இந்தியா - நியூசிலாந்து இடையேயான பாதுகாப்பு உத்திசார் உரையாடலின் இரண்டாவது பதிப்பு, நேற்று (2026 ஆகஸ்ட் 24) வெலிங்டனில் நடைபெற்றது. பாதுகாப்பு அமைச்சகத்தின் இணைச் செயலாளர் திரு அமிதாப் பிரசாத், நியூசிலாந்து பாதுகாப்பு அமைச்சகத்தின் துணைச் செயலாளர் திரு ரிச்சர்ட் ஷ்மிட் ஆகியோரின் இணைத் தலைமையில் நடைபெற்ற இந்த உயர்மட்டப் பேச்சுவார்த்தை, கடல்சார் பாதுகாப்பை மேம்படுத்துதல், கூட்டு ராணுவப் பயிற்சி, ஒட்டுமொத்த பாதுகாப்பு ஒத்துழைப்பு ஆகியவை குறித்து அமைந்திருந்தது.

கடந்த மாதம் நடைபெற்ற உச்சிமாநாட்டு நிலையிலான கூட்டத்தில் முடிவு செய்யப்பட்ட பகிரப்பட்ட ஒத்துழைப்பின் அடிப்படையில், ஒத்துழைப்பை அதிகரிக்க இரு தூதுக்குழுக்களும் விரிவான கலந்துரையாடல்களில் ஈடுபட்டன. இந்தியா-நியூசிலாந்து உத்திசார் ஒத்துழைப்பு செயல்திட்டம் 2030-ல் சுட்டிக்காட்டப்பட்டுள்ள இலக்குகளைச் செயல்படுத்துவது குறித்தும் இதில் கவனம் செலுத்தப்பட்டது.

சுதந்திரமான, வெளிப்படையான, அனைவரையும் உள்ளடக்கிய இந்தோ-பசிபிக் பிராந்தியத்திற்கான தங்கள் உறுதிப்பாட்டை இரு நாடுகளும் மீண்டும் வலியுறுத்தின. கடல், வான், தரைப்படைப் பிரிவுகளில் கூட்டுப் பயிற்சிகள், பல்துறைப் பணியாளர் பரிமாற்றங்கள், பாதுகாப்புப் படை கல்லூரிகள் அளவில் ஒத்துழைப்பு ஆகியவை மூலம் இரு ராணுவங்களுக்கு இடையேயான ஒத்துழைப்பை விரிவுபடுத்துவதற்கான வழிமுறைகளைத் தூதுக்குழுக்கள் விரிவாக ஆய்வு செய்தன.

மேலும் விவரங்களுக்கு இந்த ஆங்கில செய்திக் குறிப்பைக் காணவும் : https://www.pib.gov.in/PressReleaseDetail.aspx?PRID=2303128&reg=3&lang=1

(Release ID : 2303128)

****

SS/PLM/SH