عالمی ڈیجیٹل صلاحیت سازی الائنس (GDCBA)، جو بھارت سرکار کے صلاحیت سازی کمیشن (CBC) کا ایک اقدام ہے، آج چھ ماہ مکمل کر رہا ہے - یہ اہل، موافقت پذیر عوامی اداروں کی تعمیر پر عالمی گفتگو میں بھارت کی شراکت کے لیے ایک سنگ میل ہے۔ 20 فروری 2026 کو انڈیا اے آئی امپیکٹ سمٹ، نئی دہلی میں شروع کیا گیا، یہ الائنس عوامی شعبے کی صلاحیت سازی پر بین الاقوامی تعاون کے لیے ایک پلیٹ فارم بن گیا ہے، جو حکومتوں، کثیر جہتی اور ترقیاتی اداروں، تربیتی اداروں، تعلیمی اداروں، صنعت، سول سوسائٹی، ڈی پی آئی ایکو سسٹم اور عوامی شعبے کے ماہرین کو ایک ساتھ لا کر تیزی سے بدلتے ہوئے دور میں علم کا تبادلہ کرنے اور صلاحیت کو مضبوط کرنے کے لیے کوشاں ہے۔

یہ الائنس مشن کرم یوگی، بھارت کے سول سروسز صلاحیت سازی کے قومی پروگرام پر مبنی ہے، جس نے قومی سطح پر اہلیت پر مبنی تعلیم، ڈیجیٹل انفراسٹرکچر اور مکمل حکومتی نقطہ نظر کی قدر کا مظاہرہ کیا - یہ ثابت کیا کہ صلاحیت سازی صرف افراد کی تربیت کے بارے میں نہیں ہے، بلکہ ایسے فریم ورک، ادارے اور پلیٹ فارم بنانے کے بارے میں ہے جو اہلکاروں کو مسلسل سیکھنے اور کارکردگی دکھانے کے قابل بناتے ہیں۔

چیئرپرسن، سی بی سی کی رہ نمائی میں، جی ڈی سی بی اے اس تجربے کو عالمی سطح پر لے جاتا ہے، یہ تسلیم کرتے ہوئے کہ ہر جگہ حکومتوں کو تکنیکی اور سماجی تبدیلی کے درمیان سیکھنے، موافق ہونے اور کارکردگی دکھانے والے ادارے بنانے کے بارے میں اسی طرح کے سوالات کا سامنا ہے۔ الائنس کے چار اہداف ہیں: عوامی شعبے کے نظاموں میں ادارہ جاتی صلاحیت کو مضبوط کرنا، شواہد پر مبنی صلاحیت سازی کے فیصلوں کی حمایت کرنا، حکم رانی کے لیے عملی طور پر ایک عالمی برادری کو فروغ دینا، اور نفاذ کے علم، کیس اسٹڈیز اور عملی رہ نمائی کا ایک ذخیرہ بنانا۔ مجموعی طور پر، یہ اہداف جی ڈی سی بی اے کو تعاون اور علم کے تبادلے کے لیے ایک عالمی پلیٹ فارم کے طور پر پیش کرتے ہیں، جو ایک وسیع شراکت داری کے ماڈل کے گرد بنایا گیا ہے - یہ تسلیم کرتے ہوئے کہ عوامی اہلکاروں کی صلاحیت صرف تربیت سے نہیں، بلکہ وسیع تر سیکھنے، ادارہ جاتی اور ڈیجیٹل ایکو سسٹم سے بھی تشکیل پاتی ہے جس میں وہ کام کرتے ہیں۔

چھ ماہ: تجویز سے ایک اُبھرتے ہوئے نیٹ ورک تک

چھ ماہ میں، جی ڈی سی بی اے ایک بھارتی تجربے سے ایک ابھرتے ہوئے عالمی ماڈل کی طرف بڑھ گیا ہے۔ برازیل، سری لنکا اور ماریشس سمیت 10 ممالک میں اس کی شمولیت میں توسیع ہوئی ہے، جس میں 250 سے زیادہ عوامی اہلکاروں نے براہ راست شرکت کی ہے، جو ڈوژنل دفاتر سے لے کر قومی وزارتوں تک انتظامیہ کی سطحوں پر پھیلے ہوئے ہیں۔ ادارہ جاتی شراکت داروں میں اب گیٹس فاؤنڈیشن، ورلڈ بینک، این سی جی جی، آر آئی ایس، دکشن، یونیسیف، دولت مشترکہ، برکس/فکی، اے ڈی بی آئی، او آر ایف، اپولیٹیکل اور نالندہ یونیورسٹی شامل ہیں۔ یہ اعداد و شمار صرف پیمانے سے زیادہ کے غماز ہیں - یہ ایک بامعنی عالمی پلیٹ فارم کے لیے تین ضروری چیزوں کی شروعات کو نشان زد کرتے ہیں: ملک کا تنوع، اہلکاروں کی شرکت اور ایک وسیع ادارہ جاتی بنیاد۔

جی ڈی سی بی اے کی شمولیت نے لائیو ورکشاپس، گول میز کانفرنسوں، سمٹ پینلز اور فلیگ شپ سیشنز کی شکل اختیار کی ہے، جس سے عوامی اہلکاروں، حکومتوں اور شراکت داروں کو تجربات کا تبادلہ کرنے اور مسلسل تعاون کے لیے تعلقات قائم کرنے کے مواقع ملے ہیں۔

الائنس کا اگلا مرحلہ

جیسا کہ وزیر اعظم جناب نریندر مودی نے کہا ہے: ”شراکت داری کا اصل امتحان یہ نہیں ہے کہ ہم دوسروں کے لیے کیا بناتے ہیں، بلکہ یہ ہے کہ ہم دوسروں کو اپنے لیے کیا بنانے کے قابل بناتے ہیں۔“ یہ جی ڈی سی بی اے کی سمت طے کرتا ہے - رسائی سے گہرائی تک، تبادلے سے پائیدار تعاون تک، اور انفرادی تجربے سے اجتماعی علم تک۔

یہ نیٹ ورک تکنیکی ورکنگ گروپس، پالیسی فورمز، گول میز کانفرنسوں، ملکی تعاون اور علم کے تبادلے کے ذریعے ترقی کرے گا، اس کے ساتھ عالمی فریم ورک، پلے بکس، ٹول کٹس اور ماہرین کی گفتگو بھی ہوگی۔ پیشرفت کا معیار طے کرنے اور شواہد کی بنیاد بنانے کے لیے ایک سالانہ سمٹ اور صلاحیت سازی کی رپورٹ کا منصوبہ بنایا گیا ہے۔ جی ڈی سی بی اے بین الاقوامی شراکت داروں کو اس تحریک میں شامل ہونے کی دعوت دیتا ہے۔

”سب کے لیے بہبود، سب کے لیے خوشی“ کے جذبے کے ساتھ، عالمی ڈیجیٹل صلاحیت سازی الائنس ایک ایسے مستقبل کے لیے عہدبستہ ہے جہاں قابل، اخلاقی اور موافق عوامی ادارے ٹیکنالوجی کو حکم رانی کو مضبوط کرنے، شمولیت کو وسعت دینے اور شہریوں کی زندگیوں کو بہتر بنانے کے قابل بنائیں۔

”‘سب کے لیے بہبود، سب کے لیے خوشی‘ کے اصول کی رہ نمائی میں، الائنس دنیا بھر کے عوامی اہلکاروں کو بااختیار بنانے کے لیے عہدبستہ ہے، اس طرح شہری مرکوز خدمات کی زیادہ موافق فراہمی کو ممکن بنا رہا ہے۔“

***

(ش ح - ع ا)

U.No. 2392

(रिलीज़ आईडी: 2301672) आगंतुक पटल : 6