মখনা: ভারতকী সুপরফুদ সেক্তর মাঙদা চঙশিল্লক্লি

মখনা (থাংজিং), সাইন্তিফিক ওইনা য়ুর্যালে ফেরোক্স হায়না খঙনবা, অসি অথেনবা ইকোন, পাৎ, অমদি ৱেতলেন্দশিংদা মপুং ওইনা হৌবা ঈশিংদা হৌবা পাম্বী অমনি। পাম্বী অসিগী চাবা য়াবা শরুক অসি মসিগী মরূনি। লৌরবা নৎত্রগা প্রোসেস তৌরবা মতুংদা, মরূ অসি খোক্তোকই অমসুং থাংজিং মরু ওইনা চানৈ। ভারত অসি মালেমগী ওইনা খ্বায়দগী থাংজিং য়াম্না পুথোকপা লৈবাক্নি। ফীভম অসি চুনবা এগ্রো-ক্লাইমেতিক ফীভমশিং অমসুং মরুওইনা বিহার, ৱেস্ত বেঙ্গল, অমসুং অসামদা মতম শাংনা থাদুনা লাকপনা ঙাক্লৌ পীবনি।

চহি কয়াসিদা, থাংজিং অসি বিহারগী হান্নদগী হৌনা চানরকপা চিঞ্জাক্তগী লৈবাক পুম্বা পাক শন্না চানবা চিঞ্জাক অমা ওইরক্লি। অওনবা অসি হকশেলগী মরমদা খঙবা হেন্নরকপা অমসুং লৈঙাক্কী ঙাক্লৌ পীবা থৌশিলনা পুরকপনি। ভেল্যু-এদেদ থাংজিংগী পোত্থোক পুথোক্লিবা স্তার্তঅপশিং চাওখৎলকপা অমসুং ফার্মর-প্রদ্যুসর ওর্গনাইজেসন (এফ.পি.ও.)শিংগী হেনগৎলক্লিবা থৌদাংশিংনসু সেক্তর অসি পাকথোক চাউথোকহনবদা মতেং পাংলি। সেক্তর অসিগী হেনগৎলক্লিবা মরুওইবগা চুননা, লৈঙাক্না কেন্দ্রগী বজেত ২০২৫-২৬ তা নেস্নেল মখনা বোর্দ লিংখৎনবা লাউথোকখি। বোর্দ অসি ফোর্মেল ওইনা বিহারদা সেপ্তেম্বর ১৫, ২০২৬ তা হৌদোকখিবনি। থৌশিল অসিনা থাংজিংগী ভেল্যু চেন মপাঙ্গল কনখৎহনবা অমসুং মতমগা চুনহনবগী মায়কৈদা মরুওইবা পন্দুপ অমা ওইরি।

সেক্তর অসিদা মখা তানা ঙাক্লৌ পীননবা, লৈঙাক অসিনা ২০২৫-২৬ তগী ২০৩০-৩১ ফাওবগী ওইনা পুন্না লুপা করোর ৪৭৬.০৩ গী শেনফমগা লোয়ননা সেন্ত্রেল সেক্তর ফোর দি দিভেলপমেন্ত ওফ মখনা অয়াবা পীখি। স্কীম অসিনা রিছর্চ অমসুং ইনোভেসন য়োকখৎপদা, মতিং লৈবা মরূ ফংহনবদা, অমসুং লৌমীশিংগী স্কিল হেনগৎহনবদা মীৎয়েঙ থম্লি। মসিনা হার্ভেস্তিং অমসুং পোস্ত-হার্ভেস্তিংগী থৌওংশিং ফগৎহন্নবা, ভেল্যু এদিসন য়োকখৎনবা, ব্রান্দিং অমসুং মার্কেতিং, এক্সপোর্ত হেনগৎহন্নবা, অমসুং ক্বালিতী কন্ত্রোল সিস্তেম মপাঙ্গল কনখৎহন্নবা পান্দম থম্লি। সেন্ত্রেল সেক্তর স্কীম ফোর দি দিভেলপমেন্ত ওফ মখনাগী মখাদা ২০২৫-২৬ কী ওইনা লুপা করোর ৩০ অমসুং ২০২৬-২৭ গী ওইনা লুপা করোর ৯০ অয়াবা পীখ্রে।

ভারতকী মখনা বুম

ভারতনা থাংজিং পুথোকপদা মালেমগী লুচিংবা ওইদুনা লৈরি। বিহারনা ভারতকী থাংজিং পুথোকপগী শরুক মরি থোকপগী অহুম ওইরি অমসুং মালেমগী সপ্লাইগী ৮০-৮৫% লোম ওইরি। থাংজিং থাবা অসি অৱাং বিহারদা মরুওইনা তাশিন্দুনা লৈ।

মসি সুপোল, সহরসা, অমসুং মধেপুরাগী কোসি বেসিন দিস্ত্রিক্তশিং, লোয়ননা মিথিলা অমসুং সীমাঞ্চল লমদমগী মনাক নকপা মফমশিংদা মরুওইনা পাঙথোক্নৈ। মসিনা স্তেত অসিবু থাংজিং সেক্তরগী সেন্ত্রেল হব ওইহল্লি।

২০২৪-২৫ দা হোর্তিকলচর স্তেতিস্তিক্স য়ুনিত, দি.এ.&এফ.দব্লিউ.গী ফাইনেল এস্তিমেতকী মতুং ইন্না, ভারতকী অপুনবা থাংজিংগী পোত্থোক অসি মেত্রিক তন (এম.তি.) ৬৩,৯১০ ওইদুনা, হেক্তর অমদা এম.তি. ২.০৩ গী চাংচত্তা পুথোকই। সেকেন্দ এদভান্স এস্তিমেতস (২০২৫-২৬) কী মতুং ইন্না, ভারতকী অপুনবা থাংজিং পুথোকপগী চাং অসি হেক্তর অমদা এম.তি. ২.৩৪ গী চাংদা পুথোক্তুনা এম.তি. ৮০,৫৯০ ওইখি। বিহারনা ২০২৫-২৬ তা হেক্তর অমদা এম.তি. ২.০০ গী চাংদা পুথোক্তুনা এম.তি. ৬০,০০০ ওইদুনা লৈবাকসিগী থাংজিং খ্বায়দগী য়াম্না পুথোকপা স্তেত ওইখি।

মহৌশানা ইকোন্দা থানরবসু, ফীল্দ-সিস্তেম ফার্মিং অমসুং স্বর্ন বাইদেহি অমসুং সাবুর মখনা-১ গুম্বা ফীভম ফগৎহল্লবা ভেরাইতীশিংনা পোত্থোক পুথোকপা হেনগৎহনবদা মতেঙ পাংলি। চাওখৎলক্লিবা অসি থাবগী চাং হেনগৎলকপা, পোত্থোক পুথোকপগী চাং হেনগৎলকপা, অমসুং থাবগী খুদোংথিবা হন্থহনবনা পুরকপনি।

মখনা কৈথেলদা পোত্থোক পুথোকপা অমসুং চাবগী দাইনামিক্স

ভারতনা চহি খুদিংগী থাংজিং মেত্রিক তন লাখ ০.৬ হেন্না পুথোকই। চাদা ৪০ রোম, নৎত্রগা মেত্রিক তন লাখ ০.২৩-০.২৫ রোম মপান্দা থাদোকই, অদুগা লেমহৌরিবা পোত্থোকশিং অসিনা লমদম অসিদা চানৈ। মালেমগী ওইনা শেংনা মমিং মথা থাব অমসুং পাম্বীদা য়ুম্ফম ওইবা সুপরফুদকী দিমান্দ হেনগৎলকপগা লোয়ননা ভারতকী অকনবা প্রদক্সন বেজনা থাংজিংবু মালেমগী কৈথেলদা প্রেমিয়ম স্নেক অমা ওইহল্লি।

লমদমসিগী মখনা কৈথেলদা ২০২১-২২ অমসুং ২০২৪-২৫ গী মনুংদা চহিদা চাদা ১৭-১৮ গী চাংদা হেনগৎলক্লি। গ্রোথ অসি হকশেলগী মরমদা খঙবা হেনগৎলকপা, প্রেমিয়ম ওইহনবা, অমসুং ব্রান্দেদ প্লেয়রশিং পাকথোক চাউথোরকপনা পুরকপনি। অকনবা লমদমসিগী ওইবা দিমান্দনা এক্সপোর্ত মার্কেত্তা মমল অকা অকুম নাইবদগীসু সেক্তর অসিবু ঙাকথোকই।

কৈথেল অসি ২০২৯-৩০ ফাওবদা লুপা করোর ১১,০০০-১২,০০০ য়ৌরবা য়াই হায়না পানরি। পোত্থোক পুথোকপগী চাং শেনবা চহি ২০২২ দগী ২০২৫ ফাওবদা চাদা ৪ দগী ৫ ফাওবদং ওইখি। চাংচত্তা লৈবা মমল ২০২০-২০২২ মনুংদা কিলোগ্রামদা লুপা ৫০০ রোম ওইরম্বদগী ২০২৫ দা কিলোগ্রামদা লুপা ১,২৫০ গী ময়াদা হেনগৎলকখি। মমল হেনগৎলক্লিবা অসি হকচাঙ ফবা ঙামোক্কী দিমান্দ হেনগৎলকপা, প্রেমিয়ম ব্রান্দিং, অমসুং লিমিতেদ সপ্লাই রেসপোন্সকা মরী লৈনৈ।

এস্তিমেতেদ মন্থলী দোমেস্তিং কঞ্জুম্পসন (অখোকপা)

ভারতকী অখোকপা থাংজিংগী থাগী দোমেস্তিক কঞ্জুম্পসন মেত্রিক তন ৩,০০০-৩,৫০০ রোম ওইরি। কুমহৈ হরাওগী মতমদা, ঙামোক্কী দিমান্দ হেনগৎলকপা মতমদা শীজিন্নবগী চাং মেত্রিক তন ৫,০০০ দা হেনগৎলি।

দোমেস্তিং কঞ্জুম্পসন মনুংদা, ব্রান্দেদ ফাস্ত-মুভিং কঞ্জ্যুমর গুদ্স (এফ.এম.সি.জি.) অমসুং ওর্গনাইজ স্নেক প্লেয়র্সকী চাং থাদা মেত্রিক তন ১,৮০০-২,০০০ ওইরি। ফীভম অসি কেতগরী অসি থুনা প্রেমিয়ম ওইহল্লকপা অমসুং রিতেল পিনিত্রেসন পাকথোক চাউথোরকপনা পুরকপনি। লুজ অমসুং অনওর্গনাইজ রিতেলনা থাদা মেত্রিক তন ১,২০০-১,৪০০ গী চাংদা ওইদুনা, তিয়র-২ অমসুং তিয়র-৩ কৈথেলশিংদা মরুওইবা মফম কনবগা লোয়ননা পেকেজ তৌরবা পোত্থোকশিং তপ্না তপ্না মীয়াম্না পাম্নবা হেল্লক্লি।

লোকেল ফীল্দ্স সর্ভিং গ্লোবেল সেল্ব্স: এক্সপোর্তকী খোঙচৎ

২০২৫ গী মমাঙদা, থাংজিং অসি জেনেরেল হার্মোনাইজ সিস্তেম ওফ নোমেনক্লেচর (ঐচ.এস.এন.) কোদকী মখাদা ক্লাসিফাইদ তৌরম্মি। মসিনা অকক্নবা পোত্থোক্কী এক্সপোর্ত দেতা ফংহল্লমদে। অহোবা অসি মেনখৎনবগীদমক, দাইরেক্তর জেনেরেল ওফ ফোরেন ত্রেদ (দি.জি.এফ.তি.)না ২০২৫ দা অখোকপা থাংজিং অমসুং অতৈ থাংজিংগী পোত্থোক্কী তোঙানবা ঐচ.এস.এন. কোদ অমা হৌদোকখি। ২০২৫-২৬ দা ভারতনা থাংজিংগী পোত্থোক মেত্রিক তন ৭,২৬৪.৮৯ (লুপা লাখ ১৯২৯৬.০৮ গী এক্সপোর্ত মমল) মপান্দা থাদোকখি।

ভারতকী এক্সপোর্ত মার্কেত অসি য়াম্না ৱাংনা কন্সেন্ত্রেত তৌই। য়ুনাইতেদ স্তেতস (৪০%), কেনদা (২০%), অমসুং য়ুনাইতেদ আরব ইমিরেতস (১৭%) না পুন্না অপুনবা থাংজিং এক্সপোর্তকী ৭৭% ওইরি। অদুম ওইনমক, হায়-ভেল্যু দেস্তিনেসনশিং অসিদা য়ুনিত প্রাইস নেম্মি, য়ু.এস. ($১৯.৫/কেজি), কেনদা ($১৫.৮/কেজি), অমসুং য়ু.এ.ই. ($১৩.৩/কেজি) নি। মখোয়গা চাংদম্নবদা, জর্মনী ($২৬.০/কেজি), নেপাল ($২১.৬/কেজি), অমসুং ওস্ত্রেলিয়া ($২১.০/কেজি) গুম্বা অপীকপা কৈথেলশিংদা পোত্থোক্কী চাং মশিং য়ামদ্রবসু (১–৫%) প্রেমিয়ম ওইবা মমল লৈ। য়ুনাইতেদ কিংদমদা থোং মান্নবা মশক অমা লৈদুনা, কৈথেলগী শেয়র চাদা ১০ অমসুং মমলনা চাংচত্তা $২০/কেজি ওইরি। মসিনা মপুং ওইবা রিএলাইজেসন হেনগৎহন্নবগীদমক য়ু.এস. অমসুং গল্ফ কৈথেলগী ৱাংমদা প্রেমিয়ম মমল ফংগদবা লমদমশিংদা পান্দম থমদুনা দাইভর্সিফাই তৌনবা খুদোংচাবা অমা পীরি।

থাংজিং থাবা পাকথোক চাউথোকহনবা অমসুং লৌমীশিংগী ঙাক্লৌ মপাঙ্গল কনখৎহনবা

স্কীম অসিগী মখাদা, হেক্তর ১,০১০ গী অহেনবা মফম স্তেত পুম্বদা থাংজিং থাখ্রে, অদুগা হেক্তর ৭৩ না মরূ পুথোকপগী প্রোগ্রাম মখাদা পুশিল্লক্লে। থাংজিংগী ফীভম ফগৎলবা প্রদক্সন তেক্নোলোজীশিং উৎননবগীদমক ফ্রন্ত লাইন দিমোন্সত্রেসন (এফ.এল.দি.) ৮৯ পাঙথোকখ্রে। স্তেত এগ্রিকলচরেল য়ুনিভর্সিতিজ (এস.এ.য়ু.), সেন্ত্রেল এগ্রিকলচরেল য়ুনিভর্সিতিজ, ইন্দিয়ন কাউন্সিল ওফ এগ্রিকলচরেল রিছর্চ (আই.সি.এ.আর. ইনস্তিত্যুতশিংনা সেমিনার, এক্সপোজর ভিজিত অমসুং ত্রেনিং প্রোগ্রামশিং পাঙথোক্তুনা লৌমীশিংগী মতিং হেনগৎহনখ্রে। সেন্ত্রেল সেক্তর স্কীম ফোর দি দিভেলপমেন্ত ওফ মখনাগী মখাদা ২০২৫-২৬ তা লৈবাকসিগী লৌমী ৮১৫৯ দা কান্নবা ফংহনখ্রে।

দি সাইন্স বিহাইন্দ দি ক্রঞ্চ: মখনাগী নুত্রিস্নেল ইদ্জ

থাংজিং অসি মচি ওইবা মচল, কার্বোহাইদ্রেত, হায়-ক্বালিতী প্রোতীন, দাইতরী ফাইবর, অমসুং মেগ্নেসিয়ম, পোতাসিয়ম, ফোস্ফোরস, অমসুং আইরনগুম্বা মরুওইবা মাইক্রোন্যুত্রিএন্তশিং য়াওবা পোৎশক্নি। সোদিয়ম নেম্না য়াওবা অমসুং কোলেস্তেরোল য়াওদবা অসিনা দাইতরীগী ওইবা মথৌ তাবশিংগা চুনবা ওইহল্লি।

থাংজিং অসি মাগী মচি ওইবা মচল অমসুং হকশেলদা কান্নবা অসিগীদমক মমল লৈনা লৌনৈ অমসুং মালেমগী সুপরফুদ অমা ওইনা শকখঙনরক্লি। মসিদা গ্লাইসেমিক নেম্না য়াওবা মরম্না দাইবেতিস নাবা মীওইশিংগা চুনৈ। মসিনা থম্মোয় মশা ফনা থম্বদা অমসুং চাবা তুম্বদসু মতেং পাংই, অমসুং মসিগী এন্তি-এজিং প্রোপর্তীশিংগীদমক খঙনৈ। থিজিন হুমজিনবদা থাংজিংগী ন্যুত্রিএন্ত প্রোফাইল অসি অল্মন্দ, ৱালনত, অমসুং কাজুগুম্বা পাক শন্না চানবা পোৎলমশিংদগী হেন্না মতিং লৈ।

মসিদা ফেত য়ামদনা য়াওই (গ্রাম ১০০ দা গ্রাম ০.৩৩), ফাইবর মরাং কায়না য়াওই, মরুওইবা এমাইনো এসিদ কয়ামরুম য়াওই অমসুং তুম্বা ঙম্বা চাদা ৯৫ য়াওই। মসিগী মরুওইবা এমাইনো এসিদ ইন্দেক্স অমসুং কেমিকেল স্কোর অসি ঙাগা মান্নৈ।

সুপরফুদ শেম্লকপা: মরূদগী ঙামোক

থাংজিং পুথোকপদা ভেল্যু চেন শেম্বগী তোঙান তোঙানবা থাক কয়া য়াওরি। লোকপা অমমসুং মরূ খোমগৎপগী থবক ফার্মগী থাক্তা তৌই। চামথোকপা অমসুং কংহনবা অসি প্রাইমারী প্রোসেসিংগী শরুক্নি। লৌবা নৎত্রগা মকু খোকপা, গ্রেদিং, পোলিসিং, অমসুং পেকেজিংগুম্বা থবক থৌওংশিং অসি সেকেন্দরী প্রোসেসিং অমসুং ভেল্যু এদিসনগী মনুং চল্লি।

ফার্ম-লেবেল প্রদক্সন

ফার্ম-লেবেল প্রদক্সন্দা ইকোন শেমবা, মরূ হুনবা, মহৈ মরোং শিন-লাংবা, ঈশিংদগী মেনুএল ওইনা লোকপা য়াওরি। থাক অসি থবক য়াম্না চঙই অমসুং থবক খঙবা হৈবা চঙই। হেকপগী থবক অসি য়াম্না ৱায় মরমদি মসি ঈশিং মনুংদগী লোকপনি। সেক্তর অসি মহৌশাদগী চৎনরকপা থৌওংনা মপুং ওইরি, অমসুং মেকানাইজেসনগী চাং নেম্না লৈ।

প্রাইমারী প্রোসেসিং

থাংজিংগী প্রাইমারী প্রোসেসিং অসি য়ুম-য়ুমদা নৎত্রগা খুঙ্গংগী থাক্তা হান্নদগী শীজিন্নরকপা খুৎশু খুৎলায়শিং শীজিন্নদুনা পাঙথোকই। থৌওং অসি থৌওং অসি মরূ কংহনবা অমসুং চামথোক্তুনা হৌই, মসিগী মতুংদা মৈদা লৌথোকই। লৌথোক্লবা মরূ অসি খোক্তোক্লগা নুংশাদা ফৌদোক্লগা কেমহল্লগা ঙামোক ওইনা চানৈ। খোক্লবা মতুংদা থাংজিং অসি পোলিস তৌরগা অচৌবা মচা অমসুং অফবা ফত্তবা খন্দোক খঞ্জিন তৌই। হেন্না চাউবা, অফবা থাংজিংনা কৈথেলদা মমল হেন্না ৱাংই।

সেকেন্দরী প্রোসেসিং অমসুং ভেল্যু এদিসন

খোক্তুনা শেম-শাবা লোইরবা পোত্থোক অসি পোলুস তৌদুনা পেক তৌই। হৌখিবা চহিশিংদা সেকেন্দরী প্রোসেসিং অসি হান্না চৎনরম্বা মওংদগী পাকথোক চাউথোরক্লে। হৌজিক্তি মসিদা ফ্লেবর য়াওবা থাংজিং, খুদক্তা চাবা য়ারবা ঙামোক, থাংজিংগী য়াম, অমসুং অতৈ পোত্থোকশিং য়াওরি। সেগমেন্ত অসিদা ভেল্যু এদিসন অমসুং এমপ্লোইমেন্ত জেনেরেসনগী অচৌবা মতিং লৈ।

নেস্নেল রিছর্চ সেন্তর ফোর মখনা (এন.আর.সি.এম.)

নেস্নেল রিছর্চ সেন্তর ফোর মখনা (এন.আর.সি.এম.)না রিছর্চ অমসুং কেপাসিতী বিল্দিংগী খুত্থাঙদা ভারতকী থাংজিংগী সেক্তর মতমগা চুনহনবদা মরুওইবা থৌরাং লৌরি। মসিনা সেক্তর পুম্বদা ফীভম ফগৎলবা থাবা অমসুং প্রোসেস তৌবগী মওং য়োকখৎলি। এন.আর.সি.এম.না চাথোক য়াম্বা থাংজিং অমসুং তিংখং পান্দবা ৱাতর চেস্তনত ভেরাইতীশিং পুথোক্লে, ৱাতর-ইফিসিএন্ত অমসুং ইন্তিগ্রেতেদ ফার্মিং সিস্তেম পুথোক্লে, অমসুং ঙা য়োকপগা থাংজিংগা পুন্না থামিন্নবগী থৌওং হৌদোক্লে। হৌখিবা চহিসিদা, এন.আর.সি.এম.না লৌমী, কৃসি বিজ্ঞান কেন্দ্র, অমসুং তোঙান তোঙানবা লূপশিংদা চাথোক য়াম্বা থাংজিং মরূ কেজি ১৫,৮২৪.১ য়েন্থোকখি। মেজর বেনিফিসরীশিংগী মনুংদা নাবার্দ, স্তেত ফিসরিজ দিপার্তমেন্ত, বিহার হোর্তিকলচর দিভেলপমেন্ত সোসাইতী অমসুং অতৈ ইনস্তিত্যুসনশিং য়াওরি।

২০১২ অমসুং ২০২৩ গী মনুংদা, লৌমী ৩,০০০ হেন্না ফীভম ফগৎলবা থাবগী মওং, প্রোসেসিং, অমসুং কৈথেলগী থৌওংশিংগী মতাঙদা ত্রেন তৌখ্রে। ত্রেনিং অসিনা ঈশিং লিক্না শীজিন্নবা, চুনবা ক্রোপ্পিং সিস্তেম, অমসুং খল চুনবা ন্যুত্রিএন্ত মেনেজমেন্ততা মীৎয়েঙ থম্লি। কেন্দ্র লৈঙাক্না এন্তরপ্রাইজ ২৪ দা শেলগী তেংবাং পীদুনা খুঙ্গংগী হিংনবগী লম্বী অমসুং থাংজিংদা য়ুম্ফম ওইবা এগ্রো ইন্দস্ত্রী চাওখৎহনবদা ঙাক্লৌ পীরি।

কেপাসিতী বিল্দিং থৌরাংগী মখাদা এন.আর.সি.এম.না স্তেত এগ্রিকলচরেল য়ুনিভর্সিতীশিং অমসুং সেন্ত্রেল য়ুনিভর্সিতী, বিহারগা লোয়ননা ত্রেন-দি-ত্রেনরগী থৌরাং অমা হৌদোক্লে। থৌওং অসিনা থাংজিংগী ভেল্যু চেন পুম্বদা এক্সতেন্সন সর্ভিস মপাঙ্গল কনখৎহন্নবা পান্দম থম্লি। মসিনা থাবা, প্রোসেস তৌবা, গ্রেদিং তৌবা, কংহনবা, খোকপা, পেকেজিং, অমসুং ব্রান্দিং তৌবগী থৌওংশিং কোনশিল্লি।

মসিগী মথক্তা, এন.আর.সি.এম.না থাংজিং খোক্নবা অমসুং ভেল্যু এদেদ পোত্থোকশিং পুথোক্নবা খুৎশু খুৎলায় কয়ামরুম পুথোক্লে। তেক্নোলোজীশিং অসি কম্মর্সিএলাইজেসনগীদমক মেনুফেকচররশিংদা লাইসেন্স পীখ্রে। খুদমশিংগী মনুংদা থাংজিং মরু চাম্নবা, মরু খন্দোক্নবা, লৌনবা, মকু খোক্নবা অমসুং মকু খোক্লবা থাংজিং খন্দোক্নবা মেচিনশিং য়াওরি। তোঙান তোঙানবা ভেল্যু-এদেদ পোত্থোকশিং পুথোক্নবা তেক্নোলোজীশিংসু কম্মর্সিএল ওইনা শীজিন্ননবা ত্রান্সফর তৌখ্রে।

ন্যুত্রিসন, লৌমী, অমসুং মালেমগী কৈথেল শম্নহল্লিবা মহৈ মরোং

থাংজিং অসি হকশেলগী মরমদা খঙবা হেল্লকপা, লমদমসিগী দিমান্দ হেনগৎলকপা, অমসুং এক্সপোর্তকী মতিংনা মরম ওইদুনা ভারতকী খ্বায়দগী খোঙজেল য়াঙনা চাওখৎলক্লিবা এগ্রি-ফুদ সেক্তরশিংগী মনুংদা অমা ওইরক্লি। ফীভম চুনবা এগ্রো ক্লাইমেতিক ফীভম, হান্নদগী খঙ-হৈরকপা, অমসুং লেপ্পা লৈতনা তেক্নোলোজীগী খুমাঙ চাওশিল্লকপনা ঙাক্লৌ ওইদুনা ভারতনা মালেমগী থাংজিং পুথোকপদা মাঙজিল থাদুনা চৎলি।

নেস্নেল মখনা বোর্দ লিংখৎপা অসিদা ভেল্যু চেন পুম্বদা সেক্তর অসি মপাঙ্গল কনখৎহন্নবা অচেৎপা খোঙফমগী মমি তারি। অমরোমদসু, নেস্নেল রিছর্চ সেন্তর ফোর মখনাগুম্বা ইনস্তিত্যুসনশিংনা রিছর্চ খুমাঙ চাওশিনহল্লি, লৌমীশিংগী হৈ-শিংবা হেনগৎহল্লি, অমসুং ভেল্যু এদিসন শৌগৎলি।

হকচাঙদা কান্নবা, পাম্বীদা য়ুম্ফম ওইবা, অমসুং প্রেমিয়ম ফুদ প্রদক্তশিংগী মালেমগী দিমান্দ লেপ্পা লৈতনা হেনগৎলক্লি। মসিগী মতাঙদা, থাংজিং অসি লৌমীশিংগী শেন্থোক ৱাংহনবা, খুঙ্গংদা থবক পীবা অমসুং এগ্রিকলচরেল এক্সপোর্ত হেনগৎহনবদা মতেঙ পাংনবা চপ চাবা মফম কল্লি।

রিফরেন্স

লৌউ-শিংউ অমসুং লৌউ-শিংউগী য়াইফ থৌরাং মন্ত্রালয়

https://horticulture.bihar.gov.in/HORTMIS/BAIPP/Downloads/ModelDPRMakhana.pdf

https://horticulture.bihar.gov.in/MainSite/Documents/Publication/Makhana.pdf

https://www.pib.gov.in/PressReleasePage.aspx?PRID=2203165&reg=3&lang=2

https://www.pib.gov.in/PressReleasePage.aspx?PRID=2099490&reg=3&lang=2

কম্মর্স অমসুং ইন্দস্ত্রী মন্ত্রালয়

https://apeda.gov.in/sites/default/files/study_reports/Makhana_Report_English.pdf

https://apeda.gov.in/sites/default/files/2026-01/MIC_November_Monthly_dashboard_Makhana_311225.pdf

https://icrier.org/pdf/SBrief_Makhana.pdf

ফুদ প্রোসেসিং ইন্দস্ত্রিজ মন্ত্রালয়

https://pmfme.mofpi.gov.in/pmfme/newsletters/enewsmakhanaspecial6.html

পি.আই.বি. বেকগ্রাউন্দর

https://www.pib.gov.in/FactsheetDetails.aspx?Id=150318&reg=3&lang=2

পি.দি.এফ. পাবিয়ু

*****