے رابطے کو مضبوط کرے گی اور توسیعی راستے کے ساتھ انٹرمیڈیٹ اسٹیشنوں تک رسائی کو بہتر بنائے گی ۔

........................................................................................................

) ش ح ۔م ح۔م ش)

U.No. 4078