કોમ્પિટિશન કમિશન ઓફ ઇન્ડિયા (CCI/કમિશન) એ કાર્ટેલાઇઝેશનના સ્પર્ધાત્મક વિરોધી આચરણમાં સામેલ થવા બદલ એગ્રો ઇનપુટ ડીલર્સ એસોસિએશન (AIDA), એગ્રો ઇનપુટ વેલ્ફેર એસોસિએશન (AIWA), શ્રી મનમોહન સી. કાલંત્રી અને શ્રી અરવિંદભાઈ જેરામભાઈ પટેલ પર નાણાકીય અને બિન-નાણાકીય દંડ લાદતો કોમ્પિટિશન એક્ટ, 2002 (એક્ટ) ની કલમ 27 ની જોગવાઈઓ હેઠળ તારીખ 21.08.2026 નો ઓર્ડર પસાર કર્યો છે.

આ મામલે, કમિશને નિર્ધારિત કર્યું કે AIDA, AIWA, શ્રી કાલન્ત્રી અને શ્રી પટેલે અધિનિયમની કલમ 3(1) સાથે વાંચવામાં આવતી કલમ 3(3)(b)ની જોગવાઈઓનું ઉલ્લંઘન કર્યું છે. તદનુસાર, અધિનિયમની કલમ 27(a) હેઠળ કમિશને OPs અને તેમના સંબંધિત અધિકારીઓ (AIDAના જનરલ સેક્રેટરી શ્રી પ્રવિણભાઈ પટેલ અને AIDAના નેશનલ પ્રવક્તા શ્રી સંજય કુમાર રઘુવંશી), જેમને અધિનિયમની કલમ 48ની જોગવાઈઓ હેઠળ જવાબદાર ઠેરવવામાં આવ્યા છે, તેમને ભવિષ્યમાં અધિનિયમની જોગવાઈઓના ઉલ્લંઘનરૂપ જણાયેલા આચરણમાં સંડોવાવાથી દૂર રહેવા અને આવું આચરણ બંધ કરવા નિર્દેશ આપ્યો છે.

કમિશને ઉલ્લંઘનની પ્રકૃતિ અને ગંભીરતા તેમજ ઘટાડતા અને વધારતા પરિબળોના મૂલ્યાંકનને ધ્યાનમાં લીધા બાદ, AIDA પર રૂ. 81,889, AIWA પર રૂ. 3,92,269, શ્રી કાલન્ત્રી પર રૂ. 4,98,903, શ્રી અરવિંદભાઈ જેરામભાઈ પટેલ પર રૂ. 74,717, શ્રી પ્રવિણભાઈ પટેલ પર રૂ. 9,177 અને શ્રી રઘુવંશી પર રૂ. 8,622નો અનુક્રમે નાણાકીય દંડ ફટકાર્યો છે.

વધુમાં, કમિશને, એક્ટની કલમ 27(g) ની શરતો અનુસાર, વિરોધી પક્ષોને સ્પર્ધાત્મક કાયદાઓ વિશે જાગૃતિ ફેલાવવા અને તેમના એસોસિએશનોમાં સ્પર્ધાત્મક પાલનની સંસ્કૃતિને પ્રોત્સાહન આપવા માટે એક કોમ્પિટિશન કમ્પ્લાયન્સ ટ્રેનિંગ પ્રોગ્રામનું આયોજન કરવાનો નિર્દેશ પણ આપ્યો છે.

કેસ નંબર 06 ઓફ 2023 માં પસાર કરાયેલા ઓર્ડરની જાહેર આવૃત્તિની નકલ સીસીઆઈ (CCI) ની વેબસાઇટ www.cci.gov.in પર ઉપલબ્ધ છે.

SM/BS/JD