প্রধানমন্ত্রীগী লোইশঙ
প্রধান মন্ত্রীনা নই দিল্লীদা পাংথোকপা ব্রিক্স সম্মিৎকী নাকলদা খা অফ্রিকাগী রাস্ত্রপতিগা উনখ্রে
থাগৎখিবা:
13 SEP 2026 6:15PM by PIB Imphal
প্রধান মন্ত্রী শ্রী নরেন্দ্র মোদীনা ২০২৬কী সেপ্তেম্বর ১৩দা ন্যু দিল্লীদা পাংথোকপা ১৮শুবা ব্রিক্স সম্মিৎকী নাকলদা, রিপব্লিক ওফ সাউথ অফ্রিকাগী রাস্ত্রপতি ঐচ.ই. শ্রী সিরিল রামফোসাগা উনখ্রে।
লুচিংবা অনিনা পুন্না থবক তৌমিন্নবগী তোঙান তোঙানবা লমশিংদা অওনবা পুরক্লিবা অদু য়েংশিনখি অমসুং ভারত অমসুং খা অফ্রিকাগী মরক্তা মল্তি-ফেসেতেদ স্ত্রেতেজিক পার্তনরশিপকী মতাংদা ৱাখল্লোনশিং ফোংদোক্নখি। ভারত অমসুং সাউথ অফ্রিকাগী মরক্তা লৈনরিবা অচেৎপা অমসুং মতম শাংনা লৈরক্লবা মরী অসি পুৱারীগী ওইবা লান্থেং, অচেৎপা কলচরেল এফিনিতীশিং, অচেৎপা ইকোনোমিক লিঙ্কশিং অমসুং মীয়ামগা মীয়ামগা নকশিন্নবা মরীশিংদা য়ুম্ফম ওইরি হায়না মখোয়না ফোংদোকখি। লুচিংবা অনিনা ম্যুচুএল ইন্তরেস্তকী মালেমগী ওইবা হীরম কয়াদা ৱাখল্লোনশিং ফোংদোক্নখি অমসুং মল্তিলেতরেল ফোরমশিংদা নক্নবা কোওর্দিনেসন লৈহন্নবা য়ানখি। খা অফ্রিকাদগী ভারত্তা চিতাশিং মায় পাক্না পুরকপগী মতাংদা, প্রধান মন্ত্রীনা খা অফ্রিকাবু ইন্তর্নেস্নেল বিগ কেৎ এলাইন্সতা য়াওনবা খন্ননবা হায়খি।
রাস্ত্রপতি রামফোসানা মহাক অমসুং মহাক্কী মীহুৎ কাংবুদা উৎলিবা মীয়োক-মীচান ফবগী মতৌগীদমক অমসুং ব্রিক্স সম্মিৎ অসি মায় পাক্না পাংথোকপগীদমক প্রধান মন্ত্রী মোদীবু থাগৎপা ফোংদোকখি।
*****
(রিলিজ আই.দি.: 2309920)
ভিজিতর কাউন্তর : 3
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Tamil
,
Telugu
,
Malayalam