মাননীয় প্ৰধানমন্ত্ৰী শ্ৰী নৰেন্দ্ৰ মোদীৰ "সহকাৰ সে সমৃদ্ধি" দৃষ্টিভংগীৰ সৈতে সংগতি ৰাখি কেন্দ্ৰীয় গৃহ তথা সমবায় মন্ত্ৰী শ্ৰী অমিত শ্বাহে ২০২৬  চনৰ ১৬  আগষ্টত ৰাজস্থানৰ আলৱাৰৰ বিজয় নগৰ খেলপথাৰৰ আলৱাৰ সৰস ডেইৰী কমপ্লেক্সত এটা  নতুন দুগ্ধ প্ৰকল্পৰ আধাৰশিলা স্থাপন কৰিব। এই কাৰ্য্যসূচীত শ্ৰী অমিত শ্বাহে বিভিন্ন দুগ্ধ সংঘৰ দুগ্ধ প্ৰক্ৰিয়াকৰণ প্ৰকল্প আৰু পশুখাদ্য প্ৰকল্পসমূহৰ ই-উদ্বোধন কৰিব।

এই কাৰ্যসূচীত, কেন্দ্ৰীয় গৃহ তথা সমবায় মন্ত্ৰী শ্ৰী অমিত শ্বাহে নতুন কেন্দ্ৰীয় সমবায় বেংক গঠনৰ কথা ঘোষণা কৰাৰ লগতে প্ৰত্যক্ষ লাভ হস্তান্তৰৰ (ডিবিটি) জৰিয়তে বিভিন্ন কল্যাণমূলক আঁচনিৰ হিতাধিকাৰীসকলক দূৰবৰ্তী সংযোগৰ মাধ্যমেৰে পুঁজি হস্তান্তৰ কৰিব। প্ৰধানমন্ত্ৰী ফচল বীমা যোজনা আৰু প্ৰধানমন্ত্ৰী কিষাণ সন্মান নিধি যোজনাৰ অধীনৰ হিতাধিকাৰীসকল ইয়াৰ ভিতৰত অন্তৰ্ভুক্ত থাকিব।

 অনুষ্ঠানত ৰাজস্থানৰ ১৭  খন জিলাত ৬,২৬২ কোটি টকাৰ বিভিন্ন উন্নয়নমূলক কামৰ ই-আধাৰশিলা স্থাপন আৰু ই-উদ্বোধন কৰা হ’ব। ইয়াৰ উপৰি, ৰোজগাৰ উৎসৱৰ অধীনত নৱনিযুক্ত ১০৫৪৮ গৰাকী কৰ্মচাৰীক নিযুক্তি পত্ৰ বিতৰণ কৰা হ’ব।

আলৱাৰ সৰস দুগ্ধ কমপ্লেক্সত নতুন দুগ্ধ প্ৰকল্পৰ আধাৰশিলা স্থাপন আৰু বিভিন্ন দুগ্ধ প্ৰক্ৰিয়াকৰণ তথা পশুখাদ্য প্ৰকল্পৰ ই-উদ্বোধন ৰাজ্যখনৰ দুগ্ধ সমবায় খণ্ডৰ প্ৰক্ৰিয়াকৰণ আৰু উৎপাদন ক্ষমতা শক্তিশালী কৰাৰ দিশত এক গুৰুত্বপূৰ্ণ পদক্ষেপ হিচাপে পৰিগণিত হ'ব। ই আধুনিক দুগ্ধ আন্তঃগাঁথনি বৃদ্ধি কৰি দুগ্ধ উৎপাদকসকলৰ বাবে উন্নত সুযোগ সৃষ্টি কৰাৰ লগতে সমবায়ৰ জৰিয়তে গ্ৰাম্য অৰ্থনীতি অধিক শক্তিশালী কৰাত অৰিহণা যোগাব।

মাননীয় প্ৰধানমন্ত্ৰী শ্ৰী নৰেন্দ্ৰ মোদীৰ "সহকাৰ সে সমৃদ্ধি" মন্ত্ৰৰ সৈতে সংগতি ৰাখি কৰা এই প্ৰচেষ্টাই সমবায় প্ৰতিষ্ঠানসমূহক আধুনিক, দক্ষ আৰু আত্মনিৰ্ভৰশীল কৰি তোলাৰ লগতে সহযোগিতাৰ জৰিয়তে কৃষক আৰু দুগ্ধ উৎপাদকসকলক অৰ্থনৈতিকভাৱে সবলীকৰণ কৰাৰ বাবে চৰকাৰৰ সংকল্প অধিক শক্তিশালী কৰিব।

****

AK/AP/DD