بھارتی ریلوے نے مشرقی وسطی ریلوے کے سمستی پور ڈویژن کے 21 اسٹیشنوں پر مجموعی طور پر 233 کروڑ روپے کی لاگت سے الیکٹرانک انٹرلاکنگ فراہم کرنے کی منظوری دے دی ہے۔

 

21 اسٹیشنوں پر سگنلنگ کے بنیادی ڈھانچے کو جدید بنانا

 

منظور شدہ کام کے تحت سمستی پور ڈویژن کے 21 اسٹیشنوں پر موجودہ پینل انٹرلاکنگ کو الیکٹرانک انٹرلاکنگ سے تبدیل کیا جائے گا۔ جدید سگنلنگ نظام سے پورے ڈویژن میں ریلوے کے سگنلنگ کے بنیادی ڈھانچے کو مزید مضبوط بنایا جائے گا اور ’کوچ‘، یعنی دیسی ساختہ ٹرین حفاظتی نظام، کے نفاذ میں بھی سہولت ملے گی۔

 

ریلوے کی حفاظت اور آپریشنل کارکردگی کو مضبوط بنانا

 

الیکٹرانک انٹرلاکنگ کی فراہمی سے متعلقہ اسٹیشنوں پر سگنلنگ کے انتظامات کو جدید بنایا جائے گا اور ’کوچ‘ سے متعلق کاموں کے سلسلے میں زیادہ جدید سگنلنگ کا بنیادی ڈھانچہ دستیاب ہوگا۔

الیکٹرانک انٹرلاکنگ ایک جدید سگنلنگ ٹیکنالوجی ہے جو پرانے ریلے پر مبنی نظام کی جگہ کمپیوٹر پر مبنی انٹرلاکنگ نظام فراہم کرتی ہے۔ اس سے زیادہ قابلِ اعتماد نظام، خرابیوں کی تیز تر نشاندہی، آسان دیکھ بھال اور کارکردگی   بہتر ہوتی ہے۔

یہ اقدام بھارتی ریلوے کی جانب سے سگنلنگ نظام کو مسلسل جدید بنانے، ریلوے کی حفاظت کو مزید مضبوط کرنے اور اپنے پورے نیٹ ورک میں آپریشنل کارکردگی بڑھانے کی جاری کوششوں کا حصہ ہے۔

 

ش  ح۔ م ش۔ ج

UNO-2854

(ریلیز آئی ڈی: 2305374) وزیٹر کاؤنٹر : 9