ফিট ইণ্ডিয়া ছানডেছ অন চাইকেলৰ ৮৯ সংখ্যক সংস্কৰণ আজি চুৰাটত "বিকশিত ভাৰতৰ বাবে নিচামুক্ত যুৱক" শীৰ্ষক বিষয়বস্তুৰে অনুষ্ঠিত হয়, য'ত খেলুৱৈ, ফিটনেছ অনুৰাগী, ছাত্ৰ-ছাত্ৰী, যুৱক-যুৱতী আৰু নাগৰিকক একত্ৰিত কৰি সুস্থ, সক্ৰিয় আৰু নিচাজাতীয় সামগ্ৰীমুক্ত জীৱনশৈলীৰ প্ৰচাৰ কৰা হয়।

কেন্দ্ৰীয় যুৱ পৰিক্ৰমা আৰু ক্ৰীড়া মন্ত্ৰী ড০ মনসুখ মাণ্ডৱিয়া আৰু গুজৰাটৰ উপ-মুখ্যমন্ত্ৰী শ্ৰী হৰ্ষ সংঘৱীয়ে অংশগ্ৰহণকাৰীসকলৰ সৈতে নিচামুক্তৰ প্ৰতিজ্ঞা লৈ এখন সুস্থ, সুৰক্ষিত  আৰু ড্ৰাগছমুক্ত ভাৰত গঢ়ি তোলাৰ বাবে তেওঁলোকৰ সামূহিক প্ৰতিশ্ৰুতি পুনৰ দৃঢ় কৰে।

এই প্ৰতিজ্ঞাই নিচামুক্তি সংকল্প অভিযানৰ অধীনত মাননীয় প্ৰধানমন্ত্ৰীৰ সামূহিক সংকল্পৰ বাৰ্তাক শক্তিশালী কৰি নাগৰিকসকলক, বিশেষকৈ যুৱক-যুৱতীসকলক নিচাজাতীয় দ্ৰব্যৰ অপব্যৱহাৰৰ পৰা আঁতৰি থাকিবলৈ আৰু নিচামুক্ত ভাৰতৰ দৃষ্টিভংগীত অৰিহণা যোগাবলৈ অনুপ্ৰাণিত কৰে।

চুৰাটৰ ৮৯ সংখ্যক ছাণ্ডেছ অন চাইকেল অনুষ্ঠান পুৱা মংগাধ চ’কৰ চৰ্দাৰ পেটেল মূৰ্তিত আৰম্ভ হয় আৰু অংশগ্ৰহণকাৰীসকলে ফিটনেছ কাৰ্যকলাপ, যোগাসন, জুম্বা আৰু বিভিন্ন শাৰীৰিক কছৰত কৰি সাৰ্থনা চিৰিয়াখানাৰ দিশে চাইকেল যাত্ৰা কৰে।

সভাত ভাষণ দি ড০ মাণ্ডৱিয়াই কয়, "প্ৰধানমন্ত্ৰী শ্ৰী নৰেন্দ্ৰ মোদীৰ 'ফিট ইণ্ডিয়া' আন্দোলনে দেশজুৰি 'ছাণ্ডেছ অন চাইকেল' অভিযানৰ জন্ম দিছে। এখন উন্নত ৰাষ্ট্ৰৰ বাবে সুস্থ জনসংখ্যা অতি প্ৰয়োজনীয় আৰু চাইকেল চলোৱাটোৱে এখন সুস্থ সমাজ গঢ়ি তোলাত অৰিহণা যোগায়।"

তেওঁ কয় যে ইয়াৰ বহু গুৰুত্বপূৰ্ণ সুবিধা আছে : ই এক ফলপ্ৰসূ ব্যায়ামৰ ধৰণ, ই ‘নিচামুক্ত ভাৰত’ অভিযানক সমৰ্থন কৰে, ই প্ৰদূষণৰ বিৰুদ্ধে যুঁজ দিয়াত সহায় কৰে আৰু ই ইন্ধনৰ ব্যৱহাৰ হ্ৰাস কৰাৰ ফলত পৰিৱেশ সংৰক্ষণ হয়।”

তেওঁ লগতে কয়, "চাইকেল চলোৱাটো কেৱল দেওবাৰতে সীমাবদ্ধ থাকিব নালাগে; মানুহে ইয়াক নিজৰ দৈনন্দিন কাম-কাজত অন্তৰ্ভুক্ত কৰিব লাগে, বিশেষকৈ ওচৰৰ কৰ্মস্থলীলৈ যোৱাৰ সময়ত। ইয়াৰ ফলত 'ফিট ইণ্ডিয়া"ৰ দৃষ্টিভংগী আৰু অধিক শক্তিশালী হ’ব।

দেশজুৰি অনুষ্ঠিত হোৱা ৮৯ সংখ্যক সংস্কৰণত ২৫ হাজাৰৰো অধিক স্থানত ৫০ লাখতকৈ অধিক যুৱক-যুৱতীয়ে অংশগ্ৰহণ কৰি উন্নত ভাৰতৰ বাবে নিচামুক্ত ভাৰতৰ বাৰ্তা প্ৰচাৰ কৰে।

নিচামুক্তি সংকল্প অভিযানৰ গুৰুত্বৰ ওপৰত সজাগতা সৃষ্টিৰ উদ্দেশ্যে কেইবাগৰাকীও বিশিষ্ট খেলুৱৈয়ে ৬ কিলোমিটাৰ পদযাত্ৰাত অংশগ্ৰহণ কৰে।

ইয়াৰ ভিতৰত অন্যতম আছিল পদ্মশ্ৰী বঁটা বিজয়ী আৰু মেজৰ ধ্যানচান্দ খেল ৰত্ন আৰু অৰ্জুন বঁটা বিজয়ী শ্ৰী অচন্ত শৰত কমল, অৰ্জুন বঁটা বিজয়ী আৰু প্ৰাক্তন বিশ্ব নং ১ মল্লযুঁজাৰু শ্ৰীমতী সৰিতা মোৰ, অৰ্জুন বঁটা বিজয়ী আৰু কমনৱেলথ গেমছৰ স্বৰ্ণপদক বিজয়ী শ্ৰী হৰমীত দেশাই, ২৩ বছৰ অনূৰ্ধ্ব  বিশ্ব চেম্পিয়নশ্বিপৰ ৰূপ আৰু স্বৰ্ণ পদক বিজয়ী শ্ৰীমতী শিৱানী পাৱাৰ আৰু কমনৱেলথ চেম্পিয়নশ্বিপ আৰু বিশ্ব কেডেট চেম্পিয়নশ্বিপৰ স্বৰ্ণ পদক বিজয়ী শ্ৰী ৰাহুল মান।

এই অনুষ্ঠানত শ্ৰী ভিস্পি খাৰাদী, শ্ৰী ৰাকেশ ছাইনী, শ্ৰীমতী উৰ্ভি পাৰৱানী, শ্ৰী পংকজ পাছি আৰু শ্ৰী ভীষ্ম মাদানীকে ধৰি একাধিক ফিটনেছ ব্যক্তিত্ব আৰু প্ৰভাৱশালী লোকেও অংশগ্ৰহণ কৰে।

ইফালে ৰাষ্ট্ৰীয় ৰাজধানী নতুন দিল্লীত যুৱক-যুৱতীসকলৰ জীৱন আৰু কেৰিয়াৰ গঢ় দিয়াত শিক্ষক আৰু প্ৰশিক্ষকৰ অমূল্য অৱদানক সন্মান জনাই মেজৰ ধ্যানচান্দ ৰাষ্ট্ৰীয় ষ্টেডিয়ামত ৮৯ সংখ্যক সংস্কৰণৰ ফিট ইণ্ডিয়া ছাণ্ডেছ অন চাইকেল অনুষ্ঠান শিক্ষক দিৱসৰ বিশেষ বিষয়বস্তুৰে উদযাপন কৰা হয়।

ফিট ইণ্ডিয়া ছানডেছ অন চাইকেলৰ ৮৯ সংখ্যক সংস্কৰণত হাজাৰ হাজাৰ ছাত্ৰ-ছাত্ৰী, যুৱক-যুৱতী আৰু ফিটনেছ অনুৰাগীয়ে অংশগ্ৰহণ কৰে।

অনুষ্ঠানত উপস্থিত থাকে শ্ৰীমতী মণিকা ভোলা (ফিট ইণ্ডিয়া চেম্পিয়ন); শ্ৰীমতী মণিকা শৰ্মা (যোগ প্ৰশিক্ষক আৰু ফিট ইণ্ডিয়াৰ এম্বেছাদৰ); আৰু হাৱিলদাৰ সঞ্জয় সিং (আন্তঃৰাষ্ট্ৰীয় এথলেটিকছ প্ৰশিক্ষক)।

যুৱ পৰিক্ৰমা আৰু ক্ৰীড়া মন্ত্ৰালয়ৰ উদ্যোগত ভাৰতীয় চাইক্লিং ফেডাৰেচন (চি এফ আই), ৰাহগিৰি ফাউণ্ডেশ্যন আৰু মাই ভাৰতৰ সহযোগত ফিট ইণ্ডিয়া ছানডেছ অন চাইকেলৰ আয়োজন কৰা হৈছিল।

এই চাইকেল চলোৱা অভিযান দেশৰ ৰাজ্য আৰু কেন্দ্রীয় শাসিত অঞ্চলত একেলগে অনুষ্ঠিত হয়, য’ত এছ এ আই আঞ্চলিক কেন্দ্র, ৰাষ্ট্ৰীয় উৎকৃষ্টতা কেন্দ্ৰ (এন চি অ’ ই), এছ এ আই প্ৰশিক্ষণ কেন্দ্ৰ (এছ টি চি), খেলো ইণ্ডিয়া ষ্টেট চেণ্টাৰ অব এক্সেলেন্স (কে আই এছ চি ই) আৰু খেলো ইণ্ডিয়া চেণ্টাৰ (কে আই চি) আদিকে ধৰি সকলো ৰাজ্য আৰু কেন্দ্ৰীয় শাসিত অঞ্চলত অনুষ্ঠিত হয়।

দেশজুৰি প্ৰতি সপ্তাহে ৬০০০ৰো অধিক নমো ফিট ইণ্ডিয়া ক্লাবেও চাইকেল চলোৱাৰ পদক্ষেপৰ গ্ৰহণ কৰি আহিছে।

****

Ayushman Kumar / KD