حکومت ہند کی دیہی ترقی کی وزارت (ایم او آر ڈی) کے سینئر افسران نے بشنو پور اور چوراچند پور اضلاع میں جاری مختلف دیہی ترقیاتی اسکیموں کے نفاذ اور پیش رفت کی نگرانی کیلئے 8 سے 10 ستمبر 2026 تک منی پور کا دو روزہ ایریا آفیسر دورہ کیا ۔

اس دورے کی قیادت دیہی ترقی کی وزارت کی اسکیموں کے لئے منی پور میں مرکزی حکومت کے اسٹیٹ نوڈل ایریا آفیسر اورایم او آر ڈی  کے ڈپٹی ڈائریکٹر جنرل، جناب الطاف حسین حاجی نے کی۔ ان کے ہمراہ ایم او آر ڈی، نئی دہلی کے ڈپٹی ڈائریکٹر، جناب راجیش کمار بھی موجود تھے۔

 

دورے کے دوران ، افسران نے سیلف ہیلپ گروپوں (ایس ایچ جی) کے مستفیدین اور مختلف دیہی ترقیاتی اسکیموں سے وابستہ مختلف اسٹیک ہولڈرز کے ساتھ بات چیت کی ۔ انہوں نے اسکیموں کے نفاذ کی صورتحال کا جائزہ لیا اور ان کی رسائی کو مزید بہتر بنانے اور اس بات کو یقینی بنانے کے طریقوں پر تبادلہ خیال کیا کہ ان اسکیموں کی رسائی کو مزید بہتر کیسے بنایا جائے تاکہ زیادہ سے زیادہ مستحقین تک ان کے مطلوبہ فوائد پہنچ سکیں۔

ضلعی انتظامیہ کو ہدایت دی گئی کہ عوام کے فائدے اور مجموعی بہبود کے لیے جاری دیہی ترقی کی اسکیموں کے نفاذ میں تیزی لائی جائے اور انہیں مزید مؤثر بنایا جائے۔ افسران نے اس بات پر بھی زور دیا کہ نچلی سطح پر بیداری پروگرام منعقد کیے جائیں تاکہ دیہی برادریوں کو مختلف اسکیموں اور ان کے فوائد کے بارے میں بہتر معلومات فراہم کی جا سکیں۔

 

مختلف سرکاری اسکیموں اور محکموں کے درمیان بہتر تال میل اور باہمی تعاون پر بھی زور دیا گیا تاکہ مقررہ اہداف کو مؤثر طریقے سے حاصل کیا جا سکے اور مستفیدین کو زیادہ سے زیادہ فوائد پہنچائے جا سکیں۔

ملاقات کے دوران ریاستی نوڈل آفیسر جناب الطاف حسین حاجی نے مستفیدین کی جانب سے پیش کی گئی شکایات اور مسائل بھی سنے۔ ان میں پردھان منتری آواس یوجنا–گرامین (پی ایم اے وائی –جی) کے تحت قسطوں کی ادائیگی میں تاخیر اور نیشنل سوشل اسسٹنس پروگرام (این ایس اے پی) کے تحت پنشن کی ادائیگی میں تاخیر سے متعلق مسائل شامل تھے۔انہوں نے متعلقہ ضلعی افسران کو ضروری کارروائی کرنے اور ان مسائل کو جلد از جلد حل کرنے کی ہدایت دی۔

دورہ کرنے والے افسران نے مشاہدہ کیا کہ دین دیال انتیودیہ یوجنا-نیشنل رورل لائیولی ہڈ مشن (ڈی اے وائی-این آر ایل ایم) کے تحت سیلف ہیلپ گروپ قابل ذکر کارکردگی کا مظاہرہ کر رہے ہیں ۔  ایس ایچ جی ممبران جلد از جلد لکھپتی دیدی بننے کے ہدف کو حاصل کرنے کے لیے پرجوش اور پرعزم پائے گئے ۔

دورے کے اختتامی مرحلے میں جناب الطاف حسین حاجی نے حکومتِ منی پور میں دیہی ترقی کے سکریٹری جناب سمنت سنگھ سے ملاقات کی۔ اس دوران دیہی ترقی کی اسکیموں کے نفاذ میں حاصل ہونے والی پیش رفت اور ان کے مؤثر نفاذ سے متعلق مختلف امور پر تبادلۂ خیال کیا گیا۔ملاقات میں معمولی نوعیت کے مسائل کو دور کرنے اور ریاست میں دیہی ترقی کے پروگراموں کی عمل آوری اور عوام تک ان کی رسائی کو مزید مضبوط بنانے پر بھی توجہ مرکوز کی گئی۔

***

ش ح۔ ک ا۔ ن ع

U.NO.3310

(ریلیز آئی ڈی: 2309147) وزیٹر کاؤنٹر : 8