প্রধানমন্ত্রীগী লোইশঙ
প্রধান মন্ত্রীনা পার্তিসন হোরর্স রিমেমব্রেন্স দেনা লাকপদা পার্তিসননা পীবা চৈথেং নংখ্রবশিংগী থৌনা নীংশিংখ্রে
পি.এম.না কন্না হোৎনবা অমসুং মীওইবগী পান্দম ফংনবা হোৎনবগী শক্তি উৎলিবা সংস্কৃৎ সুভাশিতম শিয়র তৌখ্রে
प्रविष्टि तिथि:
14 AUG 2026 8:57AM by PIB Imphal
প্রধান মন্ত্রী শ্রী নরেন্দ্র মোদীনা ঙসি হায়খি মদুদি ঐখোয়না পার্তিসন হোরর্স রিমেমব্রেন্স দে পাংথোকপা মতমদা, পার্তিসননা পীবা চৈথেং নংখ্রবা মীওই পুম্নমক্কী থৌনা অদু ঐখোয়না নীংশিংলি। মহাক্না হায়খি মদুদি পুন্সি কয়া অমা শেৎনা-খাইনখিবা, ইমুং কয়া অমা মরু ফংনা মুথৎখিবা, নুংশিজবা কয়া অমা লৈখিদবা, অমসুং চাউনা অৱাবা খাংখিবা পুৱারীগী তাঙ্কক অমা ওইখি।
প্রধান মন্ত্রীনা হায়খি মদুদি মতম অমত্তদা, মসি মায়োক্নদুনা, মীয়াম্না মখোয়গী পুন্সিশিং অসি মকোক্তগী অমুক হন্না শেমগৎখি, অৱাবা অসি মাইপাকপদা ওন্থোকখি, অমসুং ঐখোয়গী লৈবাক্কী চাউখৎপদা চাউনা মতেং পাংখি। মখোয়গী পুন্সিগী খোঙচৎনা ঐখোয়দা মীওইবগী ৱাখল্লোনগী মপাঙ্গল অদু নীংশিংহল্লি হায়না মহাক্না ফোংদোকখি। শ্রী মোদীনা হায়খি ঙসিগী নুমিৎ অসিনা ঐখোয়গী লৈবাক অসিদা নুংশি-চান্নবা অমসুং অমত্তা ওইবগী মগুন অসি মপাঙ্গল কনখৎহন্নবা ঐখোয়গী ৱারেপ অদু মপাঙ্গল কনখৎহন্নবা অমসুং বিক্সিৎ ভারত অমা শেমগৎনবা পুন্না থবক তৌমিন্নবা য়াই।
অৱাবা তারবা মতম অদুদগী লৈবাক অসিগী চাউখৎ থৌরাংদা মমল য়াম্লবা থৌদাং লৌখিবা লৈবাক মীয়াম পুম্নমকপু প্রধান মন্ত্রীনা থম্মোয় শেংনা ইকায় খুম্নবা উৎখি। মখোয়গী থৌনা অমসুং মতিক-ময়াইগী খুত্থাংদা মখোয়না মতৌ করম্না অৱাবা ফিভমদা লৈরবসু ৱারেপশিং অদু পাংথোকপা ঙম্বগে হায়বদু উৎলে হায়না মহাক্না ফোংদোকখি। শ্রী মোদীনা মীপুম খুদিংমকপু অফবা অমসুং অমত্তা ওইনা লৈনবগী জাতিগী ৱাখল্লোন অসি হেন্না মপাঙ্গল কনখৎহন্নবা হায়খি।
সুভাশিতম অমা শিয়র তৌরদুনা, প্রধান মন্ত্রীনা অকনবা থবক, ইন্তরপ্রাইজ, অমসুং অচেৎপা হোৎনবা অসিনা তোঙান তোঙানবা কলা, সাইন্স, তেক্নোলোজিকেল স্কিল, ক্রাফতস্কীপ, অমসুং ইন্নোবেসনশিং অসি মায় পাকপগী লম্বী য়াৎলি হায়না অকনবা ৱাফম থমখি। মহাক্না মহা তারদুনা হায়খি মদুদি মরম অদুনা, মী অমনা লাইবক্কী মখা পোনবা তৌরোইদবনি; মসিগী মহুত্তা, মী অমনা থৌনা, চিকশিন্না অমসুং লেপ্পা লৈতনা মাগী পান্দমগী মায়কৈদা লেপ্পা লৈতনা চংশিনগদবনি, মরমদি মীওইবগী হোৎনবনা লাইবক লেপ্পা ঙম্মী হায়না মহাক্না হায়খি।
এক্সতা পোস্তশিং মথং-মথং তৌরদুনা প্রধান মন্ত্রীনা ইখি;
“ঙসি ঐখোয়না #PartitionHorrorsRemembranceDay পাংথোক্লি। ঐখোয়না পার্তিসননা শোকহল্লবা মীওই পুম্নমক্কী থৌনা অদু নীংশিংলি। পুন্সি কয়া অমা শেৎনা-খাইনখিবা… ইমুং কয়া অমা মরু ফংনা মুথৎখিবা, নুংশিজবা কয়া অমা লৈখিদবা, অমসুং চাউনা অৱাবা খাংখিবা পুৱারীগী তাঙ্কক অমা ওইখি।
মসিগা লোয়ননা, মসি মায়োক্নদুনা, মীওইশিংনা মখোয়গী পুন্সিশিং অসি মকোক্তগী হৌরগা অমুক হন্না শেমগৎখি, অৱাবা অসি মাইপাকপদা ওন্থোকখি অমসুং ঐখোয়গী লৈবাক্কী চাউখৎপদা চাউনা মতেং পাংখি। মখোয়গী পুন্সিগী খোঙচৎ অসিনা ঐখোয়দা মীওইবগী ৱাখল্লোনগী মপাঙ্গল অদু নীংশিংহল্লি।
ঙসিগী নুমিৎ অসিনা ঐখোয়গী লৈবাক অসিদা নুংশি-চান্নবা অমসুং ইচিল-ইনাও ওইবগী ঐখোয়গী ৱারেপ অদু হেন্না চেৎশিলহল্লকপা ওইরসনু অমসুং বিক্সিৎ ভারত অমা শেমগৎনবা পুন্না হোৎনমিন্নসি।”
“পার্তিসন হোরর্স রিমেমব্রেন্স দেদা, ঐহাক্না অৱাবা মতম অদুদগী থোরকখিবা অমসুং লৈবাক্কী চাউখৎপদা মমল য়াম্লবা থৌদাং লৌখিবা ঐহাক্কী ইরৈবাকচা পুম্নমক্তা থম্মোয় শেংনা ইকায় খুম্নবা উৎচরি। মখোয়গী থৌনা অমসুং মপাঙ্গলগী খুত্থাংদা মখোয়না মতৌ করম্না অৱাবা ফিভমদা লৈরবসু মখোয়গী ৱারেপশিং অদু মপুং ফাহনবা ঙমবগে হায়বদু উৎখি। ঐখোয়না লৈবাক অসিগী অপুনবা অমসুং অমত্তা ওইবগী ৱাখল্লোন অসি মখা তানা চেৎশিলহল্লসি।
उद्यमस्य प्रसादेन दृश्यन्ते विविधाः कलाः।
कातरा एव जल्पन्ति यद् भाव्यं तद् भविष्यति॥”
কন্না হোৎনবগী খুত্থাংদা, এন্তর্প্রাইজ অমসুং কত্থোক্তুনা হোৎনবনা তোঙান তোঙানবা আর্ত, সাইন্স, তেক্নোলোজিকেল স্কিলশিং, ক্রাফমেনশিপ অমসুং ইন্নোবেসনশিং অসি মাই পাকপগী লম্বী য়াৎলি। মরম অদুনা, মী অমনা লাইবক্কী মখা পোল্লোইদবনি; মদুগী মহুত্তা, মী অমনা থৌনা, চেকশিন্না অমসুং লেপ্পা লৈতনা হোৎনদুনা মহাক্কী পান্দমগী মায়কৈদা লেপ্পা লৈতনা চংশিনগদবনি, মরমদি মীওইবগী হোৎনবনা অশেংবা লাইবক লেপ্পী।
***
(रिलीज़ आईडी: 2299366)
आगंतुक पटल : 7
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam