দোমেস্তিক কন্তেনর মেন্যুফেকচরিংগীদমক মথৌ তাবা

ঙসিদি মালেমগী ললোন-ইতিক অসি কন্তেনরাইজ তৌরবা লোজিস্তিক্সনা শাহৌ পীবা হেনগৎলক্লি। য়ুনাইতেদ নেসন্স কনফরেন্স ওন ত্রেদ এন্দ দিবেলপমেন্ত (য়ু.এন.সি.তি.এ.দি.) গী মতুং ইন্না, ভোল্যুমগী ওইনা য়েংবদা মালেমগী পোৎলমগী ত্রেদকী চাউরাক্না ৮০%দি সমুদ্রগী লম্বীদা পুথোক পুশিন তৌই। মেরিতাইম ত্রান্সপোর্ত অসিনা ইন্তর্নেস্নেল কম্মর্সকী মপুং ওইবা শক্তম ওইরি। অদুগা, কন্তেনরাইজ তৌরবা কার্গোনা মালেমগী ওইবা ললোন-ইতিক্কী ভেল্যুগী শরুক অহুম থোকপগী অনিরোম ওইরি। হায়রিবা ত্রেন্দশিং অসিনা মালেমগী সপ্লাই চেনশিংদা মতেং পাংবদা ইফিসেন্ত কন্তেনর লোজিতিক্সকী স্ত্রেতেজিক ওইবা মরুওইবা অদু উৎলি।

হৌখিবা চহিশিংদা, জিওপোলিতিকেল তেন্সনশিং, সপ্লাই চেনগী অৱাবা অমসুং শিপ্পিং রুতশিং হোংবনা মালেমগী পোৎলমশিংগী লম্বীদা খুদোংচাদবশিং থোকহল্লে। য়ু.এন.সি.তি.এ.দি.না উবা ফংলি মদুদি হায়রিবা অশোয়বা অসিনা ফ্রেৎ রেৎকী চাং হোংলকপা অমসুং সমুদ্রগী ত্রান্সপোর্ত নেৎৱার্কশিংদা প্রেসর হেনগৎহল্লি। মসিনা মরম ওইদুনা, লৈবাক কয়ানা শিপ্পিং কন্তেনরশিং য়াওনা মরুওইবা লোজিস্তিক্স এসেৎশিংগীদমক্তা দোমেস্তিক মেন্যুফেকচরিং কেপাসিতী হেনগৎহনবদা অহেনবা মীৎয়েং চংলি।

মালেমগী মেন্যুফেকচরিং অমসুং ইন্তর্নেস্নেল ত্রেদতা ভারতকী চাউখৎলক্লিবা থৌদাং অসিনা কন্তেনরাইজ কার্গো মুভমেন্তকী দিমান্দ হেনগৎহল্লে। অদুম ওইনমক, এক্সপোর্ত-ইমপোর্ত (এক্সিম) ত্রেদ অমসুং লোজিস্তিক্সকী খোঙজেল য়াংনা চাউখৎলক্লবসু, ভারতনা মরুওইনা ইম্পোর্ত তৌরবা অহাংবা কন্তেনরশিংদা মখা পোল্লি। ভারতনা চহি খুদিংগী দোমেস্তিক দিমান্দ ফংহন্নবা অমসুং রিপোজিসন তৌনবগীদমক্তা কন্তেনর মশিং মিলিয়ন ২ রোম ইমপোর্ত তৌই। মসিনা কন্তেনর এভাইলেবিলিতী অসিবু মালেমগী কৈথেলগী অকা-অকুম তৌবা, ফ্রেৎ ভোলেতিলিতী অমসুং সপ্লাই চেন থিংজিল্লকপগী খুদোংচাদবা থেংনহল্লি।

অসুম্না থোক্লক্লিবা শীংনবশিং অসি খঙলদুনা সরকারনা কন্তেনর মেন্যুফেকচরিং এসিস্তেন্স স্কিম (সি.এম.এ.এস.) লাউথোকখি। মসিনা ভারত্তা মালেমগী থাক্তা কম্পিতিতিব ওইবা কন্তেনর মেন্যুফেকচরিং ইকোসিস্তেম অমা শেমগৎনবা পান্দম থম্লি। মসিনা দোমেস্তিক মেন্যুফেকচরিং প্রমোৎ তৌগনি অমসুং ভেল্যু চেন পুম্বদা ইনভেস্তমেন্ত পুক্নিং থৌগৎকনি। ইনিসিএতিব অসিনা ইম্পোর্তকী মখা পোনবা হন্থহন্নবা অমসুং সপ্লাই চেনগী রেসিলিয়েন্স হেনগৎহন্নবা হোৎনরি। মখা তানা, মসিনা মেক ইন ইন্দিয়া, মেরিতাইম অমৃত কাল ভিজন ২০৪৭ অমসুং মল্তি-মোদেল লোজিস্তিক্স দিবেলপমেন্তকী মখাদা সরকারনা পায়খৎলিবা থবকশিংবু মপুং ফাহল্লি। মসিনা ভারতকী মতম শাংনা চৎথগদবা মেরিতাইম অমসুং ত্রেদ এম্বিসনশিংদা মতেং পাংলি।

কন্তেনর মেন্যুফেকচরিং এসিস্তেন্স স্কিম (সি.এম.এ.এস.) অসি করিনো?

সি.এম.এ.এস. অসি ২০২৬-২৭কী য়ুনিয়ন বজেৎতা লাউথোকখি। মসিনা শেল-থুম অমসুং ইন্সতিত্যুস্নেল সপোর্তকী খুত্থাংদা কম্পিতিতিব ওইবা দোমেস্তিক কন্তেনর মেন্যুফেকচরিং ইন্দস্ত্রী অমা শেমগৎনবা পান্দম থম্লিবা খোঙথাং অমনি।

চহি মঙাদা লুপা করোর ১০,০০০গী শেনফমগা লোয়ননা, প্রোপোজ তৌরিবা স্কিম অসিনা অনৌবা মেন্যুফেকচরিং ফেসিলিতীশিং লিংখৎপা অমসুং হৌজিক লৈরিবা য়ুনিৎশিং পাকথোক চাউথোকহনবদা মতেং পাংগনি। মসিনা শিপ্পিং কন্তেনরশিংগীদমক্তা ভারতকী হেনগৎলক্লিবা দিমান্দ অদু ফংহন্নবা মেন্যুফেকচরিং কেপাসিতী হেনগৎহন্নবা পান্দমসু থম্লি।

খোঙথাং অসিনা হৌজিক লৈরিবা কন্তেনর পুথোকপা ঙম্বগী চাংদগী চহিগী ওইনা শরুক ১০ রোম হেনগৎতুনা ত্বেন্তী-ফুত ইক্বিভেলেন্ত য়ুনিৎ (তি.ই.য়ু.) লাখ ৭.৫ ফাওবগী চহিগী দোমেস্তিক মেন্যুফেকচরিং কেপাসিতী অমা পুথোক্নবা পান্দম থম্মি। মসিদগী লুপা করোর লাখ ৮০০০০ রোমগী কৈথেলগী খুদোংচাবা অমা ফংলগনি হায়না পানরি। মসিনা ভারতপু মালেমগী থাক্তা চাংদম্নবা ঙম্বা শিপ্পিং কন্তেনরশিংগী থাজবা য়াবা প্রদ্যুসর অমা ওইহল্লগনি।

কন্তেনর মেন্যুফেকচরিং ভেল্যু চেন মপাঙ্গল কনখৎহন্নবা, স্কিম অসিনা মখাদা পীরিবা অদুদি:

• গ্রীনফিল্দ মেন্যুফেকচরিং ফেসিলিতীশিং লিংখৎনবা কেপিতেল এসিস্তেন্সন।
• হৌজিক লৈরিবা ব্রাউনফিল্দ মেন্যুফেকচরিং য়ুনিৎশিং পাকথোক চাউথোকহন্নবগীদমক সপোর্ত
• দোমেস্তিক কন্তেনর মেন্যুফেকচরিংগী কম্পিতিতিবনেস ফগৎহন্নবা ওপরেস্নেল সপোর্ত
• তেস্তিং ইনফ্রাস্ত্রকচর, স্কিলিং ইনিসিয়েতিবশিং অমসুং কেপাসিতী বিল্দিংদা মতেং পীবা

ইন্তিগ্রেতেদ মেরিতাইম ইকোসিস্তেম অমা শেমগৎলি

সি.এম.এ.এস. অসি ইন্তিগ্রেতেদ, দোমেস্তিকেল্লী এঙ্কর কন্তেনর ইকোসিস্তেম অমা শেমগৎনবা পাক চাউবা থৌরাং অমগী ইলিমেন্ত অমনি। ২০২৬কী ফেব্রুৱারীদা, পোর্তস, শিপ্পিং অমসুং ৱাতরৱেজ মন্ত্রালয়না ভারত কন্তেনর শিপ্পিং লাইন (বি.সি.এস.এল.) লিংখৎনবা এম.ও.য়ু. অমা খুৎয়েক পীনখি। মসিনা শিপ্পিং কোর্পোরেসন ওফ ইন্দিয়া (এস.সি.আই.), কন্তেনর কোর্পোরেসন ওফ ইন্দিয়া (কোনকোর), জৱাহরলাল নেহরু পোর্ত ওথোরিতী, ভি.ও. চিদাম্বরনর পোর্ত ওথোরিতী (ভি.ও.সি.পি.এ.) অমসুং সাগরমালা ফাইনান্স কোর্পোরেসন লিমিতেদ (এস.এফ.এম.সি.এল.) অসি অমত্তা ওইনা পুলহল্লি। ইনিসিএতিব অসিনা তোঙান তোঙানবা সাইজগী কন্তেনর ভেসেল ৫১গী ফ্লিৎ দিবেলপমেন্ত অমসুং দোমেস্তিক কন্তেনর প্রোক্যুরমেন্তদা চাউরাক্না লুপা করোর ৯৯,১৪৯গী ইনবেস্তমেন্ত তৌনবা পান্দম থম্লি।

কোওর্দিনেৎ এপ্লোচ অসিনা সরকারগী পাক চাউবা লোজিস্তিক্সকী খোঙথাংশিংবু মপুং ফাহল্লি। মসিগী মনুংদা মখাদা পীরিবশিং অসি য়াওই:

• ·পোর্তশিং, রেলৱেজ, হায়ৱেজ অমসুং ইন্দস্ত্রীএল সেন্তরশিংগী মরক্তা কনেক্তিবিতী হেবগৎহন্নবা পি.এম. গতী শক্তি;
• ওপরেস্নেল ইফিসিএন্সীদা মতেং পাংনবা নেস্নেল লোজিস্তিক্স পোলিসী; অমসুং
• পোর্ত-লিদ দিবেলপমেন্ত প্রমোৎ তৌনবা সাগরমালা প্রোগ্রাম।

খোঙথাংশিং অসিনা ভারতকী হেনগৎলক্লিবা ললোন-ইতিক্কী ভোল্যুমগীদমক রেসিলেন্ত অমসুং ইন্তিগ্রেতেদ লোজিস্তিক নেতৱার্ক অমা শৌগৎলি।

থবক অমসুং মেন্যূফেকচরিংগী খুদোংচাবশিং

লোজিস্তিক্সকী রেসিলেন্স হেনগৎহনবতা নত্তনা, সি.এম.এ.এস.না অচৌবা থবক পীবা অমসুং ইন্দস্ত্রীগী চাউখৎপা পুক্নিং থৌগৎকনি হায়না পানরি।

মসিনা কন্তেনর মেন্যুফেকচরিং অমসুং মরী লৈনবা ইন্দস্ত্রীশিংদা হকথেংননা থবক ৩,০০০ অমসুং নাকোইননা থবক ৫০,০০০ হেন্না ফংহন্নবগী পোতেন্সিএল লৈ।

ইনিসিএতিব অসিনা মখাদা পীরিবশিং অসি য়াওনা এন্সিল্লরী ইন্দস্ত্রী কয়াদা গ্রোথ কেতালাইজ তৌগনি হায়নসু পান্দম থম্লি:

• কোর্নর কাস্তিং
• উগী ফ্রেমশিং
• কোর্তেন স্তীল

নৌনা খুমাং চাউশিনবা অমসুং ইন্দস্ত্রী রেস্পোন্স

২০২৬গী জুলাই থাদা, ভারতনা মালেমগী শিপ্পিং কম্পেনী, এ.পি. মোল্লর-মের্স্ককীদমক মাগী অহানবা ভারত্তা শাজবা এক্সপোর্ত-ইম্পোর্ত (এক্সিম) শিপ্পিং কন্তেনর রোল আউৎ তৌবগা লোয়ননা মেরিতাইম মেন্যুফেকচরিংদা অচৌবা মায় পাকপা অমা ফংবা ঙমখি। কন্তেনর অসি উত্তর প্রদেশকী দাদ্রিদা লৈবা মের্স্কনকোর ইনলেন্দ কন্তেনর দিপোৎতা উরেপ উয়ুং তমখ্রে।

কন্তেনর অসি ইন্তর্নেস্নেল ওইনা শকখঙনরবা আই.এস.ও. স্তেন্দর্দশিং অমসুং ইন্তর্নেস্নেল কনভেন্সন ফোর সেফ কন্তেনরশিং (সি.এস.সি.) গী মতুং ইন্না পুথোকখ্রে। মসিনা মালেমগী শিপ্পিং নেৎৱার্কশিংদা শিজিন্নবদা মতিক চাবা ওইহল্লি। রোল আউৎ অসিনা মালেমগী থাক্তা চৎনবা য়াবা শিপ্পিং কন্তেনরশিং পুথোকপা ঙম্বগী ভারতকী তৌবা ঙম্বগী মতিক অদু উৎলি।

অতোপ্পা মশক থোকপা মাইলস্তোন অমা হায়রগদি দি.সি.এম. শ্রীরাম গ্রুপকা লোয়ননা মের্স্কনা মেদ-ইন-ইন্দিয়াগী অহেনবা শিপ্পিং কন্তেনর ১০০০গী ওর্দর পীখিবনি। ওর্দর অসিনা ভারতকী হৌগৎলক্লিবা মেন্যুফেকচরিং কেপাসিতীগী অঙনবা মতমগী কম্মর্সিএল এন্দোর্সমেন্ত অমা উৎলি। মসিনা ভারতনা অৱাংবা থাক্কী শিপ্পিং কন্তেনরশিং পুথোকপা ঙম্বদা মালেমগী শিপ্পিং কম্পেনীশিংগী মরক্তা থাজবা হেনগৎলক্লিবা অদুসু তাক্লি।

অসিগুম্বা চাউখৎ-থৌরাং অসিনা সরকারগী পোলিসী ইন্তরভেন্সনশিং অসি কম্মর্সিএল ওইবা মহৈ ওইনা ওন্থোকপা হৌরে হায়বা তাক্লি। মখোয়না মালেমগী মেরিতাইম ভেল্যু চেনগী মনুংদা মরুওইবা মেন্যুফেকচরিং হব অমা ওইনা থোরক্নবা ভারতকী এম্বিসনসু মপাঙ্গল কনখৎহল্লি।

হেন্না পাকচাউবা মেরিতাইমগী অওনবগী শরুক অমা

সি.এম.এ.এস. অসি ভারতকী মেরিতাইম সেক্তর মপাঙ্গল কনখৎহন্নবা রিফোর্মশিংগী পাক চাউরবা সেৎকী শরুক অমনি। দোমেস্তিক কন্তেনর প্রদক্সন প্রমোৎ তৌবগা লোয়ননা সরকারনা লেজিস্লেতিব, ইন্সতিত্যুস্নেল অমসুং ইনফ্রাস্ত্রকচরগী থৌরাং কয়া অমা হৌদোকখ্রে। পুন্না, খোঙথাংশিং অসিনা ভারতকী মেরিতাইম ইকোসিস্তেম মোদর্নাইজ তৌনবা অমসুং ইজ ওফ দুইং বিজিনেস ফগৎহন্নবা হোৎনরি।

মসিগী মনুংদা মার্চেন্ত শিপ্পিং এক্ত, ২০২৫, কোস্তেল শিপ্পিং এক্ত, ২০২৫ অমসুং ইন্দিয়ন পোর্তস এক্ত, ২০২৫ চৎনহনবা য়াওরি। হায়রিবা লেজিস্লেসনশিং অসিনা শিপ্পিং, কোস্তেল ত্রেদ অমসুং পোর্ত গবর্নান্সকীদমক অপদেৎ তৌরবা লিগেল ফ্রেমৱার্ক অমা পীরি। রিফোর্মশিং অসি মপুং ফাহনবদা ৱান নেসন ৱান পোর্ত প্রোসেস (ও.এন.ও.পি.), মেরিতাইম সিঙ্গল ৱিন্দো অমসুং ই-সমুদ্রাগুম্বা দিজিতেল ইনিসিএতিবশিং য়াওরি। ইনিসিএতিবশিং অসিনা রেগুলেতরী প্রোসিজরশিং অসি লাইথোকহল্লি, দোক্যুমেন্তেসন হন্থহল্লি অমসুং পোর্তশিং অমসুং শিপ্পিং সর্ভিসশিংগী ওপরেস্নেল ইফিসিএন্সী হেনগৎহল্লি।

সরকারনা লুপা করোর ৭০,০০০গী শিপ বিল্দিং ফাইনান্সিএল এসিস্তেন্স পেকেজ অমসু লাউথোকখ্রে। পেকেজ অসিনা দোমেস্তিক শিপ বিলদিং কেপাসিতী হেনগৎহনবা অমসুং মেরিতাইম মেন্যুফেকচরিং সেক্তরদা অহেনবা ইনবেস্তমেন্ত পুক্নিং থৌগৎনবা পান্দম থম্লি। প্রপোজ তৌরিবা ভারত কন্তেনর শিপ্পিং লাইন (বি.সি.এস.এল.) গা লোয়ননা, খোঙথাংশিং অসিনা শিপ বিল্দিং, কন্তেনর মেন্যুফেকচরিং, শিপ্পিং সর্ভিসশিং, পোর্তশিং অমসুং মল্তি মোদেল লোজিস্তিক্স য়াওবা ইন্তিগ্রেতেদ মেরিতাইম ইকোসিস্তেম অমা শেমগৎনবা হোৎনরি।

ভাধবন পোর্ত, গালাথিয়া বেদা লৈবা ইন্তর্নেস্নেল কন্তেনর ত্রান্সশিমপমেন্ত পোর্ত, তুনা তেক্রা কন্তেনর তর্মিনেল অমসুং ভি.ও.দা লৈবা আউতর হার্বর কন্তেনর তর্মিনেল য়াওনা মরু ওইবা ইনফ্রাস্ত্রকচর প্রোজেক্তশিং চিদাম্বরনর পোর্ত, য়াম্না থুনা খুমাং চাউশিল্লি। প্রোজেক্তশিং অসিনা ভারতকী মেরিতাইম ইনফ্রাস্ত্রকচর পাকথোক চাউথোকহন্নবা অমসুং কার্গো হেন্দলিং কেপাসিতী হেনগৎহন্নবা পান্দম থম্লি।

হৌজিক্তি ভারতকী পোর্ত অহুম কন্তেনর পোর্ত পর্ফোমেন্স ইন্দেক্স (সি.পি.পি.আই.) ২০২৫দা মালেমগী খ্বাইদগী ফবা ৩০গী মনুংদা লৈরে। মসিনা পোর্ত ইফিসিএন্সীদা লেপ্পা লৈতনা ফগৎলকপা অমসুং মালেমগী মেরিতাইম ত্রেদতা ভারতকী থাক হেনগৎলকপা উৎলি।

মাংদা লৈরিবা লম্বী

সি.এম.এ.এস.না মালেমগী থাক্তা কম্পিতিতিব ওইবা মেরিতাইম মেন্যুফেকচরিং ইকোসিস্তেম অমা শেমগৎপগী মায়কৈদা মরু ওইবা খোঙথাং অমা উৎলি। কন্তেনর পুথোকপা হেনগৎহন্দুনা অমসুং ইম্পোর্তকী মখা পোনবা হন্থহন্দুনা, স্কিম অসিনা সপ্লাই চেনগী রেসিলিয়েন্স মপাঙ্গল কনখৎহল্লগনি, থবক ফংহল্লগনি অমসুং মালেমগী ললোন-ইতিক্তা ভারতকী কম্পিতিতিবনেস হেনগৎহল্লগনি হায়না পানরি। মেরিতাইম রিফোর্মশিংগা লোয়ননা সি.এম.এ.এস.না ভারতপু মেরিতাইম মেন্যুফেকচরিং অমসুং লোজিস্তিক্সকী মরুওইবা মফম অমা ওইহন্নবগী ওইথোকপা ফংহল্লি।

রিফরেন্সশিং

পোর্ত, শিপ্পিং, অমসুং ৱাতরৱেজ মন্ত্রালয়

https://sansad.in/getFile/annex/270/AU2875_nAmH3t.pdf?source=pqars&utm

https://www.pib.gov.in/PressReleasePage.aspx?PRID=2221817&reg=48&lang=2

https://dgma.gov.in/download/1775649151_69d6417f46b3f_dgs-nmdc-address-01042026.pdf?utm

https://www.pib.gov.in/PressReleasePage.aspx?PRID=2222805&lang=1&reg=3&utm

https://www.pib.gov.in/PressReleasePage.aspx?PRID=2280831&lang=1&reg=3&utm

য়ু.এন.সি.তি.এ.দি.
https://unctad.org/topic/transport-and-trade-logistics/review-of-maritime-transport?utm

https://unctad.org/publication/review-maritime-transport-2025?utm

পি.দি.এফ.তা য়েংনবা মসিদা নম্বীয়ু

****