بھارت کی ٹیلی کام انضباطی اتھارٹی (ٹی آر اے آئی) نے عام ٹیلی کام صارفین کی معلومات کے لیے جولائی 2026 کے دوران ٹی این ایل ایس اے (ٹی این ایل ایس اے) کے تحت چنئی شہر میں کیے گئے آزادانہ ڈرائیو ٹیسٹ (آئی ڈی ٹی) کے نتائج جاری کر دیے ہیں۔ اس ڈرائیو ٹیسٹ کا مقصد ٹیلی کام خدمات فراہم کرنے والی کمپنیوں (ٹی ایس پیز) کی جانب سے فراہم کی جانے والی موبائل نیٹ ورک خدمات (وائس اور ڈیٹا دونوں) کے حقیقی وقت کے معیار کا جائزہ لینا اور اس کی تصدیق کرنا ہے۔ آئی ڈی ٹی کے دوران ٹی آر اے آئی، سروس کے معیار (کیو او ایس) سے متعلق اہم پیمانوں، مثلاً کوریج، کال ڈراپ ریٹ (سی ڈی آر)، کال سیٹ اَپ کامیابی کی شرح (سی ایس ایس آر)، ڈیٹا ڈاؤن لوڈ (ڈی ایل) اور اَپ لوڈ (یو ایل) تھروپٹ وغیرہ کے حوالے سے ٹی ایس پیز کی کارکردگی کا جائزہ لیتا ہے۔ ان نتائج کو صارفین کو معلومات فراہم کرنے اور ٹی ایس پیز کو اپنی خدمات میں بہتری لانے کی ترغیب دینے کے لیے شائع کیا جاتا ہے۔

مذکورہ آزادانہ ڈرائیو ٹیسٹ کو اس طرح ترتیب دیا گیا ہے کہ شہروں، ہاٹ اسپاٹس، عوامی نقل و حمل کے مراکز وغیرہ جیسے استعمال کے مختلف ماحول میں تمام ٹی ایس پیز کے موبائل نیٹ ورک کی زمینی سطح پر کارکردگی کا جائزہ لیا جا سکے۔ اس نوعیت کی ڈرائیو ٹیسٹنگ میں تمام ٹی ایس پیز کے سم کارڈز کے ذریعے 2جی، 3جی، 4جی اور 5جی نیٹ ورکس پر براہِ راست ڈیٹا اور وائس سیشن قائم کیے جاتے ہیں۔ اس کے لیے متعدد جدید ٹیسٹ ہینڈ سیٹس استعمال کیے جاتے ہیں، جبکہ جدید سافٹ ویئر سسٹمز کے ذریعے ان سیشنز کی حقیقی وقت میں نگرانی اور تجزیہ کیا جاتا ہے۔

ٹی آر اے آئی(ٹرائی) نے اپنی مقرر کردہ ایجنسی کے ذریعے تمل ناڈو ایل ایس اے کے تحت چنئی شہر میں 15 جولائی 2026 سے 17 جولائی 2026 کے دوران سٹی ڈرائیو – 232.8 کلومیٹر، ہاٹ اسپاٹ مقامات – 7 اور واک ٹیسٹ – 9.9 کلومیٹر کے علاقوں میں ڈرائیو ٹیسٹ انجام دیئے۔ یہ ٹیسٹ ٹی آر اے آئی کے علاقائی دفتر حیدرآباد کی نگرانی میں کیے گئے۔ ڈرائیو ٹیسٹ رپورٹس میں پیش کیے گئے مشاہدات سے ٹیسٹ کیے گئے علاقے یا راستے میں ڈرائیو ٹیسٹ کے دن اور وقت کے دوران ٹی ایس پیز کی کارکردگی کی عکاسی ہوتی ہے۔

ڈرائیو ٹیسٹ روٹ میپ: درج ذیل نقشے میں ڈرائیو ٹیسٹ کے راستوں کا مجموعی خاکہ پیش کیا گیا ہے، جس میں نقشے پر دی گئی علامات کے مطابق سٹی ڈرائیو، انٹر آپریٹر کالنگ، ہاٹ اسپاٹس اور واک ٹیسٹ کے راستوں کی نشاندہی کی گئی ہے:-

اہم پیمانے جن کا جائزہ لیا گیا

1. کوریج گیپ: ان نمونوں کی فیصد جن میں متعلقہ ٹیکنالوجی (2جی/ 3جی/ 4جی/ 5جی) کے لیے مقرر کردہ کم از کم سگنل کی طاقت سے کم سگنل کی طاقت ریکارڈ کی گئی۔
2. وائس خدمات: کال سیٹ اَپ کامیابی کی شرح (سی ایس ایس آر)، ڈراپ کال ریٹ (ڈی سی آر)، کال سیٹ اَپ کا وقت، کال سائلنس ریٹ اور گفتگو کا معیار (ایم او ایس)۔
3. کال سائلنس کا واقعہ: کال کے دوران پیش آنے والے کال سائلنس کے واقعات کی تعداد۔
4. ڈیٹا خدمات: ڈاؤن لوڈ/اَپ لوڈ تھروپٹ، تاخیر (لیٹنسی)، جِٹر اور پیکٹ ڈراپ ریٹ۔

چنئی شہر میں اہم پیمانوں کے حوالے سے موبائل نیٹ ورک کی مجموعی کارکردگی کا خلاصہ درج ذیل ہے:-

a) کوریج گیپ: ڈرائیو ٹیسٹ کے راستے پر آٹو سلیکشن موڈ (5جی/4جی/3جی/2جی) میں وائس ٹیسٹنگ کے دوران مشاہدہ کی گئی سگنل کی طاقت، جسے جمع کیے گئے کل نمونوں میں کمزور سگنل کی طاقت رکھنے والے نمونوں کی تعداد کے طور پر ناپا گیا، ایئرٹیل کے لیے 43/57398، بی ایس این ایل کے لیے 1072/56431، آر جے آئی ایل کے لیے 159/55815 اور وی آئی ایل کے لیے 54/56842 رہی۔ کوریج گیپ کی تفصیلات منسلک نقشے میں فراہم کی گئی ہیں۔

ڈرائیو ٹیسٹ کے راستے پر آٹو سلیکشن موڈ (5جی/4جی/3جی/2جی) میں وائس ٹیسٹنگ کے دوران مشاہدہ کی گئی سگنل کی طاقت، جسے جمع کیے گئے کل نمونوں میں محدود سروس رکھنے والے نمونوں کی تعداد کے طور پر ناپا گیا، ایئرٹیل کے لیے 7/57398، بی ایس این ایل کے لیے 191/56431، آر جے آئی ایل کے لیے 0/55815 اور وی آئی ایل کے لیے 0/56842 رہی۔ کوریج گیپ کی تفصیلات منسلک نقشے میں فراہم کی گئی ہیں۔

b) ڈراپ کالز: کامیابی کے ساتھ قائم کی گئی کالز کی تعداد میں سے ڈراپ ہونے والی کالز کی تعداد کے طور پر ناپی گئی ڈراپ کالز، ایئرٹیل کے لیے 0/500، بی ایس این ایل کے لیے 12/499، آر جے آئی ایل کے لیے 1/514 اور وی آئی ایل کے لیے 1/508 رہیں۔ ڈراپ کالز کے مقامات کی تفصیلات منسلک نقشے میں فراہم کی گئی ہیں۔

c) کال سائلنس کا واقعہ: قائم کی گئی کل کالز میں سے 3 سیکنڈ سے زیادہ دورانیے کے سائلنس کے واقعات کی مجموعی تعداد کے طور پر ناپے گئے کال سائلنس کے واقعات، ایئرٹیل کے لیے 3/493، بی ایس این ایل کے لیے 38/486، آر جے آئی ایل کے لیے 2/492 اور وی آئی ایل کے لیے 3/501 رہے۔ کال سائلنس کے واقعات کے مقامات کی تفصیلات منسلک نقشے میں فراہم کی گئی ہیں۔

d) ڈیٹا ڈاؤن لوڈ اور اَپ لوڈ تھروپٹ:

i) ڈیٹا ڈاؤن لوڈ کی کارکردگی (مجموعی): اوسط ڈاؤن لوڈ رفتار ایئرٹیل (5جی/4جی) کے لیے 125.49 ایم بی پی ایس، بی ایس این ایل (3جی) کے لیے 11.40 ایم بی پی ایس، آر جے آئی ایل (5جی/4جی) کے لیے 302.97 ایم بی پی ایس اور وی آئی ایل (5جی/4جی/2جی) کے لیے 38.76 ایم بی پی ایس ریکارڈ کی گئی۔ ڈاؤن لوڈ تھروپٹ کی تفصیل منسلک نقشے میں فراہم کی گئی ہے۔

ii) ڈیٹا اَپ لوڈ کی کارکردگی (مجموعی): اوسط اَپ لوڈ رفتار ایئرٹیل (5جی/4جی) کے لیے 34.21 ایم بی پی ایس، بی ایس این ایل (3جی) کے لیے 6.37 ایم بی پی ایس، آر جے آئی ایل (5جی/4جی) کے لیے 30.43 ایم بی پی ایس اور وی آئی ایل (5جی/4جی/2جی) کے لیے 25.22 ایم بی پی ایس ریکارڈ کی گئی۔ اَپ لوڈ تھروپٹ کی تفصیل منسلک نقشے میں فراہم کی گئی ہے۔

منسلک نقشے پر سرخ نقطے پر کلک کرکے ڈراپ کالز اور کال سائلنس کے واقعات کے مقامات دیکھے جا سکتے ہیں۔

آئی ڈی ٹی کے دوران ڈرائیو ٹیسٹ کے راستے اور احاطہ کیے گئے علاقے کی تفصیلات درج ذیل ہیں:-

1. شہر: شہر میں کیے گئے ڈرائیو ٹیسٹ کے دوران چنئی شہر کے ترو نیرمالائی، پامّل، سینٹ تھامس ماؤنٹ، گِنڈی، سَیداپیٹ، الورپیٹ، مائیلاپور، ایگمور، جارج ٹاؤن، رائے پورم، ٹول گیٹ، کِلپوک، انا نگر، کویامبیڈو، پُلیامبیڈو، چیمبرمباکم اور کَنڈاپالایم وغیرہ کے علاقوں کا احاطہ کیا گیا۔
2. ہاٹ اسپاٹ: اسٹیشنری صارف کے تجربے کو ریکارڈ کرنے کے لیے درج ذیل ہاٹ اسپاٹ مقامات کا انتخاب کیا گیا: 1۔ چنئی ایئرپورٹ پارکنگ 2۔ سی ٹی آر ایل ایس ڈیٹا سینٹر 3۔ ہوٹل لیمن ٹری 4۔ پریس انفارمیشن بیورو 5۔ ساویتا انجینئرنگ کالج 6۔ وڈاپالانی میٹرو اسٹیشن 7۔ وی آر مال چنئی۔
3. واک ٹیسٹ: 16 جولائی 2026 کو کیے گئے واک ٹیسٹ میں چنئی ایئرپورٹ کے رن وے اور چنئی ایئرپورٹ ٹرمینل کے اندرونی حصے کا احاطہ کیا گیا۔

اس آئی ڈی ٹی رپورٹ کے نتائج مزید ضروری کارروائی کے لیے متعلقہ ٹی ایس پیز کے ساتھ شیئر کیے گئے ہیں۔آئی ڈی ٹی کی تفصیلی رپورٹس ٹی آر اے آئی کی ویب سائٹ www.trai.gov.in پر دستیاب ہیں۔کسی وضاحت یا اضافی معلومات کے لیے adv.hydreabad@trai.gov.in پر ای میل بھیجی جا سکتی ہے یا ٹی آر اے آئی کے علاقائی دفتر سے ٹیلی فون نمبر 040-23000761 پر رابطہ کیا جا سکتا ہے۔

ضمیمہ دیکھنے کے لیے یہاں کلک کریں

Click here to see Annexure

******

ش ح ۔ ش م ۔ م ا

UR No-3708

(ریلیز آئی ڈی: 2311413) وزیٹر کاؤنٹر : 6