ৱাতর সেক্যুর ইন্দিয়া অমসুং বিক্সিত ভারত ২০৪৭কী মঙলান অসি মঙফাওনহন্নবা মরু ওইবা খোঙথাং অমা ওইনা, জল শক্তি মন্ত্রালয়না দিপার্তমেন্তেল সম্মিৎ অসি ২০২৬কী সেপ্তেম্বর ১ অমসুং ২দা ন্যু দিল্লীগী সুশ্মা স্বরাজ ভবনদা পাংথোক্কনি। সম্মিৎ অসি ইকাই খুম্নরবা প্রধান মন্ত্রী, শ্রী নরেন্দ্র মোদীনা কোওপরেতিব ফেদরেলিজম মপাঙ্গল কনখৎহন্নবা, নেস্নেল প্রাইওরিতিশিংদা অপুনবা ওনরশিপ হেনগৎহন্নবা অমসুং কেন্দ্র-রাজ্যগী মরক্তা হেন্না নকশিন্ননা তেংবাং পীনদুনা মহৈশিং ফংহন্নবগী অনৌবা প্লেৎফোর্ম অমা ওইনা দিপার্তমেন্তেল সম্মিৎশিংগী পরিং অসিদা অহানবা ওইরি।

দিপার্তমেন্তেল সম্মিৎ মোদেল অসি তীম ইন্দিয়াগী ৱাখল্লোন্দা শেমখিবনি। মসিগী পান্দমদি কেন্দ্র অমসুং রাজ্য সরকারশিংগী রাজনিতীগী লুচিংবশিং অমসুং মকোক থোংবা ওফিসিএলশিংবু পুন্না পুনশিন্দুনা সেক্তরগী ওইবা মরুওইবশিং, অফবা থৌওংশিং, থবক পায়খৎপদা থেংনবা খুদোংচাদবশিং কোকহন্নবা অমসুং হেন্না ফবা লৈঙাক অমসুং সর্ভিস দেলিভরীগীদমক মতমগী মতুং ইন্না থবক পায়খৎনবা মতাংদা খন্নবনি। ৱাতর দিপার্তমেন্তেল সম্মিৎ অসি অসিগুম্বা সেরিজ অসিদা অহানবা ওইবনা, নেস্নেল দিবেলপমেন্তকী পান্দমশিং ফংনবা কেন্দ্র অমসুং রাজ্যশিংগী মরক্তা ইন্সতিত্যুস্নেল কোলাবোরেসনগী অনৌবা এপ্রোচ অমগী হৌরকফম ওইরি।

নুমিৎ নিনিগী সম্মিৎ অসিদা মরুওইবা হীরম মরিদা মীৎয়েং থমগনি: ঈশিংগী ইনফ্রাস্ত্রকচর প্রোজেক্তশিং মতম চানা ইমপ্লিমেন্ত তৌবা; জল সঞ্চয় জন ভাগিদারি-কেৎচ দি রেন; থক্নবা ঈশিংগী সিস্তেমশিংগী সোর্স সস্তেনেবিলিতী; অমসুং জল জীবন মিসন ২.০গী মখাদা খুঙ্গংগী থক্নবা ঈশিং সপ্লাই স্কিমশিং ওপরেসন অমসুং মেন্তেনেন্স তৌবা। খন্ন-নৈনবশিং অসিদা প্রোজেক্ত ইমপ্লিমেন্ত তৌবা, ইন্তর-এজেন্সী কোওর্দিনেসন, ঈশিং কঞ্জার্বেসন, নোংগী ঈশিং য়োকশিনবা, গ্রাউন্দৱাতর রিচার্জ তৌবা, দিজিতেল মোনিতরিং, এসেত মেনেজমেন্ত, অমসুং কম্ম্যুনিতিনা লুচিংবা ৱাতর গবর্নান্স মপাঙ্গল কনখৎহনবা য়াওগনি।

খন্ন-নৈনবশিং অসিনা হৌজিক পায়খৎলিবা প্রোজেক্তশিং অথুবা মতমদা লোইশিনবা, ঈশিং কনবা ঙম্নবা মীয়াম্না শরুক য়াবা হেনগৎহনবা, থক্নবা ঈশিংগী সোর্সশিংগী সস্তেনেবিলিতী হেনগৎহনবা অমসুং খুঙ্গংগী থক্নবা ঈশিংগী থাজবা য়াবা সর্ভিসশিংগীদমক হেন্না ফবা পাউতাক পীবা য়াওনা কংক্রিৎ অমসুং মতম চানা ফংবা মহৈশিং ফংহল্লগনি হায়না পানরি। শরুক য়ারিবা রাজ্যশিংনা মখোয়গী এক্সপরিয়েন্সশিং, শিংনবশিং, খ্বাইদগী ফবা থৌওংশিং অমসুং কন্সেন্সস পুরকপা য়াবা মহৈশিংগী মতাংদা শিয়র তৌগনি। মসিনা কোওপরেতিব ফেদরেলিজম অমসুং অপুনবা থৌদাংগী ৱাখল্লোন অদু মপাঙ্গল কনখৎহল্লগনি।

শরুক য়ারিবা রাজ্যশিংনা খন্ন-নৈনবশিং অসিদগী ফংবা মরুওইবা ফলশিং অমসুং এক্সন প্লানশিং প্রধান মন্ত্রী শ্রী নরেন্দ্র মোদীগী মমাংদা লোইশিনবগী মীফম অদুদা পুথোক্কনি। ইকাই খুম্নরবা প্রধান মন্ত্রীগী লমজিং-লমতাক্না কেন্দ্র অমসুং রাজ্যশিংগী অপুনবা ৱারেপ অদু হেন্না মপাঙ্গল কনখৎহল্লগনি অমসুং য়ানখিবা এক্সন পোইন্তশিং অদু মপুং ফানা অমসুং মতম চানা ইমপ্লিমেন্ত তৌনবগীদমক ইথিল পীরগনি হায়না থাজবা থম্লি।

***