రోడ్‌షో ద్వారా వేలానికి అందుబాటులో ఉన్న ఖనిజ బ్లాకుల సామర్థ్యం, వేలం విధానం, బిడ్డింగ్ ప్రక్రియ, కీలక, వ్యూహాత్మక ఖనిజాల రంగంలో పెట్టుబడులు, భాగస్వామ్యానికి ఉన్న అవకాశాలపై ఔత్సాహిక పెట్టుబడిదారులు, పరిశ్రమ వర్గాలకు సమగ్ర అవగాహన కల్పించనున్నారు. ఖనిజ బ్లాకులపై ఎంఈసీఎల్, ఖనిజాల వేలం ప్రక్రియ, టెండర్ పత్రంపై ఎస్ బీఐసీఏపీఎస్, ఈ-వేలం ప్రక్రియపై ఎంఎస్టీసీ సంస్థలు సమగ్ర ప్రజెంటేషన్లు ఇవ్వనున్నాయి. ఎన్ఎంఈడీటీఈ కార్యక్రమంలో కాంపోజిట్ లైసెన్స్‌దారులు చేసిన ఖనిజ అన్వేషణ వ్యయాల్లో కొంత భాగాన్ని తిరిగి చెల్లించే ఎన్ఎంఈడీటీ పథకంపై కూడా ఈ కార్యక్రమంలో ప్రజెంటేషన్‌ ఇవ్వనున్నారు. అనంతరం భాగస్వామ్య వర్గాల మధ్య పరస్పర చర్చకు, వేలం ప్రక్రియకు సంబంధించిన సందేహాల నివృత్తికి ఓపెన్‌ హౌస్‌  నిర్వహించనున్నారు.

కార్యక్రమం రెండో భాగంలో ఖనిజ అన్వేషణ: ప్రణాళిక, అమలు, నివేదికల తయారీ అంశంపై వర్క్‌షాప్‌ నిర్వహించనున్నారు. భారత్‌లో ఖనిజ అన్వేషణకు ఉన్న అవకాశాలు, జాతీయ భూవిజ్ఞాన డేటా రిపాజిటరీ (ఎన్జీడీఆర్)ని ఉపయోగించి అన్వేషణ బ్లాకుల రూపకల్పన, ఖనిజ అన్వేషణ నివేదికల తయారీ వంటి అంశాలను వివరించనున్నారు. భారత భూగర్భ సర్వే సంస్థ (జీఎస్ఐ) ఉన్నతాధికారులు సాంకేతిక అంశాలపై ప్రత్యేక సెషన్లు నిర్వహించనున్నారు.

ఖనిజ అన్వేషణను ప్రోత్సహించడం, కీలక, వ్యూహాత్మక ఖనిజ వనరుల అభివృద్ధిని వేగవంతం చేయడం, ప్రైవేట్ రంగ భాగస్వామ్యాన్ని పెంచడం, దేశ ఖనిజ భద్రతను బలోపేతం చేయడం కోసం ప్రభుత్వం కొనసాగిస్తున్న కృషిని ఈ కార్యక్రమం తెలియచేస్తుంది. అభివృద్ధి చెందుతున్న సాంకేతికతలు, స్వచ్ఛ ఇంధనం, ఇతర వ్యూహాత్మక రంగాలకు అవసరమైన ఖనిజాల దేశీయ అన్వేషణ, అభివృద్ధిని మరింత విస్తరించడం ద్వారా ఆత్మనిర్భర్ భారత్ లక్ష్యానికి కూడా ఈ కార్యక్రమం తోడ్పడుతుంది.

****