ଭାରତର ୮୦ତମ ସ୍ୱାଧୀନତା ଦିବସ ଅବସରରେ ଶୁଭେଚ୍ଛା ଜଣାଇଥିବା ବିଶ୍ୱ ନେତାମାନଙ୍କୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି କୃତଜ୍ଞତା ଜଣାଇଛନ୍ତି। ବିଶ୍ୱର ବିଭିନ୍ନ ପ୍ରାନ୍ତରୁ ମିଳିଥିବା ଅଭିନନ୍ଦନ ବାର୍ତ୍ତା ପାଇଁ ସେ ଗଭୀର କୃତଜ୍ଞତା ପ୍ରକାଶ କରିଛନ୍ତି।

ଭୁଟାନର ପ୍ରଧାନମନ୍ତ୍ରୀ ଶେରିଙ୍ଗ ତୋବଗେଙ୍କୁ ‘ଏକ୍ସ’ରେ ଉତ୍ତର ଦେଇ ପ୍ରଧାନମନ୍ତ୍ରୀ ଲେଖିଛନ୍ତି:

“ଆପଣଙ୍କ ଆତ୍ମୀୟ ଶୁଭେଚ୍ଛା ପାଇଁ ପ୍ରଧାନମନ୍ତ୍ରୀ ଶେରିଙ୍ଗ ତୋବଗେଙ୍କୁ ଧନ୍ୟବାଦ। ଭୁଟାନ ସହ ଆମର ସ୍ୱତନ୍ତ୍ର ଓ ଦୀର୍ଘସ୍ଥାୟୀ ସମ୍ପର୍କକୁ ଆମେ ଗଭୀର ଭାବେ ମୂଲ୍ୟ ଦେଉଛୁ। ଏହି ସମ୍ପର୍କ ନିରନ୍ତର ଭାବେ ଆହୁରି ସୁଦୃଢ ହେଉଛି।”

ସ୍ଲୋଭାକିଆର ରାଷ୍ଟ୍ରପତି ପିଟର ପେଲେଗ୍ରିନିଙ୍କୁ ଉତ୍ତର ଦେଇ ସେ ଲେଖିଛନ୍ତି:

“ଆପଣଙ୍କ ଆତ୍ମୀୟ ଶୁଭେଚ୍ଛା ପାଇଁ ରାଷ୍ଟ୍ରପତି ପେଲେଗ୍ରିନିଙ୍କୁ ଧନ୍ୟବାଦ। ଭାରତ ଓ ସ୍ଲୋଭାକିଆ ମଧ୍ୟରେ ବ୍ୟାପକ ସହଭାଗିତାକୁ ଆହୁରି ସୁଦୃଢ଼ କରିବାକୁ ଆମେ ଆଗ୍ରହୀ।”

ମାଳଦ୍ୱୀପର ରାଷ୍ଟ୍ରପତି ଡକ୍ଟର ମହମ୍ମଦ ମୁଇଜ୍ଜୁଙ୍କୁ ଉତ୍ତର ଦେଇ ପ୍ରଧାନମନ୍ତ୍ରୀ କହିଛନ୍ତି:

“ଆପଣଙ୍କ ଆତ୍ମୀୟ ଶୁଭେଚ୍ଛା ପାଇଁ ରାଷ୍ଟ୍ରପତି ମୁଇଜ୍ଜୁଙ୍କୁ ଧନ୍ୟବାଦ। ଭାରତ ଓ ମାଳଦ୍ୱୀପ ମଧ୍ୟରେ ବନ୍ଧୁତ୍ୱର ସମ୍ପର୍କ ଆହୁରି ମଜଭୁତ ହେଉ।”

ଫ୍ରାନ୍ସର ରାଷ୍ଟ୍ରପତି ଇମାନୁଏଲ୍ ମାକ୍ରୋଙ୍କୁ ଉତ୍ତର ଦେଇ ସେ ଲେଖିଛନ୍ତି:

“ମୋ ବନ୍ଧୁ, ଆପଣଙ୍କ ଆତ୍ମୀୟ ଶୁଭେଚ୍ଛା ପାଇଁ ଧନ୍ୟବାଦ!”

ନେପାଳର ପ୍ରଧାନମନ୍ତ୍ରୀ ବାଲେନ୍ଦ୍ର ଶାହଙ୍କୁ ଉତ୍ତର ଦେଇ ପ୍ରଧାନମନ୍ତ୍ରୀ କହିଛନ୍ତି:

“ଆପଣଙ୍କ ଆତ୍ମୀୟ ଶୁଭେଚ୍ଛା ପାଇଁ ପ୍ରଧାନମନ୍ତ୍ରୀ ବାଲେନ୍ଦ୍ର ଶାହଙ୍କୁ ଧନ୍ୟବାଦ। ଉଭୟ ଦେଶର ଲୋକଙ୍କ ପାରସ୍ପରିକ ସମୃଦ୍ଧି ଓ କଲ୍ୟାଣ ପାଇଁ ଭାରତ ଓ ନେପାଳ ମଧ୍ୟରେ ବହୁମୁଖୀ ଓ ପ୍ରାଚୀନ ସଭ୍ୟତାଗତ ସମ୍ପର୍କକୁ ଆହୁରି ସୁଦୃଢ଼ କରିବାକୁ ଆମେ ପ୍ରତିବଦ୍ଧ।”

ନେପାଳର ରବି ଲାମିଛାନେଙ୍କୁ ଉତ୍ତର ଦେଇ ସେ ଲେଖିଛନ୍ତି:

“ଆପଣଙ୍କ ଆତ୍ମୀୟ ଶୁଭେଚ୍ଛା ପାଇଁ ରବି ଲାମିଛାନେ ଜୀଙ୍କୁ ଧନ୍ୟବାଦ। ପାରସ୍ପରିକ ପ୍ରଗତି ଓ ସମୃଦ୍ଧି ପାଇଁ ଭାରତ ଓ ନେପାଳ ମଧ୍ୟରେ ଥିବା ଗଭୀର ବନ୍ଧୁତ୍ୱର ସମ୍ପର୍କକୁ ଆହୁରି ମଜଭୁତ କରିବାକୁ ଆମେ ପ୍ରତିବଦ୍ଧ।”

ସାଇପ୍ରସ୍‌ର ରାଷ୍ଟ୍ରପତି ନିକୋସ୍ କ୍ରିଷ୍ଟୋଡୋଲିଡିସ୍‌ଙ୍କୁ ଉତ୍ତର ଦେଇ ପ୍ରଧାନମନ୍ତ୍ରୀ କହିଛନ୍ତି:

“ଆପଣଙ୍କ ଆତ୍ମୀୟ ଶୁଭେଚ୍ଛା ପାଇଁ ରାଷ୍ଟ୍ରପତି କ୍ରିଷ୍ଟୋଡୋଲିଡିସ୍‌ଙ୍କୁ ଧନ୍ୟବାଦ। ଆମର ଘନିଷ୍ଠ ଓ ବ୍ୟାପକ ରଣନୀତିକ ସହଭାଗିତାକୁ ଆହୁରି ସୁଦୃଢ଼ କରିବା ପାଇଁ ଏକାଠି କାମ କରିବାକୁ ଆମେ ଆଗ୍ରହୀ।”

ଗାୟାନାର ରାଷ୍ଟ୍ରପତି ଡକ୍ଟର ଇରଫାନ୍ ଅଲୀଙ୍କୁ ଉତ୍ତର ଦେଇ ସେ କହିଛନ୍ତି:

“ଆପଣଙ୍କ ଆତ୍ମୀୟ ଶୁଭେଚ୍ଛା ପାଇଁ ରାଷ୍ଟ୍ରପତି ଡକ୍ଟର ଇରଫାନ୍ ଅଲୀଙ୍କୁ ଧନ୍ୟବାଦ। ଐତିହାସିକ ସମ୍ପର୍କ ଓ ସମାନ ମୂଲ୍ୟବୋଧ ଉପରେ ଆଧାରିତ ଗାୟାନାର ବନ୍ଧୁତ୍ୱ ଏବଂ ଲୋକଙ୍କ ମଧ୍ୟରେ ଥିବା ଘନିଷ୍ଠ ସମ୍ପର୍କକୁ ଆମେ ଗଭୀର ଭାବେ ସମ୍ମାନ ଦେଉଛୁ। ଆମ ଲୋକଙ୍କ ହିତ ପାଇଁ ଏହି ସହଭାଗିତା ଆହୁରି ବୃଦ୍ଧି ପାଉ।”

ଇସ୍ରାଏଲର ରାଷ୍ଟ୍ରପତି ଆଇଜାକ୍ ହର୍ଜୋଗ୍‌ଙ୍କୁ ଉତ୍ତର ଦେଇ ପ୍ରଧାନମନ୍ତ୍ରୀ ଲେଖିଛନ୍ତି:

“ଆପଣଙ୍କ ଆତ୍ମୀୟ ଶୁଭେଚ୍ଛା ପାଇଁ ରାଷ୍ଟ୍ରପତି ହର୍ଜୋଗ୍‌ଙ୍କୁ ଧନ୍ୟବାଦ। ଇସ୍ରାଏଲ ସହ ବନ୍ଧୁତ୍ୱକୁ ଭାରତ ଗଭୀର ଭାବେ ସମ୍ମାନ ଦେଉଛି। ଆମ ଲୋକଙ୍କ ହିତ ପାଇଁ ରଣନୀତିକ ସହଭାଗିତାକୁ ଆହୁରି ସୁଦୃଢ଼ କରିବାକୁ ଆମେ ପ୍ରତିବଦ୍ଧ।”

ଇସ୍ରାଏଲର ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁଙ୍କୁ ଉତ୍ତର ଦେଇ ସେ କହିଛନ୍ତି:

“ଆପଣଙ୍କ ଆତ୍ମୀୟ ଶୁଭେଚ୍ଛା ପାଇଁ ପ୍ରଧାନମନ୍ତ୍ରୀ ନେତନ୍ୟାହୁଙ୍କୁ ଧନ୍ୟବାଦ। ଭାରତ-ଇସ୍ରାଏଲ୍ ସ୍ୱତନ୍ତ୍ର ରଣନୀତିକ ସହଭାଗିତା ଆହୁରି ମଜଭୁତ ହେଉ, ନୂଆ ସୁଯୋଗ ସୃଷ୍ଟି ହେଉ ଏବଂ ଉଭୟ ଦେଶର ଲୋକଙ୍କ ମଧ୍ୟରେ ସମ୍ପର୍କ ଆହୁରି ଗଭୀର ହେଉ।”

ଜାମାଇକାର ପ୍ରଧାନମନ୍ତ୍ରୀ ଆଣ୍ଡ୍ରୁ ହୋଲନେସ୍‌ଙ୍କୁ ଉତ୍ତର ଦେଇ ପ୍ରଧାନମନ୍ତ୍ରୀ କହିଛନ୍ତି:

“ଆପଣଙ୍କ ଆତ୍ମୀୟ ଶୁଭେଚ୍ଛା ପାଇଁ ପ୍ରଧାନମନ୍ତ୍ରୀ ଆଣ୍ଡ୍ରୁ ହୋଲନେସ୍‌ଙ୍କୁ ଧନ୍ୟବାଦ। ଜାମାଇକା ସହ ଭାରତର ଦୀର୍ଘସ୍ଥାୟୀ ବନ୍ଧୁତ୍ୱକୁ ଆମେ ଗଭୀର ଭାବେ ସମ୍ମାନ ଦେଉଛୁ ଏବଂ ଆମର ସ୍ୱତନ୍ତ୍ର ଓ ଘନିଷ୍ଠ ସମ୍ପର୍କକୁ ଆହୁରି ସୁଦୃଢ଼ କରିବାକୁ ଆଗ୍ରହୀ।”

*****

MT