১. ভাৰতৰ মুখ্য নিৰ্বাচন আয়ুক্ত শ্ৰী জ্ঞানেশ কুমাৰে আজি গোৱাৰ বুথ পৰ্যায়ৰ বিষয়াসকলৰ সৈতে বাৰ্তালাপ কৰে। গোৱাত অনুষ্ঠিত হোৱা মত বিনিময় কাৰ্যসূচীত ৰাজ্যখনৰ বিভিন্ন প্ৰান্তৰ ১০০০ ৰো অধিক বি এল অ’ -য়ে অংশগ্ৰহণ কৰে।

২. উদ্বোধনী ভাষণ প্ৰদান কৰি চিইচি শ্ৰী জ্ঞানেশ কুমাৰে বিএলঅ’ সকলক বিশ্বৰ সৰ্ববৃহৎ গণতন্ত্ৰৰ মূল স্তম্ভ বুলি অভিহিত কৰে। তেওঁ লগতে কয় যে ভাৰতত নিৰ্বাচনী তালিকা প্ৰস্তুত কৰা আৰু নিৰ্বাচন অনুষ্ঠিত কৰাটো ভাৰতৰ সংবিধান, আইন আৰু নিৰ্বাচন আয়োগে জাৰি কৰা নিৰ্দেশনা অনুসৰি কঠোৰভাৱে কাৰ্যকৰী কৰা হয়।

৩. চিইচি জ্ঞানেশ কুমাৰে কয় যে বিএলঅ’ হৈছে নাগৰিকসকলৰ সৈতে ভাৰতৰ নিৰ্বাচন আয়োগৰ প্ৰথম আন্তঃসংযোগ। চিইচি জ্ঞানেশ কুমাৰে লগতে গোৱাৰ বিএলঅ’ সকলে কেনেদৰে নিৰ্বাচনী ভূমিকা প্ৰস্তুত কৰাত এক গুৰুত্বপূৰ্ণ ভূমিকা পালন কৰিছিল আৰু সেয়া অব্যাহত ৰাখিছে সেই বিষয়েও গুৰুত্ব আৰোপ কৰে।

৪. নিৰ্বাচনী ভূমিকাৰ অখণ্ডতা সুৰক্ষিত কৰাৰ বাবে বি এল অ’- সকলক প্ৰশংসা কৰি মুখ্য নিৰ্বাচন আয়ুক্তগৰাকীয়ে কয় যে নিৰ্বাচনী ভূমিকাৰ লগতে সমগ্ৰ নিৰ্বাচনী প্ৰক্ৰিয়াটো স্বীকৃত ৰাজনৈতিক দলসমূহৰ দ্বাৰা নিযুক্ত বুথ পৰ্যায়ৰ এজেণ্ট (বি এল এ) আৰু প্ৰাৰ্থীসকলৰ ভোটদান তথা গণনা এজেণ্টৰ দ্বাৰা একেলগে অডিট কৰা হয়।

৫. এই উপলক্ষে কোংকণী ভাষাত বি এল অ’ -ৰ ভূমিকা আৰু ইংৰাজী ভাযাত বি এল এ-ৰ ভূমিকা ব্যাখ্যা কৰা চুটি ভিডিঅ’ ও মুকলি কৰা হয়। এই অনুষ্ঠানত গোৱাৰ সমৃদ্ধ পৰম্পৰা আৰু ঐতিহ্য উদযাপন কৰা এক সাংস্কৃতিক কাৰ্যসূচীও অনুষ্ঠিত হয়।

৬. বৈঠকৰ অংশ হিচাপে বিএলঅ’ সকলে চিইচিৰ সৈতে এক প্ৰশ্ন-উত্তৰ অধিৱেশনো অনুষ্ঠিত কৰা হয়। বিএলঅ’ সকলে মত বিনিময়ৰ জৰিয়তে তেওঁলোকৰ সন্দেহসমূহ পোনপটীয়াকৈ স্পষ্ট কৰাৰ সুযোগ পায়।

*****

PK/GDH/RP/MK

(ৰিলিজ আই ডি : 2306159) অতিথি কক্ষ : 6