অৱাং নোংপোক লমদমগী চাউখৎ-থৌরাং মন্ত্রালয়
কেন্দ্রগী মন্ত্রী জ্যোতিরাদিত্য সিন্দিয়ানা দিল্লীদা অৱাং-নোংপোক্কী মহৈরোয়শিংগী থৌরমদা শরুক য়াখ্রে
অৱাং-নোংপোক্কী নহারোলশিংনা বিক্সিত ভারত ২০৪৭ কী য়ুম্ফম শেমগনি: সিন্দিয়া
সিন্দিয়ানা নেপালগী ঈশিং-ঈচাউনা শোকহল্লবা মীওইশিংগী অৱাবদা শরুক য়াখি; মীফম অদুদা মিনি অনি তুমিন্না লেপতুনা অৱাবা ফোংদোকখি
থাগৎখিবা:
04 SEP 2026 8:51PM by PIB Imphal
কেন্দ্রগী কম্ম্যুনিকেসন অমসুং অৱাং নোংপোক লমদম চাউখৎ থৌরাং মন্ত্রী, জ্যোতিরাদিত্য এম. শ্রী সিন্দিয়ানা ঙসি নই দিল্লীগী তালকতোরা স্তেদিয়মদা পাংথোকপা অৱাং-নোংপোক্কী মহৈরোয়শিংগী ৯শুবা ফেস্তিবেলদা শরুক য়াখ্রে।
থৌরম অদুদা শ্রী সিন্দিয়ানা নেপালগী মীয়ামদা লৈবাক অসিদা থোকখিবা অকনবা ঈশিং-ঈচাউগী অৱাবা মায়োক্নরিবা অসিদা মহাক্কী থম্মোয়গী ওইবা অৱাবা ফোংদোকখি। মহাক্না মীয়াম পুম্নমকপু ঈশিং-ঈচাউনা মরম ওইদুনা লৈখিদ্রবশিংগী মফমদা মিনি অনিগী ওইনা তুমিন্না লেপমিন্ননবা হায়খি অমসুং লৈখিদ্রবশিংনা লাইরৈবাক্তা ঈংনা লৈনবা থৌনিজখি অমসুং মখোয়গী ইমুং-মনুংগী মীওইশিংদা অৱাবদা শরুক য়ারি হায়না ফোংদোকখি।
মীয়াম তিনখিবা অদুদা ৱা ঙাংলদুনা শ্রী সিন্দিয়ানা হায়খি মদুদি অৱাং-নোংপোক্কী মহৈরোইশিংগী কুমহৈ অসি লমদম অসিগী মঙাল নাইবা চৎনবী, ক্রিএতিবিতী অমসুং নহারোলশিংগী কুমহৈ অমনি। হৌখিবা চহি ২১ অসিদা নেস্নেল ইন্তিগ্রেসন, সোসিএল হার্মোনি অমসুং নহারোলশিংগী এম্পাৱরমেন্তদা মাই হোম ইন্দিয়ানা লৌরিবা থৌদাং অদু মহাক্না ফোংদোকখি। অৱাং-নোংপোক্কী মহৈরোইশিংগীদমক 'হোম অৱে ফ্রোম হোম' হায়না হৌদোকখিবা খোঙথাং অসিবু নীংশিংলদুনা শ্রী সিন্দিয়ানা হায়খি মদুদি ঙসিদি মসিনা নেস্নেল প্লেৎফোর্ম অমা ওইরক্লি। মসিদা নহা ওইরিবা ভারত মচাশিংনা মখোয়বু তোপ-তোপ্পা ওইহল্লিবা মখল-মখা কয়া অমসুং মখোয়বু অমত্তা ওইনা পুনশিন্নহল্লিবা মরীশিং অনীমক শরুক য়ারি।
ভারতকী তুরেলশিংদগী খুদম পীরদুনা গঙ্গা, য়মুনা, সরস্বতী অমসুং ব্রহ্মপুত্রা অসি তোঙান তোঙানবা লমশিংদগী হৌরকই অমসুং তোঙান তোঙানবা লমশিংদগী চেল্লি, অদুম ওইনমক মখোয়গী মশাগী ওইবা মশক অদু মাংহন্দনা অরোইবদা মপাঙ্গল লৈবা ফোর্স অমা ওইনা পুনশিল্লি হায়না সিন্দিয়ানা হায়খি।
নহাশিংবু অৱাং নোংপোক্কী অশেংবা গ্রোথ ইঞ্জিন অমসুং বিক্সিত ভারতকী বিল্দরশিং হায়না ফোংদোক্লদুনা কেন্দ্রগী মন্ত্রীনা লমদম অসিগী নহা ওইরিবা তেলেন্তশিংনা শান্ন-খোৎনবা, ঈশৈ নোংমাই, এজুকেসন, তেক্নোলোজী অমসুং ইন্নোবেসনগী লমদা ফংলিবা এচিবমেন্তশিং অদু পনখি। মহাক্না মীরাবাই চানু অমসুং লভলিনা বোর্গোহাইনগী এচিবমেন্তশিংবু লমদম অসিদগী থোরক্লিবা হৈশিংবা অদুগী খুদমশিং ওইনা পনখি।
কেন্দ্রগী মন্ত্রী সিন্দিয়ানা মহৈরোইশিং অমসুং ফেস্তিবেলদা পাংথোকপা জগোয়গী থৌরমদা শরুক য়ারিবশিংবুসু থাগৎপা ফোংদোকখি অমসুং মায় পাক্লবশিংবুসু নুংঙাইবা ফোংদোকখি।
***
(রিলিজ আই.দি.: 2307598)
ভিজিতর কাউন্তর : 11