এম.এস.এম.ই. দিবেলপমেন্ত, ইন্নোবেসন অমসুং ইন্তিলেকচুএল প্রোপর্তী (আই.পি.) দা লৈবাক অনিগী ওইবা তেংবাং পীনবা হেনগৎহন্নবা ভারত সরকারগী মাইক্রো, স্মোল অমসুং মেদিয়ম ইন্তর্প্রাইজ মন্ত্রালয় অমসুং দেনিশ পেতেন্ত অমসুং ত্রেদমার্ক ওফিস (দি.কে.পি.তি.ও.) গী মরক্তা ইন্দিয়া-দেনমার্ক জোইন্ত ৱার্কিং গ্রুপ (জে.দবল্যু.জি.) গী ৪শুবা মীফম ২০২৬গী ওগস্ত ২৪দগী ২৮ ফাওবা দেনমার্ককী কোপেনহেগনদা পাংথোকখ্রে।

মীফম অসিনা ভারত অমসুং দেনমার্কপু মখোয়গী এম.এস.এম.ই. অমসুং ইন্নোবেসন ইকোসিস্তেমগী মতাংদা মীৎয়েংশিং লান্থোক্ননবা অমসুং ইনস্তিত্যুস্নেল কোওপরেসন হেঙ্গৎহন্নবা খুদোংচাবশিং থিদোক্নবা প্লেৎফোর্ম অমা পীরি। তেক্নোলোজী শীজিন্নবা, ইন্নোবেসন, ইন্তেলেকচুএল প্রোপর্তী, তেক্নোলোজী কম্মর্সিএলাইজেসন, ওন্ত্রিপ্রেন্যুওরশিপ অমসুং ক্লস্তরদা য়ুম্ফম ওইবা এম.এস.এম.ই. দিবেলপমেন্ত য়াওনা হিরমশিং কয়াদা খন্ন-নৈনখি।

ভারতকী মীহুৎ কাংবু অদুদা এম.এস.এম.ই. মন্ত্রালয়গী এদিস্নেল সেক্রেতরী অমসুং দিবেলপমেন্ত কম্মিস্নর দাক্তর রজনীশ; দাইরেক্তর, মোহমদ সালিক পারৱাইজ; শ্রীমতি ভগ্য জগদীস্বরন, এসিস্তেন্ত দাইরেক্তর; অমসুং শ্রীমতী স্বপন ভনমালা, ফেকল্তী মেম্বর, নেস্নেল ইন্সতিত্যুৎ ফোর মাইক্রো, স্মোল অমসুং মেদিয়ম ইন্তর্প্রাইজ (নি-এমএসএমই) য়াওখি।

কোপেনহেগেনদা লৈবা ভারতকী এম্বেসিগী মহুৎ শিন্দুনা শ্রী মনীশ প্রভাৎনা শরুক য়াখি। দেনমার্ক কিংদমদা লৈবা ভারতকী এম্বেসেদর অমসুং শ্রী অশিশ আরিয়া কাউন্সেলরসু শরুক য়াখি।

দেনমার্ক্কী মীহুৎ কাংবু অদুদা শ্রীমতি মারিয়া স্কু দি.কে.পি.তি.ও.গী দিপুতি দাইরেক্তর জেনরেল,; ইন্তর্নেস্নেল কোওপরেসনগী সেনিয়র এদভাইজর, মেতিয়াস দিনেৎজ; অমসুং শ্রীমতি লুইস বোইসেন, কাউন্সেলর, ইন্তেলেকচুএল প্রোপর্তী রাইৎ, রোয়েল দেনিশ এম্বাসি, ন্যু দিল্লী য়াওখি।

মরুওইবা খন্নখিবশিং

· প্রোগ্রাম অসিগী শরুক অমা ওইনা, ভারতকী মীহুৎ কাংবু অসিনা দেনমার্ককী ইনোবেসন সপোর্ত অমসুং বিজিনেস ক্লস্তর ইকোসিস্তেমগী মতাংদা খঙনবগীদমক্তা অর্হস য়ুনিভর্সিতী ইনোবেসন “কিৎচন” অমসুং এগ্রো ফুদ পার্কতা চৎখি। এঙ্গেজমেন্তশিং অসিনা মেন্তরিং, স্তার্ত-অপ সপোর্ত, ইন্দস্ত্রী অমসুং একাদেমিক লিঙ্কশিং অমসুং এন্ত্রিপ্রেন্যুয়রশিং অমসুং এম.এস.এম.ই.শিংবু সপোর্ত তৌনবা ক্লস্তর-বেজ এপ্রোচশিংদা এক্সপিরিয়েন্সশিং একচেঞ্জ তৌবদা মতেং পাংখি।

· দেনমার্কতা বিজিনেস দিবেলপমেন্ত, ইন্নোবেসন অমসুং এস.এম.ই. ইকোসিস্তেমগী মতাংদা মীহুৎ কাংবু অসিনা দেনমার্ককী ইন্দস্ত্রী, বিজিনেস অমসুং ফাইনান্সিএল এফিয়র্সকী মিনিস্ত্রীগা লোয়ননা ৱারী শানখি।

· এম.এস.এম.ই. মন্ত্রালয়গী এদিস্নেল সেক্রেতরী অমসুং দিবেলপমেন্ত কম্মিস্নর, দোক্তর রাজনিশনা নোর্দিক স্তার্ত-অপ ইভেন্ত অমা ওইরিবা তেক বি.বি.ক্যু.গী নোর্দিক ইন্দিয়া স্তার্ত-অপ সমিৎ ২০২৬তা শরুক য়াখি। মসিদা নোর্দিক স্তার্ত-অপ অমসুং ইনোবেসন ইকোসিস্তেমগী স্তেকহোল্দরশিংগা ৱারী শানবগী খুদোংচাবা ফংখি অমসুং ভারতকী এম.এস.এম.ই. সেক্তরদা মীৎয়েং চংনবা খুদোংচাবা ফংখি।

·  জে.দব্লিয়ু.জি.গী খন্ন-নৈনবগী লোইশিল্লকপদা মমাংগী এঙ্গেজমেন্তশিংগী মহৈশিং য়েংশিনখি অমসুং তুংলমচৎকী কোলাবোরেসন অমসুং হৌজিক লৈরিবা জে.দব্লিয়ু.জি.গী ফ্রেমৱার্ককী মখাদা কোলাবোরেসন পাকথোক চাউথোকহন্নবা খুদোংচাবশিংগী মতাংদা খন্ন-নৈনখি।

· দেনমার্কতা লৈবা ভারতকী এম্বেসেদর, শ্রী মানিশ প্রভাৎনা জে.দবল্যু.জি. মেকানিজমগী মাই পাক্না মথৌ পাংথোকপা অমসুং ভারত-দেনমার্ক কোওপরেসন হেন্না চেৎশিল্লকপদা থাগৎপা ফোংদোকখি। মহাক্না জে.দবল্যু.জি.গী ফ্রেমৱার্ককী মখাদা মখা তানা থবক তৌমিন্নবগীদমক মতেং পাংনবগী অপাম্বা অমুক হন্না ফোংদোকখি অমসুং অনৌবা অমসুং মরী লৈনবা লমশিংদা মতেং পীনবগীদমক্তা পুক্নিং থৌগৎখি।

মীফম অদুদা ভারত অমসুং দেনমার্কনা ইন্নোবেসন অমসুং আই.পি.না লমজিংবা এম.এস.এম.ই.শিং চাউখৎহনবগা লোইননা  পুন্না চাউখৎমিন্নবগী অচেৎপা ফিরেপ অদু পনখি।

***