ਵਿੱਤੀ ਵਰ੍ਹੇ 2025-26 ਦੌਰਾਨ ਖੇਤਰੀ ਗ੍ਰਾਮੀਣ ਬੈਂਕਾਂ (ਆਰਆਰਬੀ) ਨੇ ਕ੍ਰੈਡਿਟ ਵੰਡ ਦਾ ਵਿਸਥਾਰ ਕਰਕੇ ਅਤੇ ਤਰਜੀਹੀ ਪ੍ਰਾਪਤ ਸੈਕਟਰ ਕ੍ਰੈਡਿਟ (ਪੀਐੱਸਐੱਲ) ‘ਤੇ ਆਪਣਾ ਮਜ਼ਬੂਤ ਧਿਆਨ ਬਣਾਏ ਰੱਖਦੇ ਹੋਏ ਗ੍ਰਾਮੀਣ ਆਰਥਿਕ ਵਿਕਾਸ ਅਤੇ ਵਿੱਤੀ ਸਮਾਵੇਸ਼ ਨੂੰ ਹੁਲਾਰਾ ਦੇਣ ਵਿੱਚ ਆਪਣੀ ਭੂਮਿਕਾ ਨੂੰ ਲਗਾਤਾਰ ਮਜ਼ਬੂਤ ਕੀਤਾ।

ਵਿੱਤੀ ਵਰ੍ਹੇ 2024-25 ਵਿੱਚ 5,24,163 ਕਰੋੜ ਰੁਪਏ ਤੋਂ ਵਧ ਕੇ ਵਿੱਤੀ ਵਰ੍ਹੇ 2025-26 ਵਿੱਚ ਕੁੱਲ ਬਕਾਇਆ ਕ੍ਰੈਡਿਟ 10.3 ਪ੍ਰਤੀਸ਼ਤ ਵਾਧੇ ਦੇ ਨਾਲ 5,78,349 ਕਰੋੜ ਰੁਪਏ ਹੋ ਗਿਆ। ਉੱਥੇ ਹੀ, ਭਾਰਤੀ ਰਿਜ਼ਰਵ ਬੈਂਕ ਦੇ ਤਰਜੀਹੀ ਪ੍ਰਾਪਤ ਖੇਤਰ ਕ੍ਰੈਡਿਟ ਢਾਂਚੇ ਦੇ ਤਹਿਤ ਆਰਆਰਬੀ ਦਾ ਪ੍ਰਦਰਸ਼ਨ ਵਰ੍ਹੇ ਦੌਰਾਨ ਸ਼ਾਨਦਾਰ ਰਿਹਾ। 75 ਪ੍ਰਤੀਸ਼ਤ ਦੇ ਨਿਰਧਾਰਿਤ ਸਮੁੱਚੇ ਪੀਐੱਸਐੱਲ ਟੀਚੇ ਦੇ ਮੁਕਾਬਲੇ ਔਸਤ ਉਪਲਬਧੀ ਐਡਜਸਟਿਡ ਨੈੱਟ ਬੈਂਕ ਕ੍ਰੈਡਿਟ (ਏਐੱਨਬੀਸੀ) ਦੇ 91.7 ਪ੍ਰਤੀਸ਼ਤ ਤੱਕ ਪਹੁੰਚ ਗਈ। ਲਗਭਗ ਸਾਰੇ ਆਰਆਰਬੀਜ਼ ਨੇ ਸਮੁੱਚੇ ਪੀਐੱਸਐੱਲ ਟੀਚੇ ਨੂੰ ਹਾਸਲ ਕੀਤਾ, ਜੋ ਤਰਜੀਹੀ ਖੇਤਰਾਂ ਨੂੰ ਸਮਰਥਨ ਦੇਣ ਅਤੇ ਵਿੱਤੀ ਸਮਾਵੇਸ਼ ਨੂੰ ਅੱਗੇ ਵਧਾਉਣ ਦੇ ਪ੍ਰਤੀ ਆਰਆਰਬੀ ਦੇ ਮਜ਼ਬੂਤ ਵਿਸ਼ੇਸ਼ ਧਿਆਨ ਨੂੰ ਦਰਸਾਉਂਦਾ ਹੈ।

ਖੇਤੀਬਾੜੀ ਅਤੇ ਸਹਾਇਕ ਗਤੀਵਿਧੀਆਂ ਆਰਆਰਬੀਜ਼ ਦੇ ਕ੍ਰੈਡਿਟ ਪੋਰਟਫੋਲੀਓ ਦਾ ਸਭ ਤੋਂ ਵੱਡਾ ਕੰਪੋਨੈਂਟ ਬਣੀਆਂ ਰਹੀਆਂ, ਜਿਸ ਵਿੱਚ ਕੁੱਲ ਤਰਜੀਹ ਪ੍ਰਾਪਤ ਖੇਤਰ ਦਾ 77 ਪ੍ਰਤੀਸ਼ਤ ਯਾਨੀ 3.78 ਲੱਖ ਕਰੋੜ ਰੁਪਏ ਦਾ ਬਕਾਇਆ ਕ੍ਰੈਡਿਟ ਸ਼ਾਮਲ ਹੈ। ਖੇਤੀਬਾੜੀ ਕ੍ਰੈਡਿਟ ਖੇਤੀਬਾੜੀ ਖੇਤਰ ਦੇ ਕੁੱਲ ਕ੍ਰੈਡਿਟ ਦਾ ਲਗਭਗ 98 ਪ੍ਰਤੀਸ਼ਤ ਹਿੱਸਾ ਸੀ, ਜਿਸ ਵਿੱਚ ਫਸਲ ਖੇਤੀ, ਸਹਾਇਕ ਖੇਤੀਬਾੜੀ ਗਤੀਵਿਧੀਆਂ ਅਤੇ ਗ੍ਰਾਮੀਣ ਅਰਥਵਿਵਸਥਾ ਵਿੱਚ ਨਿਵੇਸ਼ ਨੂੰ ਸਮਰਥਨ ਪ੍ਰਦਾਨ ਕੀਤਾ।

ਸੂਖਮ, ਛੋਟੇ ਅਤੇ ਦਰਮਿਆਨੇ ਉੱਦਮ (ਐੱਮਐੱਸਐੱਮਈ) ਖੇਤਰ ਨੂੰ ਦਿੱਤਾ ਗਿਆ ਕ੍ਰੈਡਿਟ 66,978 ਕਰੋੜ ਰੁਪਏ (ਕੁੱਲ ਪੀਐੱਸਐੱਲ) ਦਾ 13.6 ਪ੍ਰਤੀਸ਼ਤ) ਰਿਹਾ, ਜੋ ਗ੍ਰਾਮੀਣ ਉਦਮਤਾ ਅਤੇ ਰੁਜ਼ਗਾਰ ਸਿਰਜਣ ਨੂੰ ਸਮਰਥਨ ਦੇਣ ਵਿੱਚ ਆਰਆਰਬੀ ਦੀ ਮਹੱਤਵਪੂਰਨ ਭੂਮਿਕਾ ਦੀ ਮੁੜ ਪੁਸ਼ਟੀ ਕਰਦਾ ਹੈ। ਐੱਮਐੱਸਐੱਮਈ ਲੈਂਡਿੰਗ ਦਾ 95 ਪ੍ਰਤੀਸ਼ਤ ਤੋਂ ਵੱਧ ਹਿੱਸਾ ਸੂਖਮ ਉੱਦਮਾਂ ਨੂੰ ਦਿੱਤਾ ਗਿਆ ਸੀ, ਜੋ ਗ੍ਰਾਮੀਣ ਅਤੇ ਅਰਧ-ਸ਼ਹਿਰੀ ਖੇਤਰਾਂ ਵਿੱਚ ਪਹਿਲੀ ਪੀੜ੍ਹੀ ਦੇ ਉੱਦਮੀਆਂ, ਸਵੈ-ਰੁਜ਼ਗਾਰ ਪ੍ਰਾਪਤ ਵਿਅਕਤੀਆਂ, ਕਾਰੀਗਰਾਂ ਅਤੇ ਛੋਟੀਆਂ ਵਪਾਰਕ ਯੂਨਿਟਾਂ ਨੂੰ ਵਿੱਤਪੋਸ਼ਿਤ ਕਰਨ ‘ਤੇ ਆਰਆਰਬੀ ਦੇ ਧਿਆਨ ਨੂੰ ਦਰਸਾਉਂਦਾ ਹੈ। ਐੱਮਐੱਸਐੱਮਈ ਲੈਂਡਿੰਗ ਵਿੱਚ ਸੇਵਾ ਖੇਤਰ ਦਾ ਹਿੱਸਾ ਸਭ ਤੋਂ ਵੱਡਾ ਸੀ, ਜਿਸ ਤੋਂ ਬਾਅਦ ਮੈਨੂਫੈਕਚਰਿੰਗ ਉੱਦਮਾਂ , ਖਾਦੀ ਅਤੇ ਗ੍ਰਾਮ ਉਦਯੋਗ ਦਾ ਸਥਾਨ ਰਿਹਾ।

ਆਰਆਰਬੀ ਨੇ ਕਮਜ਼ੋਰ ਵਰਗਾਂ ਨੂੰ 3.49 ਲੱਖ ਕਰੋੜ ਰੁਪਏ ਦਾ ਕ੍ਰੈਡਿਟ ਦਿੱਤਾ, ਜੋ ਵਿੱਤੀ ਸਮਾਵੇਸ਼ ਅਤੇ ਸੰਸਥਾਗਤ ਕ੍ਰੈਡਿਟ ਤੱਕ ਨਿਆਂਸੰਗਤ ਪਹੁੰਚ ਪ੍ਰਤੀ ਉਨ੍ਹਾਂ ਦੀ ਵਚਨਬੱਧਤਾ ਨੂੰ ਦੁਹਰਾਉਂਦਾ ਹੈ। ਇਸ ਤੋਂ ਇਲਾਵਾ ਆਵਾਸ, ਸਿੱਖਿਆ, ਨਵਿਆਉਣਯੋਗ ਊਰਜਾ ਅਤੇ ਸਮਾਜਿਕ ਬੁਨਿਆਦੀ ਢਾਂਚੇ ਲਈ ਕ੍ਰੈਡਿਟ ਉਪਲਬਧ ਕਰਵਾਉਣ ਨਾਲ ਸਮਾਵੇਸ਼ੀ ਅਤੇ ਟਿਕਾਊ ਵਿਕਾਸ ਨੂੰ ਹੁਲਾਰਾ ਮਿਲਿਆ। ਇਸ ਨਾਲ ਮਨੁੱਖੀ ਪੂੰਜੀ ਨਿਰਮਾਣ, ਪਰਿਵਾਰਾਂ ਲਈ ਸੰਪੱਤੀਆਂ ਦੇ ਸਿਰਜਣ, ਸਵੱਛ ਊਰਜਾ ਨੂੰ ਅਪਣਾਉਣ ਅਤੇ ਸਥਾਨਕ ਬੁਨਿਆਦੀ ਢਾਂਚੇ ਦੇ ਨਿਰਮਾਣ ਵਿੱਚ ਸਹਾਇਤਾ ਮਿਲੀ।

ਕੁੱਲ ਮਿਲਾ ਕੇ ਵਿੱਤੀ ਵਰ੍ਹੇ 2025-26 ਦੌਰਾਨ ਆਰਆਰਬੀ ਦਾ ਵਿੱਤੀ ਪ੍ਰਦਰਸ਼ਨ ਗ੍ਰਾਮੀਣ ਕ੍ਰੈਡਿਟ ਦੇ ਨਿਰੰਤਰ ਵਿਸਥਾਰ, ਰਾਸ਼ਟਰੀ ਵਿਕਾਸ ਤਰਜੀਹਾਂ ਦੇ ਨਾਲ ਮਜ਼ਬੂਤ ਤਾਲਮੇਲ ਅਤੇ ਕਿਸਾਨਾਂ, ਸੂਖਮ ਉੱਦਮਾਂ ਅਤੇ ਹੋਰ ਵੰਚਿਤ ਵਰਗਾਂ ਨੂੰ ਨਿਰੰਤਰ ਸਹਾਇਤਾ ਨੂੰ ਦਰਸਾਉਂਦਾ ਹੈ। ਇਸੇ ਤਰ੍ਹਾਂ ਆਰਆਰਬੀ ਵਿੱਤੀ ਸਮਾਵੇਸ਼ ਨੂੰ ਅੱਗੇ ਵਧਾਉਣ, ਗ੍ਰਾਮੀਣ ਆਜੀਵਿਕਾ ਨੂੰ ਮਜ਼ਬੂਤ ਕਰਨ ਅਤੇ ਸਮਾਵੇਸ਼ੀ ਅਤੇ ਸੰਤੁਲਿਤ ਆਰਥਿਕ ਵਿਕਾਸ ਦੇ ਕੇਂਦਰ ਸਰਕਾਰ ਦੇ ਵਿਜ਼ਨ ਨੂੰ ਸਾਕਾਰ ਕਰਨ ਵਿੱਚ ਮਹੱਤਵਪੂਰਨ ਅਧਾਰ ਥੰਮ੍ਹ ਬਣੇ ਹੋਏ ਹਨ।

************

ਐੱਸਆਰ/ਏਡੀ/ਏਕੇ