سماجی انصاف اور عطائے اختیارات کی وزارت کارکنوں کی پروفائلنگ، حفاظتی سازوسامان کی فراہمی، صحت بیمہ کوریج، مالی امداد اور حفاظتی بنیادی ڈھانچے کو مضبوط بنانے کے ذریعے صفائی کارکنوں کی فلاح و بہبود اور وقار کے تحفظ کے لیے اقدامات کو آگے بڑھا رہی ہے۔

سماجی انصاف اور عطائے اختیارات کی وزارت کے سکریٹری جناب سدھانش پنت نے بتایا کہ مجموعی طور پر 90,942 سیور اور سیپٹک ٹینک کارکنوں کی پروفائلنگ کی گئی ہے، جن میں سے 89,248 کی توثیق ہو چکی ہے۔ انہوں نے بتایا کہ 87,037 کارکنوں کو ذاتی حفاظتی سازوسامان (پی پی ای) کٹ فراہم کی گئی ہیں، جبکہ 76,247 کارکنوں کو مختلف صحت بیمہ اسکیموں کے تحت کور کیا گیا ہے، جو کام کے زیادہ محفوظ حالات اور صحت سے متعلق تحفظ تک رسائی فراہم کرتی ہیں۔

 

 

سکریٹری نے بتایا کہ صفائی کی گاڑیوں تک رسائی کو آسان بنانے کے لیے 364 گاڑیوں کی خریداری کے لیے 983 صفائی کارکنوں کو 34.17 کروڑ روپے کی پیشگی سرمایہ جاتی سبسڈی جاری کی گئی ہے۔ انہوں نے مزید کہا کہ یہ امداد میکانائزڈ صفائی کے کاموں اور کارکنوں کے لیے روزگار کے مواقع کو فروغ دینے میں معاون ہے۔

جناب پنت نے کہا کہ حفاظتی بنیادی ڈھانچے کو مزید مضبوط بنانے کے لیے بڑی میونسپل کارپوریشنوں اور اضلاع میں قائم ایمرجنسی رسپانس سینیٹیشن یونٹ (ای آر ایس یو) کو 753 حفاظتی آلات روانہ کیے گئے ہیں۔

انہوں نے مزید بتایا کہ مالی اور فلاحی امداد کے ساتھ ساتھ، سیور اور سیپٹک ٹینکوں کی خطرناک صفائی کی روک تھام کے لیے ملک بھر میں 1,562 ورکشاپ منعقد کی گئی ہیں۔

سکریٹری نے مزید بتایا کہ اسکیم کا دائرۂ کار جون 2024 میں بڑھا کر شہری اور دیہی دونوں علاقوں میں ٹھوس فضلہ کے انتظام سے وابستہ کچرا چننے والوں کو بھی اس میں شامل کیا گیا، جس سے اس طبقے کے کارکنوں کو فلاحی اور حفاظتی سہولیات فراہم کرنے کا دائرۂ کار وسیع ہوا ہے۔

جناب پنت نے تفصیل بتاتے ہوئے کہا کہ مجموعی طور پر 3,78,547 کچرا چننے والوں کی پروفائلنگ کی گئی ہے، جن میں سے 2,52,163 کی ای-کے وائی سی کے ذریعے توثیق کی جا چکی ہے۔ انہوں نے مزید کہا کہ تقریباً 1,31,864 کچرا چننے والوں کو پی پی ای کٹ فراہم کی گئی ہیں، جبکہ 1,24,835 کچرا چننے والوں کے اعداد و شمار کو آیوشمان کارڈ جاری کرنے کے لیے پروسیس کیا گیا ہے۔

جناب پنت نے اعتماد کا اظہار کیا کہ یہ اقدامات پیشہ ورانہ تحفظ کو مضبوط بنانے، فلاحی فوائد تک رسائی بہتر بنانے اور صفائی ستھرائی اور ٹھوس فضلہ کے انتظام سے وابستہ کارکنوں کے وقار کو برقرار رکھنے کے لیے وزارت کی کوششوں کی عکاسی کرتے ہیں۔

*********

ش ح۔ ف ش ع

                                                                                                                                       U: 3365

(ریلیز آئی ڈی: 2309728) وزیٹر کاؤنٹر : 4