প্রধান মন্ত্রী শ্রী নরেন্দ্র মোদীনা ঙসি মুম্বাইদা গ্লোবেল ফিনতেক ফেস্ত ২০২৬ হৌদোকখ্রে। মীয়াম তিনখিবদা ৱা ঙাংলদুনা, প্রধান মন্ত্রীনা মালেম পুম্বগী ইন্নোবেতরশিং, লুচিংবশিং অমসুং ইনভেস্তরশিংবু তরাম্না ওকখি। মহাক্না হায়খি মদুদি থৌরম অসিদা থংননা অহুমলকশুবা ওইনা শরুক য়াবা ফংবসি মহাক্কী সরকারগী অহুমশুবা তর্মগী মতুংদা য়াম্না মরুওইবা জাতিগী থাক্তা লৈবা হেৎ-ত্রিক অমনি। শ্রী মোদীনা হায়খি, "হেত-ত্রিক অসিনা ভিক্সিৎ ভারতকীদমক অদোমগী থবকশিং অদু অদুক্কী মতীক মরু ওই হায়বদু উৎলি।"

ফিনতেকতা লৈরিবা দাইনামিক ইভোলুসন পল্লদুনা প্রধান মন্ত্রীনা সেক্তর অসিগী মনুংদা হেনগৎলক্লিবা ইনর্জী, নহারোলশিংগী শরুক য়াবা, অমসুং থৌনা লৈনা রিস্ক লৌবগী কেপাসিতীনা ওইথোকপা য়াবশিংগী পাকথোক চাউথোকপা অমা উবা ফংখি। ইকোসিস্তেমগী থৌনা লৈরবা চাউখৎপা অসিনা লৈবাক অসিগী তুংলমচৎকী মতাংদা মহাক্কী থাজবা অসি মখা তানা মপাঙ্গল কনখৎহল্লি হায়না মহাক্না ফোংদোকখি। শ্রী মোদীনা হায়খি, "মরম অদুনা, বিক্সিত ভারতকী তুংলমচৎকী মতাংদা ঐহাক্কী থাজবা অসি হেন্না মপাঙ্গল কনখৎলক্লি।"

তেক্নোলোজিকেল ইন্নোবেসন অমসুং কলচরেল সেলেব্রেসনগী মরক্তা ফজবা মান্নবগী খুদম অমা অমা পীরদুনা, প্রধান মন্ত্রীনা মহারাস্ত্রা অমসুং লৈবাক শীনবা থুংনা ময়াম্না ঙাইনরিবা গনেশওৎসবকী মমাংদা মুম্বাইগী ফেস্তিবেলগী স্পিরিৎ অদু পনখি। মহাক্না ভগবান গনেশপু ইকায় খুম্নবা উৎখি, অফবা থবকশিং পাংথোক্ত্রিঙৈদা লাইগী মনা-মথুম লৌবগী চৎনবী অদু ঙাক্না চৎখি। শ্রী মোদীনা হায়খি, "গনপতি বাপ্পাগী মফমদা ইকায় খুম্নবা উৎচরি। গ্লোবেল ফিনতেক ফেস্ত ২০২৬কীদমক ঐহাক্না পুম্নমকপু য়াইফ-পাউজেল পীজরি।"

ৱারোইশিন, ললোন-ইতিক্কী ৱাথোক অমসুং ইনর্জী অমসুং পোৎলমশিংগী সপ্লাই চেনশিংদা অকনবা প্রেসর লৈবনা মরম ওইদুনা মালেমগী অরুবা ফিভম অমা লৈরি হায়বা খঙলদুনা প্রধান মন্ত্রীনা মালেমগী শেন্মিৎলোনদা লৈরক্লিবা ফিভম অসি এপ্রিলদগী জুন ফাওবগী ক্বাতরদা ভারতকী গ্রোথ অসি চাদা ৭.৮ ওইরকপগা চাংদম্নখি। মালেমগী মীয়ামদা অনৌবা থাজবা অমা পীরক্লিবা ভারতকী শেন্মিৎলোনগী মপাঙ্গল অদু মহাক্না থাগৎপা ফোংদোকখি। অমসুং মসিগী থাজবা অসি, ঐহাক্না মফমসিদা লৈরিবা পুম্নমক্কী মায়কৈদা ময়েক শেংনা উবা ফংই।"

ভারতকী শেন্মিৎলোনগী মওং মতৌগী মতাংদা ইকুই কুইদ্রিঙৈদা পাংথোকখিবা অচৌবা ৱারোল অমা পল্লদুনা, প্রধান মন্ত্রীনা জপানগী ক্রেদিৎ রেতিং এজেন্সী অমনা লৈবাক অসিগী সোভরিন রেতিং অসি দিকেদ অহুমগী মতুংদা এ-কেতেগোরীদা হেনগৎলকপদা থাগৎপা ফোংদোকখি। স্ত্রকচরেল রিফোর্মশিং অমসুং মেক্রোইকোনোমিক স্তেবিলিতীনা লৈবাক অসিগী গ্রোথ মোমেন্তম অসি লেপথোকপা ঙমহন্দনা লৈহন্নবগীদমক মহাক্না পুৱারীগী ওইবা মাইলস্তোন অসি থাগৎপা ফোংদোকখি। শ্রী মোদীনা হায়খি, ঐহাক্না অমুক্কা হন্না হায়জনীংবদি ভারতকী রিফোর্ম এক্সপ্রেস অসি হেন্না থুনা খুমাং চাউশিল্লগনি।

ভারতকী তেক্নোলোজিগী খুমাং চাউশিল্লকপগী মশক থোকপা ৱারী অদু থাগৎলদুনা প্রধান মন্ত্রীনা য়ুনিফাইদ পেমেন্ত ইন্তরফেস (য়ু.পি.আই.) না লম্বা লৈতনা মাংজিল থানা চৎলি হায়খি। মহাক্না ফোংদোকখি মদুদি নেস্নেল ফিনতেক রিভোলুসনগী মতাংদা খন্ন-নৈনবদা প্লেৎফোর্ম অসিগী ইম্পেক্ত অসি খঙদ্রবদি তঙাইফদনা মপুং ফাদে। মহাক্না মমাং চহিগী থৌরম অদুদা খন্ন-নৈনখিবা ৱাফম অসি নিংশিংখি। অদুবু মসি অসিগুম্বা অচৌবা অহোংবা অমনি মদুদি ফিনতেকগী মতাংদা খন্ন-নৈনরকপা মতমদা, মসি য়ু.পি.আই. য়াওদনা মপুং ফাদে।"

ওগস্ত ২৫দা পাংথোকখিবা য়ু.পি.আই.গী ১০ শুবা চহি মপুং ফারকপদা প্রধান মন্ত্রীনা ফাইনান্সিএল ইলিৎশিংগী অঙনবা মতমগী থাজদবা অদুগা হৌজিক্কী ওইরিবা ফীভমগা য়েংনখি। মমাংদা বেঙ্কিংগী খুদোংচাবা ফংলমদ্রবা মীওই মিলিয়ন কয়ানা হৌজিক দিজিতেল ইকোনোমীদা মতেং পাংলি। বেঙ্কিংবু খুৎনা ফংবা য়াবা মফমদা পুরকপগী মহাক্কী অঙনবা ৱাখল্লোন অসি মতৌ করম্না মতম অমদা খঙ-হৈরবা মীওইশিংনা ওইথোক্লোই হায়না খন্নরম্মি হায়বদু মহাক্না নীংশিংখি। মীরোল কয়াদগী বেঙ্কিং সিস্তেমদা য়াওরমদবা মীওই মিলিয়ন কয়া অসি ভারত্তা ফিনতেক চাউখৎপগী মরুওইবা দ্রাইভরশিং ওইরক্লি হায়না শ্রী মোদীনা হায়খি।

ওপরেস্নেল দেতা কয়া অমা পুথোক্লদুনা প্রধান মন্ত্রীনা হায়খি মদুদি ওগস্ততা য়ু.পি.আই.গী ত্রাঞ্জেক্সন বিল্লিয়ন ২৪ হেন্না পাংথোকখি। মসিনা তাকপদি ইভেন্ত অদুগী অহানবা মিনিত ১০ খক্তদা ত্রাঞ্জেক্সন লাখ ৫০রোম পাংথোকখি। ফ্রেঞ্চ প্রসিদেন্ত ইমানুয়েল মেক্রোনগী ৱাফম পল্লদুনা মহাক্না হায়খি মদুদি মসিগী ফেনোমেননেল এদোপ্সন রেৎ অসি তেক্নোলোজীদগী হেন্দোক্লি। প্রধান মন্ত্রীনা হায়খি, "মসিগী ইম্পেক্ত অসিনা মরম ওইদুনা রাস্ত্রপতি মেক্রোননা হায়খি মদুদি য়ু.পি.আই. অসি তেক্নোলোজীগী ৱারী খক্তা নত্তে, মসি সিভিলাইজেস্নেলগী ৱারীনি।"

ভারতকী ফ্লেগশিপ দিজিতেল পেমেন্ত সিস্তেমগী মালেমগী ওইনা পাকথোক চাউথোকপগী মতাংদা পল্লদুনা প্রধান মন্ত্রীনা চাউথোকচবা ফোংদোকখি মদুদি য়ু.পি.আই. অসি লৈবাক ১১দা হৌজিক চৎনরে। মসিনা মালেমগী ওইনা পেমেন্ত তৌবদা হান্নদি খুদোংচাদবা অমা ওইরম্বা অদু ঙসিদি নুংঙাইরে। মহাক্না পনখি মদুদি অঙকপা মশীং অসিনা লৈবাক অসিনা কয়াম লাপ্না য়ৌখ্রবগে হায়বদু উৎলি। শ্রী মোদীনা হায়খি, "মসি ঐখোয়না কয়াম শাংবা খোঙচৎ চৎলিবগে হায়বদু তাক্লিবা থোইদোক হেন্দোকপা মশীংনি।"

তুংলমচৎকী পান্দমশিং থম্নবগীদমক খোংথাংশিং শেমদুনা, প্রধান মন্ত্রীনা ইন্দস্ত্রীদা হৌজিক ফংলিবা মঙলানশিং অসি অরোইবা পান্দম অমা ওইনা য়েংবদা নত্তনা হৌরকফম অমা ওইনা য়েংনবা ফোংদোকখি। মহাক্না মহাক্কী চহী ২৫গী পোলিসী অমসুং গবর্নমেন্তকী এক্সপরিয়েন্সতা য়ুম্ফম ওইদুনা লেপ্পা লৈতনা খুমাং চাওশিল্লকপগী মহাক্কী ফিলোসোফী অদু ফোংদোকখি। মহাক্না হায়খি, "পান্দম অমা ফংলবা মতমদা, ঐহাক্না হেন্না চাউবা পান্দম অমগীদমক শেম-শাবা হৌই।"

ইন্তর্নেস্নেল দিজিতেল পেমেন্তশিংগী মথংগী স্ত্রেতেজিক ফেজ অদু পল্লদুনা, সিঙ্গাপুরগা লোইননা হান্ননা শেমগৎলবা ক্রোস-বোর্দর কনেক্তিবিতী অদু ময়েক শেংনা উৎতুনা, য়ু.পি.আই.বু পার্তনর লৈবাকশিংগী দোমেস্তিক পেমেন্ত সিস্তেমগা পুনশিন্নবগী তঙাই ফদবা অদু প্রধান মন্ত্রীনা ফোংদোকখি। মহাক্না স্তেকহোল্দরশিংদা ভারতকী মীশিং য়াম্লবা মীওইশিংগী লৈফম নৎত্রগা ললোন-ইতিক পাক-চাওনা পাংথোক্লিবা মফমশিংদা ফাইনান্সিএল নেতৱর্কশিংবু এক্তিব ওইনা লিঙ্ক তৌনবা খঙহনখি। শ্রী মোদীনা হায়খি, " মফম খুদিংমক্তা ভারত মচা মশীং কয়া অমা লৈরি, মফম খুদিংমক্তা ভারতনা পাক-শন্না ললোন-ইতিক তৌরি, মালেমগী লৈবাক খুদিংমক্না ঐখোয়গা চৎমিন্ননবা শেম-শারি, ঐখোয় মখোয় পুম্নমকপু শম্ননবা থবক তৌগদবনি।"

মপান্দা লৈবা ভারত মচাশিংগীদমক্তা শেনমিৎলোনগী কান্নবশিং অদু পল্লদুনা, প্রধান মন্ত্রীনা হায়খি মদুদি মালেমগী খ্বাইদগী চাউবা শেল থাদবা মীশিংগীদমক্তা ত্রাঞ্জেক্সন কোস্ত হন্থহনবা অসি মরুওইবা প্রাইওরিতী অমনি। মহাক্না হায়খি মদুদি মালেমগী ওইনা দিজিতেল পেমেন্ত সিস্তেমশিং পুন্সিনবনা য়ুমদা লৈরিবা ইমুংশিংদা শেল ত্রান্সফর তৌবা য়াম্না থুনা তৌবা ঙমগনি। শ্রী মোদীনা হায়খি মদুদি য়ু.পি.আই.না মসিদসু ভারত মচাশিংদা সেভিং পুরকপা ঙমগনি অমসুং শেল অসি ভারত মচাশিংগী ইমুংশিংদা হেন্না থুনা য়ৌহল্লগনি।

ফাইনান্সিএল ইনফ্রাস্ত্রকচরদা পেরাদাইম শিফ অমা লাকহন্নবা তকশিল্লদুনা, প্রধান মন্ত্রীনা পুৱারীগী ওইবা মওংদা মপান লমদগী পুথোকপা কার্দ পেমেন্ত স্তেন্দর্দশিংদা থাজবা থম্লিবা অদুগী মতাংদা ৱা ঙাংখি অমসুং লমদমসিগী ওইবা কাংলোনশিং অমসুং প্রোতোকোলশিং শেম্নবা হায়খি। লৈবাক অসিগী ইন্দস্ত্রীদা মালেমগী থাকশিং শেমগৎপগী মপাঙ্গল লৈ হায়না মহাক্না মপুং ফানা থাজবা থমখি। শ্রী মোদীনা হায়খি মদুদি হৌজিক ঐখোয়না ঐখোয়গী ইশাগী চৎন-কাঙলোন অমসুং স্তেন্দর্দশিং শেম্বা ঙম্লগনি অমসুং মখোয়বু মালেমগা শম্নহনবা ঙম্লগনি।

তেক্নোলোজিকেল এম্পাৱরমেন্তকী মহাক্কী মরুওইবা ৱা খল্লোন অদু নৌহৌনা ফোংদোক্লদুনা, প্রধান মন্ত্রীনা য়ু.পি.আই.বু ফাইনান্সিএল ইনক্লুজনগী খ্বাইদগী ফবা খুৎলাই অমা ওইনা থাগৎখি। মসিনা ত্রেদিস্নেল বেঙ্কিং মোদেলশিংনা য়েংহৌদবা মফমশিংদা মায় পাক্না চঙশিনখি। অনৌবা পুথোকপগী অশেংবা মশক অসি মীওই অমবু হকথেংননা সর্ভিসশিং পীবনি হায়না মহাক্না অকনবা ৱাফম থমখি। "বেঙ্কশিং, বেঙ্ক ব্রাঞ্চশিং য়ৌবা ঙমদবা মফমশিংদা, য়ু.পি.আই.না বেঙ্কিং সিস্তেম অদু মফম অদুদা, মীওই অদুদা য়ৌহনখ্রে।"

দোমেস্তিক ফিনতেক মার্কেতকী তুংগী খোঙথাং অদু খংদোক্লদুনা প্রধান মন্ত্রীনা পেমেন্ত প্রোসেসিং খক্তদগী হেন্দোক্তুনা ক্রেদিৎ, ইন্সুরেন্স, সেভিংস, ইনভেস্তমেন্ত অমসুং পেন্সন প্রদক্তশিংগী লমজেল পাকথোক চাউথোকহনবগী তঙাইফদবগী মতাংদা ৱাফম থমখি। মহাক্না থমখি মদুদি সেক্তর অসিনা মসিগী সর্ভিস ওফরিংশিং অসি মথংগী থাক্তা থুনা পুখৎকদবনি। হৌজিক ফিনতেক মার্কেৎতা পেমেন্তকা লোয়ননা ক্রেদিৎ ত্রাঞ্জেক্সনগী শরুকসু হেনগৎহনগদবনি হায়না শ্রী মোদীনা ফোংদোকখি।

অপীকপা সেক্তরশিংগী শীজিন্নদ্রবা পোতেন্সিএল অদু পল্লদুনা প্রধান মন্ত্রীনা হায়খি মদুদি হান্নগী ইকনোমিক মোদেলনা নাথৈবীরম্লবা দেমোগ্রাফিকপু হেনগৎহন্নবগীদমক অনৌবা ফাইনান্সিএল তেক্নোলোজিনা তোপ তোপ্পা মওংদা চিংখৎলক্লি। মহাক্না হায়খি মদুদি লৈবাক অসিগী চাউখৎ-থৌরাংগীদমক্তা মসিগী লাপথোক্লবা শক্তি অসি পুন্সিনবা তঙাইফদে। বিক্সিত ভারত অমগীদমক, মসিগী মপাঙ্গল হেনগৎলকপা অসি য়াম্না মথৌ তাই হায়না শ্রী মোদীনা ফোংদোকখি।

ইনক্লুসিব ফাইনান্সকী ময়েক শেংবা ইম্পেক্ত অদু উৎলদুনা, প্রধান মন্ত্রীনা প্রধান মন্ত্রী স্বানিধি স্কিমগী মতাংদা পনখি। স্কিম অসিনা লম্বীদা পোৎ য়োনবা মীওই মিলিয়ন কয়া, মখোয়বু মহাক্না সহরগী মপুং ওইবা শক্তম হায়না কৌখি, ফোর্মেল ক্রেদিৎ সিস্তেমদা মায় পাক্না পুনশিনখি। মসিনা মখোয়গী চাংচত্তা চহিগী ওইবা ইনকম অসি চাদা ২০ হেনগৎহনখি। ফাইনান্সিএল এম্পাৱরমেন্ত অসিনা মখোয়গী হাউজিং, ন্যুত্রিসন, হেল্থকেয়র অমসুং অঙাংশিংগী এজুকেসনগী এক্সেস য়াম্না ফগৎহল্লে হায়না মহাক্না পনখি। মসিনা সরকারবু স্কিম অসি ২০৩০ ফাওবা শাংদোক্নবা পুক্নিং থৌগৎখি। মসিনা তাকপদি, মখোয়দা ফোর্মেল ক্রেদিৎ এক্সেসকী খুৎলাই অমা লৈরে।"

হায়রিবা সোসিএল প্রোগ্রামশিং অসিগী তঙাইফদবা তেক্নোলোজিকেল বেকবোন অসি খঙলদুনা, প্রধান মন্ত্রীনা প্রধান মন্ত্রী স্বানিধিগী খোংথাং অসি মাই পাকহনবদা য়ু.পি.আই.না মরুওইবা কেতলিইস্ত অমা ওইরে হায়না থাগৎখি। মহাক্না ইন্দস্ত্রীদা তুংগী ওইবা ইকোনোমিক এক্তিবিতী হেন্না পুক্নিং থৌগৎনবা মসিগী এক্সপরিয়েন্স অসি শিজিন্ননবা হায়খি। "মসিগী এক্সপিরিএন্স অসিদগী তম্লদুনা, ঐখোয়না ফিনতেককী পাৱরগা লোয়ননা ইকোনোমিক এক্তিবিতীশিং মখা তানা হেনগৎহনগদবনি।" হায়না শ্রী মোদীনা ফোংদোকখি।

মাইক্রো-বিজিনেসকী থাক্তা ক্রেদিৎ গেপকী মতাংদা প্রধান মন্ত্রীনা অপীকপা দুকানগী মপু অমগী খুদম পীরদুনা হায়খি মদুদি মহাক্কী দিজিতেল ত্রাঞ্জেক্সনগী হিস্তরীনা মহাক্কী বিজিনেস অসি তুং কোইনা চৎপা ঙমগনি অদুবু ত্রেদিস্নেল বেঙ্ক লোনগীদমক্তদি মসি য়াম্না পীক্লি। মহাক্না হায়খি মদুদি মহাক্না মায় পাকপা ইন্তর্প্রাইজেস অদু পাকথোক চাউথোকহন্নবগীদমক্তা পোৎ-চৈ অমসুং ইক্বিপমেন্তকীদমক্তা অহেনবা কেপিতেল খরা মথৌ তাই। শ্রী মোদীনা হায়খি, ফিনতেকনা দরকার ওইবা অসিগুম্বা মখলগী ব্যুজিনেসশিং লৈ অমসুং মখোয়শিং অসি ফিনতেকনা নৈনদুনা, মাংজৌননা খংদোক্তুনা অমসুং থেংননবা হোৎনরি।

স্ত্রকচরেল ক্রেদিৎ দিফিসিৎ অসি কোকহন্নবা ইন্দস্ত্রীদা চেলেঞ্জ পীদুনা, প্রধান মন্ত্রীনা হায়খি মদুদি মাইক্রো-ইকোনোমিক্কী থবক থৌরমশিং নৈননবা অমসুং অপীকপা ললোন-ইতিকশিংগী মশিং য়াম্বগীদমক ক্যুরেৎ তৌরবা ফাইনান্সিএল মোদেলশিং দিজাইন তৌনবা তেক্নোলোজী শিজিন্নগদবনি। মহাক্না ফোংদোকখি মদুদি মসিগী অৱাৎপা অসি কোকহনবা অসিনা সেক্তর অসিগী তুংগী ত্রেজেক্তরী মশক তাক্কনি। ঐহাক্না থাজৈ মদুদি ফিনতেক্কী মথংগী চেপ্তর অসি মফম অসিদা ইগনি।"

কমপ্রেহেন্সিব ফাইনান্সিএল সর্ভিসশিংগী দেমোক্রেটাইজেসনগীদমক হায়রদুনা, প্রধান মন্ত্রীনা ইন্দস্ত্রীদা দিলিভরী পার্তনরশিং অমসুং অখন্নবা থবক তৌরিবা শিন্মীশিংগীদমক্তা সেভিংস, পেন্সন অমসুং ইন্সুরেন্স প্রদক্তশিংদা অচেৎপা এক্সেস ফংহন্নবা তকশিনখি। মহাক্না হায়খি মদুদি নন-পেমেন্ত ত্রাঞ্জেক্সনশিং অসি QR কোদ স্কেন তৌবগুম্না খুদোংচাদবা লৈতবা ওইগদবনি। শ্রী মোদীনা হায়খি, "মসি পুম্নমক অসি ঙসি QR কোদকী খুত্থাংদা পেমেন্ত তৌবগুম্না অচম্বা, লায়বা, অমসুং য়ৌহনবদা য়ুম্ফম ওইগনি।"

২১শুবা চহি চাগী অনিশুবা ক্বার্তরগী তেক্নোলোজিগী খুমাং চাউশিল্লকপশিংবু তরাম্না ওক্লদুনা প্রধান মন্ত্রীনা এজেন্তিক এ.আই., তোকেনাইজেসন অমসুং ক্বান্তম কম্প্যুতিংবু ফাইনান্সিএল সেক্তরদা অনৌবা থোঙ হাংদোক্লিবা রিভোলুস্নরী ফোর্সশিং ওইনা মশক তাকখি। মহাক্না ইন্দস্ত্রীদা অনৌবা তেক্নোলোজীশিং অসি খুন্নাইগী কান্নবশিংদা ওন্থোক্নবা শিংনখি। শ্রী মোদীনা হায়খি, "হৌজিক ঐখোয়গী মায়োক্তা লৈরিবা শিংনরিবা অসি ওইথোকপা য়াবশিং অসি মতৌ করম্না অশেংবা ইম্পেক্ত অমদা ওন্থোক্কদগে হায়বসিনি।"

ইন্দস্ত্রী অসিগী স্ত্রেতেজিক ওইবা পোইন্ত মরিগী রোদমেপ অমা থম্লদুনা, প্রধান মন্ত্রীনা ফিনতেক কম্পেনীশিংদা অৱাংবা থাক্কী সাইবর সেক্যুরিতী, ইথিক দেতা প্রোতেক্সন স্তেন্দর্দশিং, মপাঙ্গল কনবা রেগুলেতরী ইন্নোবেসন ইকোসিস্তেম অমসুং ত্রান্সপরেন্ত ফিনতেক কঞ্জুমর প্রোতেক্সন ইন্দেক্স অমা লিংখৎনবা খঙহনখি। মহাক্না হায়রিবা ক্রাইতেরিয়াশিং অসি ঙাক্না চৎপনা মালেমগী ওইবা খুদোংচাবশিং মশিং থিঙমদনা ফংহল্লগনি হায়না মরুওইবা পীখি। "ঐখোয়না করিগুম্বা ক্রীতরিয়মশিং অসিদা ইশাবু চাংয়েং তৌরবদি, ভারতকী ফিনতেক সেক্তর অসি মশিং থিঙমদ্রবা ওইথোকপা য়াবা কয়াগী থোঙজং অমা ওইরকপা য়াই।" হায়না শ্রী মোদীনা ফোংদোকখি।

মাংলোমদা চংশিনবা মীৎয়েং অমা থমদুনা মহাক্কী ৱারোল লোইশিনবদা, দিজিতেল ইন্দিয়াগী মায় পাকপগী ৱারী শাগৎলিবা স্কেল, স্কোপ, সেক্যুর সিস্তেম, দিমোক্রেসি অমসুং মীয়ামগী থাজবগী মরুওইবা ভেল্যুশিং ঙাক্তুনা থম্বগা লোইননা সেক্তর অসি মথংগী জেনরেসনগী ইন্নোবেসনগী মায়কৈদা চংশিন্নবা প্রধান মন্ত্রীনা তকশিনখি। মহাক্না ইন্দস্ত্রী অসিগী মখা তানা চাউখৎপা পুরক্নবা মহাক্কী য়াইফ পাউজেল পীখি। অসিগুম্বা মরুওইবা ভেল্যুশিং অসি ৱাখলদা থমদুনা, ফিনতেক সেক্তরনা মথংগী জেনরেসনগী ইন্নোবেসনদা মীৎয়েং থমগদবনি হায়না শ্রী মোদীনা ফোংদোকখি।

India is taking its fintech journey to new heights, with innovation and inclusion at its core. Addressing the Global Fintech Fest 2026 in Mumbai. https://t.co/pMhokoCBjG

— Narendra Modi (@narendramodi) September 8, 2026

India's growth gives the world renewed confidence. pic.twitter.com/lPYEwHMPzW

— PMO India (@PMOIndia) September 8, 2026

UPI is a major champion of India's FinTech story. pic.twitter.com/2ppzcyb7ZF

— PMO India (@PMOIndia) September 8, 2026

Technologies like Agentic AI, tokenisation and quantum are opening new possibilities in the financial sector. pic.twitter.com/BDIKrCivZK

— PMO India (@PMOIndia) September 8, 2026

FinTech companies should work together on a few key goals... pic.twitter.com/0iifCfffdS

— PMO India (@PMOIndia) September 8, 2026

***