প্রধানমন্ত্রীগী লোইশঙ
প্রধান মন্ত্রীনা ৱর্ল্দ রাইনো দে পালন তৌখ্রে
প্রধান মন্ত্রীনা প্রোজেক্ত রাইনো হৌদোকপগী পাউ শেয়র তৌখ্রে
থাগৎখিবা:
22 SEP 2026 4:58PM by PIB Imphal
প্রধান মন্ত্রী শ্রী নরেন্দ্র মোদীনা ঙসি ৱর্ল্দ রাইনো দেগী থৌরমদা নীংথিরবা অচৌবা মচী অমখক পানবা রাইনোসেরস পু সেলেব্রেত তৌখি অমসুং মসিবু ঙাক-শেনবগী থবক্তা মাঙজিল থারিবা পুম্নমকপু থাগৎপা ফোঙদোকখি। অসামনা হৌজিক মালেমগী রাইনোগী অপুনবা মশীংগী চাউরাক্না চাদা ৮০ লৈ অমসুং কাজিরঙ্গানা রাইনো হাৎপগী থৌওং লোইশিনবদা হোৎনখিবা অদুবু মহাক্না শিংথাখি।
প্রধান মন্ত্রীনা বিহার অমসুং ৱেস্ত বেঙ্গোলগী শরুকশিংদা রাইনো অসি অমুক হল্লক্লে নত্রগা নীথিনা ঙাক-শেন্দুনা থম্লি, অদুগা উত্তর প্রদেশকী দুধুৱাদা রাইনো অমুক হন্না পুশিল্লকপগী মায় পাকপা অসিনা পুৱারী অমা শেম্লি হায়খি। মসিনা রেঞ্জ স্তেতশিংদা শা-উচেক ঙাক-শেনবা অমসুং থৱায় পানবশিংগী মেনেজমেন্তকী মতাংদা মীয়াম্না লেপ্তনা পুক্নিং চঙলিবা অদুবু উৎলি হায়না মহাক্না ফোদোকখি। মখা তানা, লৈবাকসিদা শা-উচেকশিং য়োকখৎপ থবকপু মাঙলোমদা পুখৎনবগীদমক, ঙাক-শেনবা, লৈফম শিন-লাঙবা, জেনেতিক ফগৎহনবা অমসুং পোপুলেসন দাইনামিক্স খঙদোকপদা রেঞ্জ স্তেতশিংদা শেল-থুমগী অমসুং তেক্নিকেলগী মতেঙ পাংনবগীদমক প্রোজেক্ত রাইনো হৌদোকপনি হায়না মহাক্না ফোঙদোকখি।
X তা থাগৎপা পোস্ত অমদা প্রধান মন্ত্রীনা ইখি:
“ৱর্ল্দ রাইনো দেগী থৌরম অসিদা, ঐখোয়না নীংথৎরবা অচৌবা মচী অমখক পানবা রাইনোসেরসপু সেলেব্রেত তৌরি অমসুং মসিবু ঙাক-শেনবদা মাঙজিল থারিবা পুম্নমকপু থাগৎপা ফোঙদোকচরি।
অসামনা হৌজিক মালেমগী রাইনোগী অপুনবা মশিংগী চাউরাক্না ৯০% লৈ অমসুং কাজিরঙ্গানা রাইনা হাৎপগী থৌওং লোইশিন্নবা হোৎনখিবা থৌদাং অদুবু য়াম্না চাউনা থাগৎনখি।
নাকল অমরোমদা, বিহার অমসুং ৱেস্ত বেঙ্গোলগী শরুকশিংদা রাইনা অমুক হল্লক্লে নত্রগা নীংথিনা ঙাক-শেন্দুনা থম্লি। অতোপ্পা নাকল অমদনা, দুধুৱা (উত্তর প্রদেশ)দা রাইনো অমুক হন্না পুশিল্লকপগী মায় পাকপা অসিনা পুৱারী অমা শেম্লি। মসিনা রেঞ্জ স্তেতশিংদা শা-উচেক ঙাক-শেনবা অমসুং থৱায় পানবশিংগী মেনেজমেন্তকী মতাঙদা ঐখোয়গী মীয়াম্না লেপ্তনা পুক্নিং চঙলিবা অদুবু উৎলি।
লৈবাকসিদা শা-উচেক য়োকখৎপগী থবকপু মাঙলোমদা পুখত্তুনা, ঙাক-শেনবা, লৈফম শিন-লাঙবা, জেনেতিক ফগৎহনবা অমসুং পোপুলেসন দাইনামিক্সকী মরমদা খঙদোক্নবগীদমক রেঞ্জ স্তেতশিংদা শেল-থুমগী অমসুং তেক্নিকেলগী মতেঙ পাংননবা প্রোজেক্ত রাইনো হৌদোক্লে হায়বা ৱাফম অসি ময়ামদা তম্বদা ঐঙোন্দা নুংঙাইবা ফাওই।”
*****
(রিলিজ আই.দি.: 2313789)
ভিজিতর কাউন্তর : 3
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam