మహిళా సాధికారతపై స్టాండింగ్ కమిటీ-2026 ఇచ్చిన నివేదిక మేరకు సైబర్‌శక్తి కార్యక్రమ విస్తరణను ప్రభుత్వం పరిగణలోకి తీసుకుంది. మహిళా ప్రభుత్వ ఉద్యోగుల్లో సైబర్ భద్రతా అవగాహనను పెంపొందించటం, సైబర్ భద్రతా నైపుణ్యాలను బలోపేతం చేసేందుకు అక్టోబర్ 2024 నుంచి రెండేళ్ల కాలపరిమితితో ఈ కార్యక్రమానికి ఆమోదం లభించింది. సైబర్ భద్రతపై పనిచేసే వర్కింగ్ గ్రూప్... మే 2026లో ఈ ప్రాజెక్టు రెండో దశను సిఫార్సు చేసింది.

2024లో ప్రారంభమైనప్పటి నుంచి సైబర్‌శక్తి కార్యక్రమం ద్వారా మహిళా పోలీసు అధికారులు, సైబర్ విభాగ సిబ్బంది, సైబర్ క్రైం బాధితులతో వ్యవహరించే మహిళా పోలీసు అధికారులతో సహా మొత్తం 978 మంది మహిళా ప్రభుత్వ ఉద్యోగులు శిక్షణ పొందారు. ఈ శిక్షణ కార్యక్రమం ద్వారా రెండు వారాల పాటు ఆన్‌లైన్ (వీఐఎల్‌టీ) విధానం, వారం రోజుల పాటు ఆఫ్‌లైన్ తరగతులు నిర్వహించారు. రాష్ట్రాలు, కేంద్ర పాలిత ప్రాంతాల వారీగా సైబర్‌శక్తి కార్యక్రమం ద్వారా శిక్షణ పొందిన మహిళా ప్రభుత్వ అధికారుల వివరాలు ఇలా ఉన్నాయి.

శిక్షణ కార్యక్రమాలతో పాటు సైబర్ భద్రత ప్రాముఖ్యతపై మహిళల్లో అవగాహన కల్పించేందుకు నిర్వహించిన వెబినార్లలో 573 మంది మహిళలు పాల్గొన్నారు.

ఈ సమాచారాన్ని 07.08.2026న కేంద్ర ఎలక్ట్రానిక్స్, సమాచార సాంకేతికశాఖ సహాయమంత్రి శ్రీ జితిన్ ప్రసాద రాజ్యసభకు అందించారు.

***