آئی سی اے آر-انڈین انسٹی ٹیوٹ آف آئل سیڈز ریسرچ (آئی سی اے آر-آئی آئی او آر) حیدرآباد 10 ستمبر 2026 کو آئی سی اے آر-آئی آئی او آر ، حیدرآباد میں‘‘پائیدار زراعت کے لئے مختلف اقسام/ہائبرڈز ، حیاتیاتی مصنوعات اور بائیو پولیمر سے چلنے والی ملٹی لیئر سیڈ کوٹنگ ٹیکنالوجیز میں اختراعات: ٹیکنالوجی تجارت کاری اور بڑے پیمانے پر فروغ کے لئے صنعتی شراکت داری’’ کے موضوع پر ایک قومی مشاورتی اور صنعتی انٹرفیس میٹنگ کا انعقاد کرے گا ۔

ہندوستان دنیا کی بڑی خوردنی تیل معیشتوں میں شامل ہے۔ خوردنی تیل کی بڑھتی ہوئی مانگ اور ملکی تلہن کی پیداوار میں اضافے کی ضرورت کے پیشِ نظر خود انحصاری کو مضبوط بنانے کے لئے ٹیکنالوجی کی ترقی، تجارت کاری اور اسے اپنانے کے عمل کو تیز کرنا ضروری ہے۔ اسی تناظر میں آئی سی اے آر-آئی آئی او آر نے کئی امید افزا ٹیکنالوجیز تیار کی ہیں، جن میں تلہن کی بہتر اقسام اور ہائبرڈز، بایو پولیمر پر مبنی بیجوں کی افزائش و بہتری کی ٹیکنالوجیز اور مائیکروبیل بایوپیسٹائڈ فارمولیشن پر مبنی حیاتیاتی کیڑے مار ادویات کی تیاری شامل ہیں۔

یہ میٹنگ بیج کی صنعت ، بائیو پیسٹائڈ اور بائیو ان پٹ کمپنیوں ، ٹیکنالوجی لائسنس یافتہ ، زرعی کاروباری فرموں ، اسٹارٹ اپس اور کاروباری افراد کے نمائندوں کو اکٹھا کرے گی ، جبکہ آئی سی اے آر-آئی آئی او آر اپنی امید افزا ٹیکنالوجیز کی نمائش کرے گا اور ٹیکنالوجی کی منتقلی ، لائسنسنگ ، پبلک پرائیویٹ پارٹنرشپ بڑے پیمانے پر ان کے نفاذ کے امکانات کا جائزہ لے گا۔

توقع ہے کہ اس پہل سے تحقیق-صنعت کے روابط اور اسٹیک ہولڈرز کے تعاون کو تقویت ملے گی ، جس سے کسانوں کے فائدے اور ہندوستان کے تلہن کے شعبے کی پائیدار ترقی کے لیے جدید ٹیکنالوجیز کی توثیق ، تجارت کاری اور اپنانے میں سہولت ملے گی ۔

***

ش ح۔ ک ا۔     اش ق

U.NO.2818