జాతీయ రహదారుల వెంబడి ఆరోగ్యకరమైన మొక్కల పెంపకం పద్ధతులను ప్రోత్సహించడం కోసం, జాతీయ రహదారుల సుందరీకరణ, మొక్కల పెంపకం నిర్వహణలో ఉత్తమ పద్ధతులను గుర్తించడానికి నేషనల్ హైవేస్ అథారిటీ ఆఫ్ ఇండియా (ఎన్‌హెచ్ఏఐ) ‘గ్రీన్ హైవేస్ ఎక్సలెన్స్ అవార్డ్స్’ను ఏర్పాటు చేసింది. క్లోవర్ లీవ్‌లు, ఇంటర్‌చేంజ్, టోల్ ప్లాజాలు, సర్వీస్ ఏరియాల కోసం అవెన్యూ ప్లాంటేషన్స్, మీడియన్ ప్లాంటేషన్స్, ప్లాంటేషన్ ఇన్ ల్యాండ్ పార్శిల్స్ అనే మూడు విభాగాల్లో ‘గ్రీన్ హైవేస్ ఎక్సలెన్స్ అవార్డ్స్-2026’ విజేతలను ప్రకటించారు. జాతీయ రహదారి ప్రాజెక్టుల వెంబడి చేపట్టిన మొక్కల పెంపకం ప్రాజెక్టుల్లో పాలుపంచుకున్న ఎన్‌హెచ్ఏఐ ఫీల్డ్ కార్యాలయాలు, కాంట్రాక్టుదారులు, కాంట్రాక్టర్లు, ప్రభుత్వ సంస్థలు, స్వచ్ఛంద సంస్థలు, ప్రైవేట్ ఏజెన్సీల నుంచి ఈ పోటీలో పాల్గొనడం కోసం దరఖాస్తులను ఆహ్వానించారు.

విజేతల ప్రకటన

కేటగిరీ- I: అవెన్యూ ప్లాంటేషన్స్

కేటగిరీ II: మీడియన్ ప్లాంటేషన్స్:

కేటగిరీ III: ప్లాంటేషన్ ఇన్ ల్యాండ్‌ పార్శిల్స్:

ఎంట్రీల నామినేషన్, మూల్యాంకనం

ఎన్‌హెచ్ఏఐ ఆన్‌లైన్ పోర్టల్ ద్వారా ఈ పురస్కారాల కోసం నామినేషన్లను ఆహ్వానించింది. ఎన్‌హెచ్ఏఐ దేశవ్యాప్తంగా అందిన 86 నామినేషన్లతో గ్రీన్ హైవేస్ ఎక్సలెన్స్ పురస్కారాల దరఖాస్తులకు ప్రోత్సాహకరమైన స్పందన లభించింది. వీటిలో అవెన్యూ ప్లాంటేషన్లకు 27, మీడియన్ ప్లాంటేషన్లకు 36, ల్యాండ్ పార్శిళ్ళ ప్లాంటేషన్‌కు 23 నామినేషన్లు వచ్చాయి. ఈ నామినేషన్లలో జియో-ట్యాగ్ చేసిన ఫోటోగ్రాఫ్‌లు, డ్రోన్ వీడియోలు, సైట్-నిర్దిష్ట ప్లాంటేషన్ ప్రణాళికలు, ప్లాంటేషన్ మనుగడ రేటు సంబంధిత డేటాతో కూడిన ప్రజెంటేషన్లు ఉన్నాయి.

ప్రాథమిక పరిశీలన తరువాత దరఖాస్తుల తుది మూల్యాంకనం కోసం ప్రతి విభాగంలో ఐదు చొప్పున మొత్తం 15 నామినేషన్లను ఎంపిక చేశారు. ఒక సమగ్ర మదింపు విధానం ఆధారంగా ఈ మూల్యాంకనం నిర్వహించారు. నాటిన మొక్కల మనుగడ రేటుకు ఇందులో అత్యధిక ప్రాధాన్యమిచ్చారు. ఆయా ప్రదేశాల్లో నిర్ధిష్ట మొక్కల పెంపకం గురించిన కార్యాచరణ ప్రణాళికలు, మొక్కలు నాటే పనుల సమయం, గుంతల పరిమాణం, నాటే పదార్థం నాణ్యత, రక్షణ చర్యలు, ఆమోదించిన నమూనా ప్రకారం అమలు, జాతుల వైవిధ్యం, అనుకూలత, స్థానిక జాతుల వినియోగం వంటివి ఇతర అంశాల్లో భాగంగా ఉన్నాయి. నాణ్యత, సుస్థిరత, సమర్థత, జాతీయ రహదారుల నెట్‌వర్క్ వ్యాప్తంగా విస్తృతంగా పునరావృతం చేయగల సామర్థ్యంపై ప్రత్యేకంగా దృష్టి సారించారు.