ہندوستانی فضائیہ( آئی اے ایف) اور جاپان ایئر سیلف ڈیفنس فورس (جے اے ایس ڈی ایف) کے درمیان دوطرفہ فضائی مشق’ویر گارجین- 2026‘ 22 ستمبر 2026 کو ایئر فورس اسٹیشن جودھ پور میں اختتام پذیر ہوئی۔ مشق نے دو ایئر اسٹراٹک پارٹنرشپ کے درمیان انٹرآپریبلٹی کو بڑھانے اور مضبوط بنانے کے لیے ایک اہم پلیٹ فارم کے طور پر کام کیا۔ ہندوستانی فضائیہ( آئی اے ایف)  نے طیاروں کا مرکب تعینات کیا، جس میں ایس یو 30- ایم کے آئی، رفائل اور مقامی ہلکے جنگی طیارے تیجس (ایل سی اے) شامل ہیں۔ جاپان ایئر سیلف ڈیفنس فورس (جے اے ایس ڈی ایف) نے ایف 2-اے لڑاکا طیارے کے ساتھ حصہ لیا۔

 چودہ  دنوں پر محیط مشترکہ تربیت کے دوران آئی اے ایف اور جے اے ایس ڈی ایف نے بصری رینج کے جنگی اور مربوط ملٹی ایئر کرافٹ مشنز کے وسیع رینج میں جدید فلائنگ مشنز میں مصروف رہے۔ معزز مہمانوں کے دن پر جنرل تاکی ہیرو موریتا، چیف آف اسٹاف، جے اے ایس ڈی ایف اور ایئر چیف مارشل اے پی سنگھ، چیف آف دی ایئر اسٹاف نے ایئر فورس اسٹیشن جودھپور کا دورہ کیا اور دیسی تیجس لڑاکا طیارے کو اڑایا۔

مشق میں آئی اے ایف اور جے اے ایس ڈی ایف کے اہلکاروں کے درمیان متعدد زمینی تعاملات کا بھی مشاہدہ کیا گیا جیسا کہ سبجیکٹ میٹر ایکسپرٹ ایکسچینجز، آپریشنل بات چیت، مشن پلاننگ کانفرنس، انجینئرنگ انٹریکشن، مینٹیننس پریکٹس اور ایرو اسپیس سیفٹی بریفنگ جس میں دونوں طرف سے مختلف پہلوؤں پر تبادلہ خیال کیا گیا۔ اس نے حصہ لینے والے دستوں کو ایک دوسرے کے بہترین طریقوں کے بارے میں انمول بصیرت حاصل کرنے اور ایک دوسرے کی منفرد صلاحیتوں سے سیکھنے کے قابل بنایا۔

ویر گارجین 26 کی مشق دونوں فضائی افواج کے درمیان پائیدار دوستی اور پیشہ ورانہ ہم آہنگی کے ثبوت کے طور پر اختتام پذیر ہوئی۔ یہ مصروفیت ہندوستان اور جاپان کے درمیان دفاعی شراکت داری کے بہتر تعاون اور اسٹریٹجک گہرائی کی راہ ہموار کرتی ہے۔

 

*****

 ش ح – ظ الف – م ذ  

UR No. 3919

(ریلیز آئی ڈی: 2313527) وزیٹر کاؤنٹر : 7