প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা ৮০শুবা নিংতম্বা নুমিৎ থৌরমদা লৈবাক্কী মীয়ামদা লাল কিলাদগী ৱা ঙাংখ্রে
ঙসিগী নুমিৎ অসি ঐখোয়গী মঙলানশিং, ৱাশক অমসুং থৌনাগা লোয়ননা মাঙলোমদা চঙশিনগদবা নুমিৎ অমনি: প্রধান মন্ত্রী
ঙসি, অচেৎপা ৱাশক্ক লোয়ননা, ভারতনা অচৌবা মঙ অমা মঙলে; মঙলান অদুদি ২০৪৭ দা, ঐখোয়না নিংতম্বা চহি ১০০ মপুংফারকপদা, ঐখোয়না বিকসিত ভারত অমা শেমগৎকনি: প্রধান মন্ত্রী
ঐখোয় ইশানা ইশাবু থাজগদবনি অমসুং অত্মনির্ভর ভারতর অমা শেমগৎপদা চাউথোকচগদবনি: প্রধান মন্ত্রী
মতম অমদা ‘চঙবা য়াদবা মফমশিং’ ওইনা উরম্বা হিরমশিং হৌজিক ‘মাঙলোমদা চঙশিনবা মফমশিং’ ওইরে: প্রধান মন্ত্রী
ভারতমচা খুদিংমক্ত মেক ইন ইন্দিয়া অমসুং ভোকেল ফোর লোকেলগী ৱাখল্লোন চেল্লে: প্রধান মন্ত্রী
ভারতকী তুংদু-লৈতাবা রাজনিতিগী মীয়ামগী অপাম্বা অমা, তুংদু-লৈতাবা সরকার অমা, অফবা গনতন্ত্র অমা, মপাঙ্গল কনবা ৱায়েল কাংলোনগী থবক অমা অমসুং ঐখোয় খুদিংমক লমজিংলিবা সংবিধান অমা লৈরে: প্রধান মন্ত্রী
ঐখোয়না পোৎশক অহুম; শেন চঙবা, মগুন লৈহনবা অমসুং পাক-চাউবদা মীৎয়েং চঙবা দরকার ওই: প্রধান মন্ত্রী
ঐখোয়গী ফেক্তরিশিং চাংদম্নবা শরুক য়াবা ঙমগদবনি, ঐখোয়গী পোৎথোকশিং শীজিন্নবদা নুংঙাইগদবনি অমসুং ঐখোয়গী পেকেজিং খ্বাইদগী ফবা ওইগদবনি: প্রধান মন্ত্রী
মতম অমদা নেক্সালগী হিংশানা শোকহনখ্রবা মফমশিং শান্তি, চাউখৎপা অমসুং অনৌবা থাজবা উরে: প্রধান মন্ত্রী
লাক্লিবা চহিশিংদা, সপ্তাধারাশিংনা ভারত মঙলোমদা পুখৎকনি অমসুং লৈবাক অসি অনৌবা থাকশিং য়ৌহনগনি: প্রধান মন্ত্রী
प्रविष्टि तिथि:
15 AUG 2026 3:04PM by PIB Imphal
ঙসি প্রধান মন্ত্রী শ্রী নরেন্দ্র মোদীনা ৮০শুবা নিংতম্বা নুমিৎ থৌরমদা লৈবাক্কী মীয়ামদা লাল কিলাদগী ৱা ঙাংখ্রে। মহাক্না মহাক্কী য়াইফ পাউজেল পীখি, লৈবাক শীনবা থুংবগী য়ুমথোঙশিংদা মচু অহুমগী ফিরাল পাইহনবা অমসুং বন্দে মাতারম চহি ১৫০ শুরকপগী থৌরম পাংথোকপগা লোয়ননা অনৌবা ৱারেপশিং লৌবা উবা ফংখি। মহাক্না হায়খি মদুদি কৎথোকপগী ফজরবা চৎনবী মিকপ থোকহনখিবা নিংতম্নবা লান্মীশিং অমসুং শক্নাইরবা য়াওল্লোয়শিংদা ঐনা কোক নোঞ্জরি।
হন্দক থোকখিবা ইচাউশিং অমসুং লৈবাক নিংখায়বগী থৌদোকশিংনা শোকহনখ্রবা মীয়ামগীদমক লেপ্লদুনা, অৱাবা মতম অসিদা লৈবাক অসিনা মখোয়গীদমক লেপ্লি হায়না মখোয়দা প্রধান মন্ত্রীনা থাজবা পীখি। প্রধান মন্ত্রীনা হায়খি মদুদি মখোয়গী অৱাবদা ঐখোয় অমসুং লৈবাক শীনবা থুংনা চেৎনা লেপ্লি হায়না অৱাবা তারবা ইমুংশিংদা ঐনা থাজবা পীরি।
প্রধান মন্ত্রীনা হায়খি মদুদি লৈবাক অমনা মশাগী অপাম্বশিং ফংলবা অমসুং তৌবা ঙম্বশিং ফজনা লৈরবা মতম খক্তদা তশেংনা মাইপাকপা ঙম্মী। লৈবাক অদুগী মঙলানশিং অমসুং অনিংবশিংগী অশেংবা মপাঙ্গলদা লৈবাক অদু মাঙলোমদা চঙশিনবা মতমদা লৈবাক অমনা চাউখৎপা অমসুং লৈবাক অদুগী পান্দমশিং ফংবা ঙম্মী।
লৈবাক্কী পান্দমশিং পাকথোক-চাউথোক্নবা অচৌবা পান্দমগা লোয়ননা অপীকপা পান্দমশিং থাদোক্নবা মীয়ামদা তকশিল্লদুনা, প্রধান মন্ত্রীনা হায়খি মদুদি অচেৎপা ৱাশক্না মশা মথন্ত অৱাবশিং মায়োক্নবা ঙম্নবা থৌনা পোকহল্লি। ৱারেপ চেৎনা লৌবা মতমদা, অৱাবশিং থেংনবা মতমদা লম্বীশিং থিনবা থৌনা মশা মরোমদোম লাকচৈ।
থাজবা অমসুং তৌবা ঙম্বা থবক ওইনা পাংথোকপা অনিগী মরক্ত লৈনবা মরী শন্দোক্না পল্লদুনা, প্রধান মন্ত্রীনা হায়খি অচৌবা মঙলানশিং মঙবনা লৈবাক্কী থবকশিংগী পাক-চাউবা অমসুং লৈবাক্কী থবকশিং মপুংফানা হেনগৎহল্লি। মঙলানশিং অমসুং ৱাশকশিং অচৌবা ওইবা মতমদা, ঐখোয়গী তৌবা ঙম্বশু হেনগৎলকই।
লৈবাক্কী অচৌবা পান্দম অমা লাউথোক্লদুনা, প্রধান মন্ত্রীনা হায়খি মদুদি ২০৪৭ আদ মপুংফানা চাউখৎলবা লৈবাক অমা ওইনবা অচেৎপা ৱাশক অমা লৌরে, ভারতকী থৌনা অমসুং তৌবা ঙম্বা নমদুনা মালেমদা খঙহনগনি। ইরৈচা করোর ১৪০ গী অকনবা থবক্ক লোয়ননা, নিংতম্বা চহি ১০০ মপুংফারকপদা ঐখোয়না শোইদনা বিকসিত ভারত অমা শেমগনি।
মীওই কাংলুপ খুদিংমক্কী অপুনবা কৎথোকপা ইকায়খুম্নবা উৎলদুনা, প্রধান মন্ত্রীনা হায়খি হৌখিবা চহি ১২ দা মীওইবগী ফিবম ফগৎহনবা অমসুং শেন-থুমগী অওনবা পুরকখিবগী অপুনবা রিপোর্ত কার্দ অমা লৈরে। মীওই করোর ২৫ লায়রবা কোক্লে অমসুং ভারত “ফ্রেজাইল ফাইব’ ওইরম্বদগী খ্বাইদগী য়াংনা চাউখৎলক্লিবা অচৌবা ইকোনোমি অমা ওইরক্লে। লৈবাক অসি অনৌবা থাকশিংদা পুখৎনবা কৎথোকপগা লোয়ননা মীওই খুদিংমক্না পাংথোকপা য়াবা থবক খুদিংমক পাংথোক্লে।
মালেমগী ওইনা ফিবম ফত্তবদগী মমাঙদা খোঙজেল তপথখিবদগী খুদোংচাবশিং মাঙখিবা অদু পল্লদুনা, প্রধান মন্ত্রীনা হায়খি হৌজিক খোঙজেলদা অহোংবা লৈরে, হৌজিক মীয়ামগী অপুনবা ৱারেপ থিংবা ঙমদ্রে। ভারত অনৌবা খোঙজেল অমদা চেনখৎলে অমসুং হৌজিক লৈবাক অসিগী মীওই করোর ১৪০ গী তৌবা ঙম্বা থিংবা ওইথোক্লোই।
হৌখিবা চহি ১২ দা মেনুফেকচরিং, দিজতেল গ্রোথ অমসুং মীয়ামদা লৈঙাক্কী কান্নবশিং ফংহনবগী মতাংদা ভারতকী চাউখৎপগী অকুপ্পা রিপোর্ত কার্দ অমা পুথোক্লদুনা, প্রধান মন্ত্রীনা হায়খি ঙাক-শেনগী খুৎলায় পুথোকপা শরুক মরি হেনগৎলে, খাদি অমসুং ভিলেজ উদ্যোগশিং চাউখৎপা শরুক ৫ হেনগৎলে, ইলেক্ত্রোনিক্স মেনুফেকচরিং শরুক ৭ হেনগৎলে, রেলৱে কোচ পুথোকপা শরুক ২১ হেনগৎলে অমসুং মোবাইল ফোন শাবা শরুক ৩৩ হেনগৎলে। ইন্তরনেত কঞ্জুমরশিং শরুক ৪ হেনগৎলে, পেতেন্তশিং পীবা শরুক ৪ হেনগৎলে অমসুং দিজিতেল ত্রান্সসেক্সনশিং শরুক ১০০ হেনগৎলে, তোতি ঈশিং ফংহনবা শরুক ১৫ হেনগৎলে, এল.পি.জি কন্নেক্সন পীবা শরুক ৬ য়াংখৎলে, তোইলেতশিং শাবা শরুক ৪ য়াংখৎলে, পাক্কাগী য়ুমশিং শাবা শরুক ৩ য়াংখৎলে অমসুং অরিবা আইন চা কয়া মুৎথৎলে। ঐখোয়গী মাঙদা মাইপাকপা অসুক্কী মতিক য়াম্না লৈবা মতমদা, বিকসিত ভারত অমা ওইনবা ৱাশক কৈদৌঙৈদা ফংদনা তোক্লোই।
অত্মনির্ভর অমসুং লৈবাক্কীদমক চাউথোকচবগী দরকার ওইবা পল্লদুনা, প্রধান মন্ত্রীনা হায়খি মদুদি মমল হোংবা মপান্দগী পুশিল্লকপা পোৎ-চৈশিংগী মখা পোনবগী ৱাখল্লোন থাদোক্কদবনি অমসুং লৈবাক অসিগী তৌবা ঙম্বশিং মপুংফানা শেমগৎনবা থবকশিং পায়খৎকদবনি। ঐখোয়না মপুংফানা ঐখোয় ইশাগী তৌবা ঙম্বশিং হেনগৎহনগদবনি অমসুং ঐখোয় ইশাগী য়াইফনবা থবকশিং ঐখোয়না ঙাক-শেনগদবনি।
লৈবাক অসিনা তেক্নোলোজিদা য়াংনা চাউখৎলক্লিবা অমসুং অত্মনির্ভরগী অকনবা থবকশিং ফোঙদোক্লদুনা, প্রধান মন্ত্রীনা হায়খি মদুদি সেমিকন্দক্তরশিং মালেমগী ওইনা য়াম্না মরুওই অমসুং লৈবাক অসিদা প্লান্ত অহুম থবক হৌখ্রে অমসুং মালেমগী কৈথেলশিংদা চিপশিং য়োল্লে, লোয়ননা চহি ১-২ গী মনুংদা অনৌবা প্লান্ত ৭-৮ থবক হৌরগনি। ভারতনা মশাগী ওক্নবা পোৎথোক পুথোকপা অসিনা বিকসিত ভারতকী মাইকৈদা য়াংনা চঙশিন্নবা হায়ৱে অমদা ঐখোয়দা পীরে।
রিছোর্স সেকুরিতিগী মরুওইবা পল্লদুনা, প্রধান মন্ত্রীনা হায়খি মদুদি নেসনেল ক্রিতিকেল মিনরেলস মিসন হৌদোক্লে অমসুং বজেত্ত ক্রিতিকেল মিনরেলস কোরিদোর লাউথোকখ্রে। ভারত মালেমদা থাজবা লৈরবা মরুপ অমা ওইনা মালেমগী এগ্রিমেন্তশিং লৈনরে। হায়রিবা ক্রিতিকেল মিনরেলশিং অসিগী মাইকৈদা হৌজিক মালেমগী লৈবাক কয়ানা ভারত্ত থাজবা থম্বা হৌরক্লে।
তেক্নোলোজি চাউখৎলকপগা লোয়ননা ইনর্জি শীজিন্নবা হেনগৎলক্লিবা অসিগী মতাংদা, প্রধান মন্ত্রীনা হায়খি মদুদি শান্তি এক্তকী মখাদা ইনর্জিগী অহোংবশিং পুরক্লে অমসুং ফাষ্ট ব্রিদর ন্যুক্লিয়ার তেক্নোলোজিদা য়ুম্ফম ওইদুনা চহি ৬-৭ গী মনুংদা অনৌবা রিয়েক্তর ৫ থবক তৌদুনা ২০৪৭ ফাওবগী মনুংদা গিগাৱার্ত ১০০গী ন্যুক্লিয়ার ইনর্জি পুথোক্নবা পান্দম অমা থম্লে। মরুওইবা ন্যুক্লিয়ার ফুয়েলদা মপুংফনা অত্মনির্ভর ওইনবা মাইকৈদা ঐখোয়না মাইপাক্না অচৌবা খোঙথাং অমা থাংজিল্লে।
মমাঙদা লৈরম্বা অথিংবা পীবা থৌশিলশিংনা লৈবাক্কী রিছোর্সশিং থিবদা অপনবা পীখিবা অদুগী মতাংদা, প্রধান মন্ত্রীনা হায়খি মদুদি লৈবাক অসিদা থাউ অমসুং গ্যাস পুথোকপদা অচৌবা অহোংবা অমা লৈরে, সমুদ্র মপানগী চাদা ৯৯ ‘চঙবা য়াদবা মফম’ ওইরম্বদগী ‘ মাঙলোমদা চঙশিনবা মফম’ অমা ওইরে অমসুং অনৌবা ইনর্জি রিজার্বশিং খঙদোক্নবা লুপা করোর ৮৫,০০০ গী সমুদ্র মন্থন থবক্না সমুদ্রগী শরুকশিংদা অকনবা থবক পায়খৎলে। ঐখোয়না হায়রিবা মফমশিং অদু হাংদোক্লে অমসুং হৌজিক সমুদ্র মনুংদা অনৌবা রিজার্শিং থিবগী থবক পায়খৎলে।
অলতর্নেতিপ ইনর্জি ইনফ্রাষ্ট্রকচর য়াংনা চাউখৎলক্লিবা অসি ফোঙদোক্লদুনা, প্রধান মন্ত্রীনা হায়খি হৌখিবা চহি ১২ দা অচৌবা মাইপাকপা কয়া লৈরে, সিতি গ্যাস দিষ্ট্রিব্যুসন সহর ৭০ দগী সহর ৭০০ দা হেনগৎলে, য়ুমথোং করোর ১.৭৫ দা পাইপনা চাক থোঙনবা গ্যাস ফংহল্লে আমসুং সোলার ইনর্জি পুথোকপা গিগাৱার্ত ২ গী গিগৱার্ত ১৬০ দা হেনগৎলে। চহি ১২ দা পাইপ গ্যাস নেতৱার্ক সহর ৭০ দগী সহর ৭০০ দা হেনগৎপা অসি অশেংবা অয়াংবা খোঙজেল অমসুং মপুংফানা তশেংনা পাকথোক-চাউথোকপনি।
রিন্যুএবল ইনর্জিনা মিদল ক্লাসশিংদা হকথেংন্না শেন-থুমগী কান্নবশিং ফংহল্লিবা অসি পল্লদুনা, প্রধান মন্ত্রীনা হায়খি পি.এম সুর্য়া ঘর মুফ বিজলি য়োজনাগী মখাদা পৱার বিলশিং জিরোদা হন্থনবা অমসুং অহেনবা মৈ য়োন্দুনা অহেনবা শেন তান্নবা ইমুং অমদা লুপা ৮০,০০০ ফাওবগী শেন্থং স্কিম অসিনা য়ুমথোং লাখ ৫০ হেনবদা ফংহনখ্রে। হৌজিক য়ুম লিশিং কয়া অহেনবা মৈ য়োন্দুনা শেন তাল্লে অমসুং মসিগী অচৌবা থবক অসি ঐখোয়না য়াংনা পাকথোক-চাউথোকহল্লি।
মমাঙদা প্রোজেক কয়া পন্দুনা লৈরম্বা অদুগা চাংদম্নরদুনা হৌজিক নৌনা রেলৱে ইনফ্রাষ্ট্রকচর ফগৎলক্লিবা অসিগী মতাংদা, প্রধান মন্ত্রীনা হায়খি মমাঙগী থৌশিলশিংনা চহি ৯০ দা শুপ্নগী চাদা ৩০ খক মৈ ফংহনখি, অদুগা হৌজিক পাল্লিবা সরকার অসিনা শুপ্নগী চহি ১০ দা নেতৱার্ক শীনবা থুংনা মৈ ফংহন্দুনা মহৌশাগী অকোয়বদা চাউনা কান্নবা পীরে। চহি ১০ অসিদা ঐখোয়না মপুংফানা চাদা ১০০ মৈ ফংহল্লে, মসিনা মাইপাক্না মপান্দগী দিজেল লৈবদগী কনবা ঙম্লে।
তুংগী থাউশিংগী মতাংদা প্রধান মন্ত্রীনা হায়খি মদুদি ভারতনা লৈবাক অসিগী অহানবা মেদ-ইন-ইন্দিয়া হায়দ্রোজেন ত্রেন থবক হৌরে, মালেমদা খ্বাইদগী চাউবা অমসুং খ্বাইদগী মপাঙ্গল কনবা হায়দ্রোজেন ত্রেন পুথোক্লে। মালেমদা হায়দ্রোজেন ত্রেনগী লমদা, ভারতনা চাউথোকচনা অমসুং খোঙফম চেৎনা মসিগী ফিরাল য়ুংলে।
২০৪৭ গী চাউখৎপগী পান্দমশিং মাইকৈদা থেংনরিবা অৱাবা খোঙচৎ অমসুং কোবিদ-১৯ লাইচৎ অমসুং য়ুক্রেন অমসুং নোংচুপ এসিয়াগী মুক্নবগুম্বা মালেমগী তমথিরবা অৱাবশিংগী মতাংদা, প্রধান মন্ত্রীনা হায়খি ভারতনা অৱাবশিং মপুংফানা মায়োক্নবা ঙম্লে অমসুং মীওই খরনা অকিবশিং অমসুং তোকঙা শন্দোক্লি, মপুংফাবা শেম-শাবা অমসুং নিংশিংনা মাংজৌননা শেম-শাবদগী লৈবাক অসি নিংথিংনা তুংদু-লৈতাবনি। ঐখোয়গী ফজনা শেম-শারবা থৌরাংশিংনা অফবা ফলশিং পুরকপা লৈবাক অসিনা নাখৈ শেংনা উরে অমসুং ঙসি ঐখোয় মপুংফানা ঐখোয় ইশাগী শক্তিদা মপাঙ্গল লৈরে।
লৈবাক অসিগী লৌমীশিং মালেমগী অকনবা শেন-থুমগী অৱাবশিংদগী ঙাকথোক্নবা সরকারনা পায়খৎলিবা থবকশিংগী মতাংদা, প্রধান মন্ত্রীনা হায়খি মালেমগী ওইনা য়ুরিয়া বেগ অমদা লুপা ৩০০০ পীবা অদু লুপা ৩০০ দা ফংহন্নবা সরকারনা য়াম্লবা শেনফম পুথোক্লে অমসুং লুপা ৫০০০ হেনবা দি.এ.পি শুপ্নগী লুপা ১৩৫০ দা ফংহল্লে। ঙসি ফাওবদা, লৈবাক অসিগী লৌমীশিংদা ঐখোয়না নমদুনা অচৌবা পোৎলুমশিং পুহন্দ্রে, সরকারনা পোৎলুম অসি পুরি।
অত্মনির্ভরদা মমাঙদা নোক্নখিবা অদু য়ানিংদবা ফোঙদোক্লদুনা, প্রধান মন্ত্রীনা হায়খি লৈবাকশিংনা তঙাইফদবা রিছোর্সশিং খুৎলায় ওইনা শীজিন্নবগী অচৌবা মালেমগী অহোংবা অমা উবা ফংলে, হৌখিবা চহি ১০ দা লৈবাক অসিনা অৱাবা কয়া মায়োক্নবা ঙম্নবা থবক পায়খৎলে। অত্মনির্ভরগী মপাঙ্গল কল্লবা শক্তি পায়নবা করিগুম্বা ঐখোয়না অচুম্বা মাইকৈদা চঙশিনবা ঙমদ্রবদি, কমদৌনা ঐখোয়না অসিগুম্বা অচৌবা অৱাবশিং মায়োক্নবা ঙমগনি।
তংদু-লৈতাবা মীয়ামগী রাজনিতিগী অপাম্ব অমা অমসুং মপাঙ্গল কল্লবা গনতন্ত্র লৈবগীদমক লৈবাক অসি মালেমগী লৈবাকশিংনা ইকায়খুম্নবা হেনগৎলক্লিবা অসিগী মতাংদা, প্রধান মন্ত্রীনা হায়খি লৈবাক্কী তুংদু-লৈতাবা মশক খঙলকপা অসিনা ২০২৪ গী মতুংদা লৈবাক ৪০ রোমগা ফ্রি ত্রেদ এগ্রিমেন্তশিং খুৎয়েক পীনখ্রে, লৌউ-শিংউ, ঙা য়োকপা, তেক্সতাইলশিং অমসুং এম.এস.এম.ইশিংদা মপান্দা থাদোকপগী খুদোংচাবা কয়া ফংলে। ঙসিদি, ভারত মালেম শীনবা থুংনা য়াংনা অৱাংবা থাক্কী অয়াবা পীরবা অমসুং মপুংফানা ইকায়খুম্নরবা লৈবাক অমা ওইরে।
মালেমগী ললোন-ইতিক্কী য়াম্লবা খুদোংচাবশিং লৌনবা লৈবাক অসিগী উদ্যোগশিংদা তকশিল্লদুনা, প্রধান মন্ত্রীনা হায়খি মদুদি মগুন লৈবা অমসুং মমল হোংবদা মালেমগী থাকশিং য়ৌদুনা মালেমগী কৈথেলশিংদা মাঙজিল থানবা লুধিয়ানাদগী তিরুপুর ফাওবা অমসুং সমুদ্র মপানগী সিফুদ মফমশিং ফাওবা, ভারতকী পোৎথোকশিং মীয়াম্না পাম্নরে। মালেমগী লৈবাকশিংদগী ঐখোয়না হৌজিক ফংলিবা অসিদগী হেন্না ফবা অমসুং হেন্না হোংবা পোৎথোকশিং ঐখোয়না ফংহনগনি।
শেন-থুমগী লাল্লোংশিং অসিগা লৈবাক্কী পান্দমগা হকথেংননা মরী লৈনরিবা অসিগী মতাংদা, প্রধান মন্ত্রীনা হায়খি মদুদি মালেমদা মাঙজিল থানবা কন্না হোৎনরিবা অসিনা অকনবা য়ুম্ফম থোন্দুনা অচৌবা চাউখৎ-থৌরাংগী পান্দমশিং চেৎশীনহল্লে। ঐখোয়গী মীয়াম্না চাউথোকচনা উৎলিবা তৌবা ঙম্বা অসিদা বিকসিত ভারত অমগী পান্দম মরা লুনা তারে।
লৈবাক্কী থবক শুবগী চৎনবী, ৱাখল্লোন অমসুং য়াংনা থবক শুবদা অওনবা পুরক্নবা তকশিল্লদুনা, প্রধান মন্ত্রীনা হায়খি মদুদি হৌখিবা চহি কয়া পন্দুনা লৈরকপশিং চহি ৫-৭ দা লোইশিন্নবা অকনবা পান্দম অমা থম্লে, লৈবাক অসিগী থবক শুবা কোনবা মীওইশিংদা অচেৎপা থাজবা লৈরে। ঐগী লৈবাক্কী নহারোলশিংগী শক্তি, ইমাশিং, ইচলশিং, লৌমীশিং অমসুং শীন্মীশিংদা ঐনা থাজবা লৈরে অমসুং ঐখোয়না পুন্না অচৌবা মঙলান অসি মঙফাওনহন্নবা ঙমগনি।
লৈবাক ঙাকপদা অহোংবা পুরক্নবা সরকারনা পায়খৎলিবা থবকশিং অমুক হন্না পল্লদুনা, প্রধান মন্ত্রীনা হায়খি মপানগী ইথিলনা নমদুনা পাংথোকপগী মহুত্ত নুঙদা থাজবা লৈবদগী লৈবাক ঙাকপগী থবকশিংদা অহোংবশিং পুরকখিবনি, মথংগী অওনবশিং পুরক্নবা কেন্দ্র, রাজ্যশিং অমসুং খুন্নাই পুন্না থবক তৌমিন্নবা দরকার ওইরে। ঐখোয়গী অহোংবশিং অসি মপুংফানা থাজবা অমনি অমসুং লাক্লিবা নুমিৎ খরনিদা ঐখোয়না খর হেন্না অকনবা মওংদা মথংগী অওনবশিং পুরক্লগনি।
সাপ্ত সিন্ধুগী থায়নগী সভেত্যগী মপাঙ্গল পল্লদুনা, প্রধান মন্ত্রীনা হায়খি মদুদি মপাঙ্গল কল্লবা অনৌবা ঙাক্লৌ অমা শেম্লে অমসুং অওনবা সাপ্তধারা নত্ত্রগা সাপ্ত শক্তি অমা ফোঙদোক্তুনা ভারতকী মথংগী খোঙফম থাংজিন্নবা হোৎনবা হৌরে। পাঙ্গলগী ইচেল তরেৎ অসিনা নহারোলশিংগী তৌবা ঙম্বা মপুংফানা শীজিন্নগনি, লৈবাক অসি মমাংদা ওইখিদ্রিবা থাকশিংদা পুখৎকনি। ইচেল তরেৎকী লাল্লোংগী শক্তি অমসুং অকনবা তৌবা ঙম্বগা লোয়ননা, ঐখোয়না লৈবাক অসি অনৌবা থাক অমদা অমসুং অনৌবা খোঙজেল অমদা পুখৎকনি।
‘মেনুফেকচরিং পৱার’ অসি মরুওইবা অহানবা ইচেলনি হায়না মশক তাক্লদুনা, প্রধান মন্ত্রীনা হায়খি মদুদি অপীকপা মচাকশিং অমসুং লৈবাক অসিগী ভেলু চেনশিং শীনবা থুংনা পোৎথোকশিং অনিমক ফগৎহন্দুনা মেনুফেকচরিং সেক্তর ফগৎহন্নবা হোৎনগদবনি অমসুং অশোইবা পোৎ-চৈ পুথোক্তনবা, শেন চঙবা হন্থহন্নবা অমসুং মালেমগী থাক্ত মগুন লৈহন্নবা হোৎনগদবনি। দিজাইন্দগী হৌরগা মেনুফেকচরিং ফাওবদা, মালেমগী সপ্লাই চেন্দা ভারতনা শোইদনা থাজনিঙাই ওইরবা মরুপ অমা ওইগনি।
‘লৌউ-শিংউ অমসুং চীঞ্জাক পুথোকপা’ অসি অনিশুবা ইচেলনি হায়না মশক তাক্লদুনা, প্রধান মন্ত্রীনা হায়খি মদুদি কেমিকেল শীজিন্নদনা লৌউ-শিংউ পাংথোক্নবা লৈবাক শীনবা থুংনা থবক পায়খৎলে অমসুং লৌবুক্তগী হৌরগা মপান্দা থাদোক্নবা সপ্লাই চেনশিং পুনশিন্নবা থবক অমা পায়খৎকদবনি অমসুং ভারতকী মমাংঙৈগী চীঞ্জাকশিং মালেমগী কৈথেলশিংদা য়ৌহনগদবনি। ঐখোয়গী লৌউ-শিংউগী পোৎথোকশিং মালেমগী থাকশিং মাইপাক্না য়ৌগদবনি, মসিনা ঐখোয়না য়াম্না লাইনা মালেমগী কৈথেলশিং য়ৌবা অমসুং মালেমদা মাঙজিল থাবা ঙমগনি।
‘তেক্নোলোজি অমসুং ইন্নোবেসন’ অহুমশুবা ইচেলনি হায়না ফোঙদোক্লদুনা, প্রধান মন্ত্রীনা হায়খি মদুদি ভারতনা মালেমগী কৈথেল অমা ওইবদগী এ.আই, ক্বান্তম কম্পুতিং, স্পেস, রোবোতিক্স, দিজিতেল পব্লিক ইনফ্রাষ্ট্রকচর অমসুং মেদ-ইন-ইন্দিয়া ৬জিগুম্বা অৱাংবা থাক্কী হিরমশিংদা ইন্নোবেসনগী মফম অমা ওইনবা অহোংবা পুরক্কদবনি। মালেমগী মফম খুদিংমক্ত মেদ ইন ইন্দিয়া ৬ জি য়ৌহনবা ঐখোয়গী অচেৎপা পান্দম ওইগদবনি অমসুং ঐখোয়না মসিগীদমক খোঙজেল য়াংখৎহনগদবনি।
‘গতি শক্তি’ মরিশুবা ইচেলনি হায়না মশক তাক্লদুনা, প্রধান মন্ত্রীনা হায়খি মদুদি অয়াংবা রেলনা সহরশিং শম্নদুনা, অনৌবা হায়ৱেশিং, কংফালগী ঈশিং লম্বীশিং, এয়রপোর্তশিং অমসুং মল্তিমোদাল লোজিষ্টিক্সকী খুৎথাংদা অপনবা লৈতনা অমসুং য়াংনা চৎথোক-চৎশিন য়াহন্নবা প্রধান মন্ত্রীনা তকশিনখি। মহাক্না হায়খি মদুদি হিথাংফমশিং পোৎ-চৈশিং হাপকৎপা অমসুং লৌথবা খক ওইরোইদবনি অমসুং হিথাংফম্না লমজিংদুনা চাউখৎপা পুরক্কদবনি।
‘দিফেন্স শক্তি’ মঙাশুবা ইচেলনি হায়না তাক্লদুনা, প্রধান মন্ত্রীনা হায়খি মদুদি ঙাক-শেন্দা অত্মনির্ভর ওইনবা হোৎনবা হায়বসি শন্তাইনবা য়াদবা লৈবাক্কী মরুওইবনি। অনৌবা দিফেন্স তেক্নোলোজিশিং শেমগৎতুনা মালেমগী সপ্লাইয়ার অমা ওইরক্নবা মাইকৈদা ভারত চঙশিনগদবনি। দ্রোনশিং অমসুং কাউন্তর-দ্রোন সিষ্টেমশিং শেমগৎকদবনি অমসুং হায়পরসোনিক দিফেন্স তেক্নোলোজিশিংদা মাংজিল থাগদবনি।
প্রধান মন্ত্রীনা হায়খি মদুদদি লৈবাক্কী ঙাক-শেনগী তৎন-থানবা য়াদ্রবা শরুক অমা ওইনা সাইবর সেকুরিতিগী থবক পায়খৎলে। লৈবাক্কী দিজিতেলগী ঙমখৈশিং অমসুং মালেমগী সাইবরগী শরুকশিং অনিমক মপুংফানা ঙাক্নবা ভারতকী নহারোলশিংগী দিজিতেলগী তৌবা ঙম্বা শীজিন্নগদবনি। ভারত অমসুং মালেমগীদমক সাইবর সেকুরিতিগুম্বা হিরমশিংদা ভারতকী নহারোলশিংগী তৌবা ঙম্বশিং শীজিন্নগদবনি।
‘গ্রিন অমসুং ব্ল ইকোনোমি’ তরুকশুবা ইচেল ওইনা মশক তাক্লদুনা, প্রধান মন্ত্রীনা হায়খি মদুদি অইং-অশাগী খল হোংলকপগী মালেমগী অৱাবশিং কোকহনবা লৈবাক অমা ভারতনা ওইরে। গ্রিন হায়দ্রোজেন, রিন্যুএবল ইনর্জি, ইনর্জি ষ্টোরেজ, গ্রিন মোবিলিতি অমসুং গ্রিন মেনুফেকচরিংদা মালেমগী থাক্ত মাইপাকপা পুরক্নবা প্রধান মন্ত্রীনা তকশিনখি। ঙা য়োকপা, কোষ্টেল তুরিজম, ওসিন তেক্নোলোজি অমসুং ব্লু ইকোনোমিগী অতোপ্পা হিরমশিংদা ভারতকী সমুদ্র মপানশিংনা খুদোংচাবা কয়া পীরি। মালেমগী শাবা হেনগৎলকপগী মালেমগী লৈবাকশিংনা খন্ন-নৈবা মতমদা, ঐখোয়না লম্বীশিং অমসুং পাম্বৈশিং পীরি হায়না প্রধান মন্ত্রীনা ফোঙদোকখি।
ভারতকী ‘সোফ পৱার’ অরোইবা তরেৎশুবা ইচেলনি হায়না মশক তাক্লদুনা, প্রধান মন্ত্রীনা হায়খি য়োগ, অয়ুর্বেদ, অনা-লাইয়েং অমসুং ভারত্ত লাইয়েংবদা ভারতকী তৌবা ঙম্বশিং মালেমদা য়ৌহন্নবা হোৎনগদবনি। হেন্দিক্রাফশিং, নাৎ, ফিল্মশিং, ভি.এফ.এক্স, এনিমেসন, গেমিং অমসুং দিজিতেল কন্তেন্তগুম্বা হিরমশিংদা ভারতনা লৈবাক অসিগী তৌবা ঙম্বশিং মালেমদা উৎকদবনি হায়না মহাক্না ফোঙদোকখি।
ভারতকী লম্লক্কী শা-উচেকশিং অমসুং নেসনেল পার্কশিংগী শীজিন্নদনা লৈরিবা কান্নবশিংগী মতাংদা, প্রধান মন্ত্রীনা হায়খি মপানগী লমকোয়বা মীওইশিং হেন্না লাক্নবা, মালেমগী শান্নবগী থৌরমশিং অমসুং কন্সর্তশিং ভারত্ত পাংথোক্নবা হেন্না কন্নবা হোৎনবা দরকার ওইরি। সোফ পৱারগী খুৎথাংদা মালেমগী লমকোয়বা মীওইশিং পুক্নিং চিঙশিন্নবা ঐখোয়গী খুদোংচাবা কয়া লৈরি অমসুং ঐখোয়না চাউথোকচনা মালেমদা ঐখোয়গী তৌবা ঙম্বা উৎকদবনি।
শক্তি লৈরবা ইচেল তরেৎ অসিগী লাল্লোংশিং শমজিন্না পল্লদুনা, প্রধান মন্ত্রীনা হায়খি লৈবাক্কী পান্দমশিং ফংনবা অমসুং মালেমগী থাকশিং য়ৌবা ঙম্নবা মপুংফানা পুন্না থবক তৌমিন্নবা অমা দরকার ওই, নাইতোম ওইনা হিরম অমা চাউখৎহনবগী মহুত্ত হিরম খুদিংমক চাউখৎহনগদবনি। অচুম্বা থৌরাং অমগা লোয়ননা, লৈবাক্কীদমক ঐখোয়না থম্লিবা অচৌবা পান্দমগী মাইকৈদা ঐখোয়না অকনবা থবক পায়খৎকদবনি।
লৈবাক অসিগী কোর্পোরেতশিংগী পান্দমশিংদা শিংনরদুনা, মালেমগী রেঙ্কিংশিংদা ভারতনা মাংজিল থানবা প্রধান মন্ত্রীনা তকশিনখি। হেন্না চাউনা ৱাখল খন্নবা লৈবাক অসিদা তকশিল্লদুনা, লাক্লিবা চহি ১০ দা ফোর্চুন ৫০০ গী মনুংদা করিগীদমক ভারতকী কম্পেনি ৫০ য়াওরোইদৌরিবনো হায়না প্রধান মন্ত্রীনা হংখি। মহাক্না হায়খি মদুদি মালেমগী অচৌবা বেঙ্ক ৫ গী মনুংদা ভারতকী বেঙ্কশিং য়াওগদবনি অমসুং মালেমগী খ্বাইদগী চাউবা ফার্মা কম্পেনি মঙাগী মনুংদা ভারতকী হিদাক-লাংথক শুংবা কম্পেনি অমা নত্ত্রগা অনি য়াওগদবনি। ভারতকী লো ফার্মশিং, রেতিং এজেন্সিশিং, কন্সলতিং ফার্মশিং অমসুং একাউন্তিং ফার্মশিং মালেমগী অচৌবা ফার্মশিংগী মনুংদা য়াওগদবনি অমসুং ভারতকী তেক্নোলোজি কম্পেনিশিং মালেমগী লুচিংবশিং ওইগদবনি অমসুং ভারতকী ব্রান্দশিং লৈবাক অসি মশক তাকপা ব্রান্দশিং ওইগদবনি। লম্বী অসিদা, ঐখোয় থবক কন্না শুবা লেপ্লোইদবনি, ঐখোয়না শোইদনা বিকসিত ভারত অমগী মঙলান মঙফাওনগনি।
লৈবাক্কী অওনবা পুরকপদা নহারোলশিংনা ময়াইদা লৈরি হায়না ফোঙদোক্লদুনা, প্রধান মন্ত্রীনা হায়খি মদুদি ভারতকী নহারোলশিং য়াংনা চাউখৎলক্লিবা অসি মরুওইবা আর্কিতেকশিংনি অমসুং মপুংফানা কান্নবা ফংলবা মীওইশিংনি, বিকসিত ভারত অমগী মাইকৈদা চঙশিল্লিবা খোঙচৎ মখোয়গী ফিবম ফগৎহনবগা মরী লৈনগদবনি। ঐখোয়না নহারোলশিং মরুওইনা লৌদুনা ঐখোয়না বিকসিত ভারত অমগী পান্দম মাঙলোমদা পুখৎকদবনি।
হৌখিবা চহি ১০ দা ষ্টার্দঅপ লাখ ২.৫ রেজিষ্টার তৌদুনা লৈবাক অসিদা ষ্টার্দঅপকী থবক চাউখৎলক্লিবা অসিদা হরাওবা ফোঙদোক্লদুনা, প্রধান মন্ত্রীনা হায়খি মদুদি লুপা করোর লাখ ১ গী রিছার্স অমসুং ইন্নোবেসন ফন্দ অমা লিংখৎতুনা নহারোলশিংগী ফিবম ফগৎনবা থবক পায়খৎলে, দিজিতেল দেতা মমল হোংনা ফংহল্লে অমসুং স্কিল ইন্দিয়া, খেলো ইন্দিয়া, নেসনেল দ্রোন পোলিসি, লনাই কাংবু স্পেসতা শরুক য়াবা য়াওনা অকনবা ঙাক্লৌশিং লৈরে অমসুং চহি ৩৫ গী মতুংদা পুৱারি ওইরবা নেসনেল ইজুকেসন পোলিসি ২০২০ চৎনবা হৌরে। অদোম্না অচৌবা মঙলানশিং মঙলে, ঐখোয়না শেন-থুমগী মতেং পাংনবা থবক পায়খৎলে অমসুং শেন-থুমগী অৱাংৎপা অমতা লৈহল্লোই।
অফবা লাইরিক-লাইশুগী ইনফ্রাষ্ট্রকচর পাকথোক-চাউথোক্লিবা অসিগী মতাংদা, প্রধান মন্ত্রীনা হায়খি মদুদি খোঙজেল য়াংনা মহৈলোয়শঙশিং মশিং হেনগৎহল্লে, য়ুনিভর্সিতি ৩৫০ রোম লৈরম্বদগী য়ুনিভর্সিতি ১,০০০ রোম য়ৌরে অমসুং মেদিকেল কোলেজ ৪০০ দগী কোলেজ মশিং ৮৫০ রোম য়ৌরে, লোয়ননা অতল তিনকরিং লেব ১০,০০০ হেনবনা ইন্নোবেসনগী থবকশিং ফগৎহল্লে অমসুং নহারোলশিংনা লুচিংবা ওইবা ষ্টার্দপশিংনা মখোয়না অহানবা হোৎনবদা মাইপাক্না লনাই সেতল্লাইতশিং অমসুং রোক্কেতশিং থাগৎলে। অঙাং ওইরিঙৈদগী হৌনা ঐখোয়গী নহারোলশিংগী ৱাখল তেক্নোলোজিদা পুক্নিং চিংশিন্নবা মাইকৈদা ঐখোয়না অকনবা থবক পায়খৎলে।
নৌনা থোক্লকপা তেক্নোলোজিশিংদা মপুংফানা মালেমগী মাংজিল থানবা লাক্লিবা চহি অসিদা আর্তিফিসিএল ইন্তিলিজেন্স স্কিলশিংদা নহারোল করোর ১ ত্রেনিং পীরগনি হায়না লাল কিলাদগী প্রধান মন্ত্রীনা লাউথোকখ্রে। প্রধান মন্ত্রীনা হায়খি মদুদি এ.আইদা মালেমগী লুচিংবা ওইনবা ঐখোয়গী নহারোল করোর ১ দা এ.আই স্কিলশিংগী ত্রেনিং পীনবা ঐখোয়না অকনবা থবক পায়খৎলে।
অনৌবা হিরমশিংগী রিপোর্ত কার্দ অমা পুথোক্লদুনা, প্রধান মন্ত্রীনা হায়খি মদুদি ২০১৪ দা বাইওইকোনোমি লুপা করোর ৬০,০০০ ওইরম্বদগী ঙসি লুপা করোর লাখ ২০ রোম য়ৌদুনা শিংথাবা য়ানা চাউখৎলে, ইলেক্ত্রিক গারিশিং য়োনবা চহিদা লাখ ১.৫ খক ওইরম্বদগী লাখ ২৫ য়ৌরে। য়েংউ, থৌশিলশিং নাখৈ শেংবা মতমদা অমসুং পান্দমশিং নাখৈ শেংবা মতমদা, কমদৌনা ঐগী লৈবাক্কী নহারোলশিং মাইপাক্না থবক পাংথোকপা ঙম্বগে হায়বা।
খুঙ্গংগী লৈঙাক-সাশনগা লোয়ননা এভিএসন অমসুং এরোস্পেস সেক্তরশিং য়াংনা চাউখৎলক্লিবা অসি পল্লদুনা, প্রধান মন্ত্রীনা হায়খি মদুদি অনৌবা এয়রক্রাফ মেন্তেনেন্স হবশিংগী খুৎথাংদা থবক য়াম্না পীরে অমসুং ভারতনা শাবা সি-২৯৫ দিফেন্স ত্রান্সপোর্ত এয়রক্রাফ মাইপাক্না পাইরে, লোয়ননা ইমুং করোর ৩.২৫ গী খুঙ্গংগী শেন-থুমগী ফিবমদা লুপা করোর লাখ ১৪০ গী কান্নবা লৌনবা দ্রোন শীজিন্নবা লৌ অমসুং ইংখোল মেপ লৌনবা শ্বামিতভা স্কিম মাইপাক্না পাংথোক্লে। দ্রোনশিংনা মরম ওইদুনা লৌ অমসুং ইংখোল মেপ লৌনবা শ্বামিতভা স্কিম ফজনা মাইপাক্লে, তঙাইফদবা লোনশিং অমসুং ললোন-ইতিক্কীদমক লৌ অমসুং ইংখোলগী ভেলু শীজিন্নরে।
মিদল ক্লাস ইমুংশিংনা কম্পিতিতিপ একজামশিংগী শেন-থুমগী অৱাবশিং কোক্নবা অনৌবা থবক অমা লাউথোক্লদুনা, প্রধান মন্ত্রীনা হায়খি মদুদি লৈবাক শীনবা থুংবগী কম্পিতিতিপ একজামগী শেম-শানবা নেতৱার্ক অমগী খুৎথাংদা অফবা দিজিতেল পব্লিক ইনফ্রাষ্ট্রকচর অমসুং অফাওবা ওজাশিং শীজিন্নদুনা অৱাংবা থাক্কী তাকপী-তম্বীবা পাংথোক্নবা ফ্রি ওনলাইন কোচিং হৌদোক্লে। য়াম্লবা খুদোংচাবশিং অসি পুনশিন্দুনা, নহারোলশিংনা লেম্না কোচিং পীনবা অফবা নেতৱার্ক অমা ঐখোয়না শেমগৎলগনি।
তোপস স্কিম অমসুং খোলো ইন্দিয়াগুম্বা থবকশিংগী খুৎথাংদা মালেমগী শান্নবগী লমদা ভারতনা মাঙজিল থাবা হেনগৎলকপদা হরাওবা ফোঙদোক্লদুনা, প্রধান মন্ত্রীনা হায়খি মদুদি মালেমগী ফম্বাকশিংদা মচু অহুমগী ফিরাল পাইবা হেনগৎলক্লি, ২০৩০ কম্মনৱেল্থ গেসম পাংথোক্নবা লৈবাক অসিনা থৌরাং তৌরে অমসুং লৈবাক অসিদা ২০৩৬ ওলেম্পিক্স পাংথোক্নবা কন্না হোৎনরি। মালেমগী শান্নবগী থৌরমশিংদা ভারতনা ফজনা শান্নবা মখা তানা হেনগৎলক্লি অমসুং ওলেম্পিক্স য়ুম্বু ওইনবা অকনবা লাম্বা অমা ওইনা ঐখোয়না মাঙলোমদা চঙশিল্লি।
প্রধান মন্ত্রীনা হায়খি মদুদি চহি ৫ দগী চহি ১৫ ফাওবদা পান্দম থমদুনা লৈবাক শীনবা থুংনা অফবা শান্নরোয়শিং থিবগী থবক হৌদোক্লে। মালেমগী চাংদম্নবশিংগীদমক তুংগী ওলেম্পিক চেম্পিয়নশিংগী মাইথিবা পীবা ঙমদবা কাংবু অমা শেমগৎনবা, মশক খঙদোক্নবা অমসুং ত্রেনিং পীনবা খুঙ্গং অমসুং স্কুল খুদিংদা অকনবা লাল্লোং অমা পায়খৎলে। অঙাংশিংগী হৈথোই-শিংথোইবা উগনি অমসুং মখোয়দা অখন্নবা ত্রেনিং পীদুনা, মখোয় লৈবাক্কীদমক চাউথোকচনা শান্নবা মশক থোকপা শান্নরোয়শিং ঐখোয়না ওইহনগনি।
দ্রগ লান্না শীজিন্নবা অসি লৈবাক্কী অচৌবা অৱাবা ওইরিবা অসিগী মতাংদা, প্রধান মন্ত্রীনা হায়খি মদুদি তুংগী মীরোলশিংগী মপাঙ্গল ঙাক-শেন্নবা দ্রগ শীজিন্নদবা ভারত অমা ওইহনবা হায়বসি অপুনবগী থৌদাংনি। নশা মুক্ত ভারত- ইমুং খুদিংমক শরুক য়াগদবনি। দ্রগ লান্না শীজিন্নবা অসি ভারতকী নহারোলশিংগী অচৌবা অৱাবা অমনি। দ্রগ শীজিন্নদবা ভারত অমা ওইহনবা হায়বসি খুদিংমক্কী থৌদাংনি। মাই ভারত ভোলুন্তিয়ারশিং, এন.জি.ওশিং, মীয়ামগী লুপশিং অমসুং অধ্যাতিক্কী লুচিংবশিং য়াওনা চয়োল ১০০ গী নশা মুক্ত ভারত অভিয়ান পাংথোক্লে অমসুং ইমুং খুদিংমক অভিয়ান অসিদা শরুক য়াগদবনি অমসুং নশা মুক্ত ভারত অমগী মঙলান মঙফাওনবা ঙম্নবা মতেং পাংগদবনি।
চহি ৪০ হেনবগী হিংশাগী থবকশিংনা মীওই লাখ কয়াগী তুংগী মরাইবক মপুংফানা মাঙহনখিবা অদু পল্লদুনা, প্রধান মন্ত্রীনা হায়খি মদুদি সেকুরিতি পর্সোনেল ৩,৫০০ হেনবগী কৎথোকপা অদু ইকায়খুম্নবা উৎলি অমসুং নেক্সালিজম মপুংফানা মুৎথৎলে অমসুং হৌজিক লালহৌবগী ইরাং লমদম অমগী চাউখৎ-থৌরাংনা মপুংফানা মহুৎশীল্লে অমসুং লালহৌবগী ইরাং লৈত্রবা মফমশিংদা থাজবা মপুংফানা লৈরে। এক্সত্রিমিজম মপুংফানা লৈতবদগী, হৌজিক হায়রিবা মফমশিং অদু, মচু অহুমগী ফিরাল মপুংফানা পাইরে, থাজবা অমসুং থবক চাউথোকচনা পাইরি।
লৈবাক মনুংগী সেকুরিতিগী মতাংদা, প্রধান মন্ত্রীনা হায়খি মদুদি লৈবাক্কী থৌশিলশিংদা ইথিল পীনবা পুৱারিদগী হৌনা শক্তি পায়নবা হোৎনরিবা ফত্তবা মীওইশিংদগী মিকুপ নাহুম শিংনা লৈবাক অসিনা লৈগদবনি। মসিগী শিংনবা অসি ঐখোয়না লাইনা লৌরোইদবনি, হিরম অসিগী মতাংদা ঐখোয়না হেন্না চেকশিনবা দরকার ওইরে।
হিংশাগী থবকশিং পাংথোক্নবা খুদোংচাবশিং থিরিবা ৱাখল্লোন মান্দবা কা হেনবা মীওইশিংনা অকিবা পোকহল্লিবা অসি ফোঙদোক্লদুনা, প্রধান মন্ত্রীনা হায়খি মদুদি অপনবা পীরিবা মীওইশিং মশক খঙদোক্নবা অমসুং নাইতোম তাহন্নবা পুন্না থবক তৌমিন্নগদবনি। ঐখোয়না মপুংফানা ৱাখল্লোন মান্দবা কা হেনবা মীওইশিং মশক খঙদোক্কদবনি, মখোয় নাইতোম তাহনগদবনি অমসুং নহারোলশিং থৱায় য়াওনা জাতিগী ইচেলদা শরুক য়াহনগদবনি।
প্রধান মন্ত্রীনা হায়খি মদুদি অনৌবা যুগকী লাল্লোংদা লৈবাক অমগী মরুওইবা ইনফ্রাষ্ট্রকচরদা খুৎ থারবা মতম অসিদা লৈবাক অমগী ঙাক-শেনগী পান্দম অসি হোংলে। অচৌবা, অনৌবা অমসুং ভোলুন্তরি সিবিল দিফেন্স নেতৱার্ক অমা শেমগৎলে। লৈবাক ১০০ রোম হেনবদা দিফেন্স এক্সপোর্তশিং শরুক ৫০ হেনগৎলে। ঙসি ঐনা লাল কিলাদগী চাউথোকনা লাউথোক্লি মদুদি লাক্লিবা নুমিৎশিংদা ঐখোয়না অফবা অমসুং অনৌবা সিবিল দিফেন্স নেতৱার্ক অমা শেমগৎলগনি।
এভিএসন, ষ্টেম অমসুং এ.দি.এগী খুৎথাংদা আর্মদ ফোর্সশিংদা নৌনা লৈবাক অসি শেমগৎপদা নুপীশিংনা লৌরিবা থৌদাং শিংথারদুনা, প্রধান মন্ত্রীনা হায়খি খুঙ্গংগী নুপীশিংগী শেন-থুমগী ফিবম ফগৎলে, মপান লৈবাক্ত তেক্নিকেল ত্রেনিং পীরবা মতুংদা ত্রাইবেল নুপীমচাশিং অৱাংবা থাক্কী চিপশিং শাবা য়াওরে। লাখপতি দিদি করোর ৩ হেন্না শেমগৎতুনা খুঙ্গংগী নুপীশিংগী শেন-থুমগী ফিবম ফগৎলে। লাখপতি দিদি করোর ৬ হেন্না শেমগৎতুনা খুঙ্গংগী অওনবা পুরক্নবা পান্দম অমা থম্লি। ঙসি চিপ শাবগী অরুবা থবক পাংথোক্লিবা ইচানুপীশিং উবদা ঐ অপেনবা ফাওই।
মীয়ামগী মীহুৎশিং ওইনা থবক তৌরিবা মতিং লৈবী নুপীশিংগী লুচিংবগী গুন থাগৎলদুনা, প্রধান মন্ত্রীনা হায়খি নুপীশিং সিত খাকপা ঙম্নবা রাজনিতি দল খুদিংমক পুন্না চৎমিন্নগদবনি। লোক সভা অমসুং ষ্টেৎ এশেমব্লিশিংদা নুপীশিংগী সিত চাদা ৩৩ খাক্নবা রাজনিতি দল খুদিংমক্না থৌদাং লৌগদবনি অমসুং মসিনা ভারতকী থৌশিলশিং শেম্বদা মতেং পাংবা ঙমগনি। নুপী লুচিংবশিং ইকায়খুম্নবা উৎনবা লাক্লো, ঐগী ইমাশিং অমসুং ইচলশিংদা মখোয়গী ফংফম থোকপা হকশিং পীরসি।
হৌখিবা চহি ১০ দা সোসিএল সেকুরিতি পীবা অঙকপা ফংনা হেনগৎলক্লিবা অসি পল্লদুনা, প্রধান মন্ত্রীনা হায়খি মদুদি সরকারগী য়াইফ থৌরাংশিংনা হৌজিক মীওই করোর ১০০ রোম কোনশিল্লে, মসি ২০১৪ গী মমাংদা শুপ্নগী কোরোর ২৫ লৈরম্বা অদুদগী হেনগৎলকপনি। খ্বাইদগী লায়রবা মীওইশিংদা চাউখৎপগী কান্নবা ফংলবা মতমদা বিকসিত ভারত অমগী মঙলান মপুংফানা মঙফাওনবা ঙমগনি।
অকনবা য়াইফ থৌরাংগী থবকশিংনা পুন্সিদা অচৌবা অহোংবশিং পুরকখিবা অদু পল্লদুনা, প্রধান মন্ত্রীনা হায়খি, অয়ুস্মান ভারতনা চহি ৭০ হেল্লবা অহলশিংদা লুপা লাখ ৫ ফাওবগী লেম্না লাইয়েংবগী খুদোংচাবা ফংহল্লে অমসুং লায়রবা অমসুং মিদল-ক্লাস ইমুংশিং মেদিকেল বিলশিংদগী লুপা করোর লাখ ২ ফাওবা কনবা ঙম্লে। হেল্থ কার্দ অসিদগী, ঐগী লায়রবা অমসুং মিদল-ক্লাস ইমুংশিং হিদাক-লাংথকশিং অমসুং ওপরেসনশিংগীদমক য়াম্লবা শেনফমশিং কনবা ঙম্লে।
প্রধান মন্ত্রীনা হায়খি মদুদি হৌজিক ভারতকী অহানবা দিজিতেল সেন্সস পাংথোক্লি। মোবাইল ফোনশিংগী খুৎথাংদা ইমুংশিং অমসুং নহারোলশিংনা দিজিতেল সেল্ফ-রেজিষ্ট্রেসন পাংথোক্কদবনি। মীকোক থিবদা নহারোলশিংনা লমজিংদুনা শরুক য়াগদবনি। থৌশিলশিং, স্কিমশিং অমসুং লৈবাক্কী তুংগী শেম-শাবদা চপ চাবা ই-পাউ দরকার ওই। হৌজিক পাংথোক্লিবা মীকোক থিবদা মখোয়গী ইমুংশিং নহারোলশিংনা মতেং পাংগদবনি। নহারোলশিংনা মখোয়গী ইমুংশিংগা ফম্মিন্নগদবনি, ফোর্ম মশক খঙদবনি অমসুং অচুম্বা পাউ পীগদবনি অমসুং মীকোক থিবগী থবক থৱায় য়াওনা শরুক য়াগদবনি অমসুং মসিনা লৈবাক অসি য়াংনা মাঙলোমদা চঙশিনবদা মতেং পাংগনি।
মহাক্কী নিংতম্বা নুমিৎকী ৱারোল লোইশিল্লকপদা পঞ্চ প্রান অমুক হন্না পল্লদুনা, প্রধান মন্ত্রীনা হায়খি মদুদি লনাইদগী লৈবাক্না হেন্না লুম্মী। থৌদাংনা ঐখোয় মশক তাক্কদবনি। মীয়াম্না মীনাই ওইবগী ৱাখল্লোন থাদোক্কদবনি অমসুং লনাই থবক্তগী লৈবাক্কী থবক্না হেন্না মরুওইনা লৌনবা অমসুং থৌদাং পাংথোকপনা ঐখোয়গী শক্তম ওইনবা অমুক হন্না ৱারেপ লৌগদবনি। বিকসিত ভারতকী মাইকৈদা লৈবাক অসি অপুনবা থবক পাংথোক্নবা হোৎনগদবনি। মতম, খুদোংচাবা অমসুং ৱাশক অসি ভারতকীনি। মীয়াম্না মঙলানশিং ৱাশক ওন্থোক্কদবনি, ৱাশক্না মপাঙ্গল ওইহনগদবনি অমসুং মপাঙ্গল অসিনা মাইপাকপা ওইহনগদবনি, খোঙথাং খুদিংমক চাউখৎপগী মাইকৈদা থাংজিনগদবনি, বিকসিত ভারত অমা শেমগৎনবা পুন্না চঙশিনগদবনি।
***
(रिलीज़ आईडी: 2300242)
आगंतुक पटल : 12
इस विज्ञप्ति को इन भाषाओं में पढ़ें:
Gujarati
,
Telugu
,
Kannada
,
Malayalam
,
Assamese
,
Bengali
,
Bengali-TR
,
English
,
Urdu
,
Marathi
,
हिन्दी
,
Punjabi
,
Tamil