نشہ مکت یووا برائے وکست بھارت کے 100 ہفتوں پر مشتمل نشہ مکت یووا ابھیان کے تحت راشٹریہ سنکلپ سماروہ 18 ستمبر 2026 کو ملک بھر میں منایا گیا، جس میں نوجوانوں کو اجتماعی عہد، دستخطی مہمات، تخلیقی اظہار اور نوجوانوں کی قیادت میں ہونے والے مکالموں کے ذریعے اکٹھا کیا گیا۔

ملک گیر سطح پر منعقد ہونے والے اس پروگرام میں تمام 28 ریاستوں اور 8 مرکز کے زیر انتظام علاقوں کے 259 اداروں نے شرکت کی۔ اس دوران 1,455 سرگرمیاں انجام دی گئیں اور ایم وائی بھارت-نیشنل سروس اسکیم (این ایس ایس) کے تعاون سے 1,47,798 شرکاء کو متحرک کیا گیا۔

پہلے دن کی سرگرمیوں نے نشہ مکت یووا تحریک کے روک تھام کے ستون کے تحت بیداری پیدا کرنے، صحت مند اور مثبت انتخاب کی حوصلہ افزائی کرنے اور نوجوانوں کی شرکت کو مضبوط بنانے پر مہم کی توجہ کو اجاگر کیا۔ ان سرگرمیوں نے نوجوانوں کو اپنے عزم کا اظہار کرنے اور صحت مند و زیادہ ذمہ دار طرزِ زندگی کے حوالے سے مکالمے میں شامل ہونے کے لیے پلیٹ فارم فراہم کیا۔

حلف برداری کی تقریب دن کی اہم سرگرمیوں میں شامل رہی، جس کے تحت 320 سرگرمیوں میں 45,082 شرکاء نے حصہ لیا۔ دستخطی مہم کے تحت 407 سرگرمیاں منعقد کی گئیں، جن میں 42,443 شرکاء نے حصہ لیا اور اجتماعی عزم کا واضح اظہار کیا۔

اس دن تخلیقی اور شراکتی طریقۂ کار کا بھی وسیع پیمانے پر استعمال کیا گیا۔ موضوعاتی اسٹریٹ ڈرامے (نکڑ ناٹک) کے تحت 198 سرگرمیاں منعقد کی گئیں، جن میں 8,197 شرکاء نے حصہ لیا، جبکہ نوجوانوں کی قیادت میں مباحثے اور سیمینار 302 سرگرمیوں کے ذریعے منعقد کیے گئے، جن میں 28,466 شرکاء شامل ہوئے۔ دیگر طریقۂ کار کے تحت مزید 228 سرگرمیاں انجام دی گئیں، جن میں 23,610 شرکاء نے حصہ لیا۔

راشٹریہ سنکلپ سماروہ نے اس طرح نوجوانوں کی شمولیت کی متعدد شکلوں کو ایک پلیٹ فارم پر جمع کیا—اجتماعی عہد اور عوامی دستخطوں سے لے کر اسٹریٹ تھیٹر اور مکالمے تک۔ یہ مہم کے اس نقطۂ نظر کی عکاسی کرتا ہے کہ نشہ مکت کے پیغام کو محض ایک بیداری سرگرمی تک محدود رکھنے کے بجائے اسے نوجوانوں کی مستقل شرکت تک لے جایا جائے۔

نشہ مکت یووا برائے وکست بھارت مہم کو 100 ہفتوں/100 اتوار پر مشتمل ایک مسلسل تحریک کے طور پر تشکیل دیا گیا ہے۔اس کا پہلا سرگرمی سائیکل ’’میری صحت، میرا فخر‘‘ پر مرکوز ہے، جس کے بعد فٹ یوتھ، نشے سے پاک یوتھ اور لائف اسکلز کے مہینے منائے جائیں گے۔ یہ پروگرام صحت، تندرستی، بیداری اور زندگی کی مہارتوں سے متعلق سرگرمیوں کے ذریعے نوجوانوں کو شامل کرنے کے لیے تیار کیا گیا ہے۔

راشٹریہ سنکلپ سماروہ نوجوانوں کی مسلسل شمولیت کے اس مرحلے کے آغاز کی علامت ہے۔ آنے والے ہفتوں میں اداروں، نوجوانوں کے مراکز اور برادریوں میں مسلسل سرگرمیوں کا انعقاد کیا جائے گا۔

***

UR-3762

(ش ح۔اس ک  )

 

(ریلیز آئی ڈی: 2312262) وزیٹر کاؤنٹر : 8