કેન્દ્રીય રેલવે મંત્રી શ્રી અશ્વિની વૈષ્ણવે માહિતી આપી છે કે રેલવે મંત્રાલયે તેના ઉત્પાદન એકમો – ઇન્ટિગ્રલ કોચ ફેક્ટરી (ICF), ચેન્નઈ, રેલ કોચ ફેક્ટરી (RCF), કપૂરથલા અને મોર્ડન કોચ ફેક્ટરી (MCF), રાયબરેલી દ્વારા 238 AC EMU રેકના ઉત્પાદનને પ્રાથમિકતા આપી છે. મુંબઈ અર્બન ટ્રાન્સપોર્ટ પ્રોજેક્ટ (MUTP) હેઠળ માળખાકીય સુવિધાઓના અમલીકરણની સાથે રોલિંગ સ્ટોકની સમયસર ઉપલબ્ધતા સુનિશ્ચિત કરવા માટે આ પગલું ભરવામાં આવ્યું છે.

એક સૂચક ઉત્પાદન કાર્યક્રમ અનુસાર ICF દ્વારા 120 AC EMU રેક, RCF દ્વારા 71 રેક અને MCF દ્વારા 47 રેકનું ઉત્પાદન કરવામાં આવશે, જેથી કુલ સંખ્યા 238 રેક થશે. ભારતીય રેલવેના ઉત્પાદન એકમોએ એર-કન્ડીશન્ડ EMUs, વંદે ભારત ટ્રેનસેટ્સ અને વંદે મેટ્રો ટ્રેનસેટ્સ સહિતના આધુનિક પેસેન્જર રોલિંગ સ્ટોકના ઉત્પાદનમાં પોતાની સાબિત ક્ષમતા દર્શાવી છે. રેલવે બોર્ડે હાલના અને સાબિત થયેલા RDSO/ICF સ્પષ્ટીકરણો પર મંજૂર થયેલા AC EMU રેકની ખરીદીને મંજૂરી આપી છે, જેથી રોલિંગ સ્ટોકના ઝડપી ઉત્પાદન અને પુરવઠામાં સરળતા રહે.

આ પુરવઠો 2027 થી શરૂ કરવાનું આયોજન છે, અને સમગ્ર મંજૂર થયેલી જથ્થાનું ઉત્પાદન 2030 સુધીમાં પૂર્ણ કરવાનો સમયગાળો નક્કી કરવામાં આવ્યો છે. 2027 દરમિયાન પ્રથમ ટ્રેનસેટ્સની ઉપલબ્ધતા અને ત્યારબાદ 2030 સુધીમાં તમામ જરૂરિયાતો પૂર્ણ થવાથી માળખાકીય સુવિધાઓના અમલીકરણ અને રોલિંગ સ્ટોકના જોડાણ વચ્ચેનું અંતર પૂરવામાં મદદ મળશે તથા માળખાકીય સુવિધાઓનો ઈષ્ટતમ ઉપયોગ શક્ય બનશે.

SM/IJ/JD