પંડિત દીનદયાળ ઉપાધ્યાય નેશનલ એકેડેમી ઑફ સોશિયલ સિક્યુરિટી (PDUNASS) દ્વારા 10મી ઓગસ્ટના રોજ નવી દિલ્હીમાં "સામાજિક સુરક્ષામાં એક્ચ્યુરિયલ પ્રેક્ટિસિસ: ઈપીએફઓ (EPFO) ઈન્ડિયા ખાતે એક્ચ્યુરિયલ ગવર્નન્સને મજબૂત બનાવવું" શીર્ષક હેઠળના વિશિષ્ટ તાલીમ કાર્યક્રમના રેસિડેન્શિયલ (રહેણાંક) તબક્કાનું ઉદ્ઘાટન કરવામાં આવ્યું હતું.

કર્મચારી ભવિષ્ય નિધિ સંગઠન (EPFO) અને ઇન્ટરનેશનલ લેબર ઓર્ગેનાઇઝેશનના ઇન્ટરનેશનલ ટ્રેનિંગ સેન્ટર (ITC-ILO) દ્વારા સંયુક્ત રીતે આયોજિત, ત્રણ દિવસીય નિવાસી તબક્કો (10–12 ઓગસ્ટ 2026) 25 મે થી 9 ઓગસ્ટ 2026 દરમિયાન ITC-ILO ઈ-કેમ્પસ દ્વારા યોજાયેલા વ્યાપક ઓનલાઈન મોડ્યુલને અનુસરે છે.

મુખ્ય અતિથિ અને ILO/ITC-ILOના પ્રતિનિધિમંડળનું સ્વાગત કરતાં, PDUNASSના નિયામક શ્રી કુમાર રોહિતે નોંધ્યું કે આ પહેલ EPFOની સર્વોચ્ચ તાલીમ સંસ્થા તરીકે PDUNASSના અધિકારીઓને આંતરરાષ્ટ્રીય ધોરણોને અનુરૂપ શિક્ષણ પ્રદાન કરવાના હેતુ સાથે સુસંગત છે. વ્યૂહાત્મક ભાગીદારી બદલ આભાર વ્યક્ત કરતાં તેમણે જણાવ્યું: "EPF, EPS અને EDLI યોજનાઓ સામાજિક સુરક્ષા સંહિતા (Code on Social Security), 2020 સાથે સુસંગત થવા સાથે, ઇન-હાઉસ એક્ચ્યુરિયલ ક્ષમતાને મજબૂત બનાવવી સમયસર અને આવશ્યક બંને છે."

ILOના પ્રાદેશિક ભાગીદારી અને સંસાધન એકત્રીકરણ (Regional Partnership and Resource Mobilization) માટેના ડેપ્યુટી ડિરેક્ટર અને વરિષ્ઠ સલાહકાર શ્રી ઓક્તાવિયાંતો પાસારીબુએ હાઇલાઇટ કર્યું હતું કે આ સહયોગ સમગ્ર દક્ષિણ એશિયામાં સામાજિક સુરક્ષા પ્રણાલીઓને મજબૂત કરવા માટેની ILOની પ્રતિબદ્ધતાને દર્શાવે છે. તેમણે ભારપૂર્વક જણાવ્યું હતું કે મજબૂત એક્ચ્યુરિયલ ગવર્નન્સ એ સામાજિક સુરક્ષા સંસ્થાઓની નાણાકીય સ્થિરતા માટે કેન્દ્રસ્થાને છે અને ઇન-હાઉસ ક્ષમતાના નિર્માણ માટે EPFOના સક્રિય અભિગમની પ્રશંસા કરી.

અભ્યાસક્રમની રૂપરેખા રજૂ કરતા, ITC-ILOના ફેકલ્ટી શ્રી ચાર્લ્સ ક્રેવિયરે કાર્યક્રમના મિશ્રિત માળખા અને મુખ્ય રેસિડેન્શિયલ વિષયો (થીમ્સ)ની રૂપરેખા આપી હતી, જેમાં નીચેનાનો સમાવેશ થાય છે:

• એક્ચ્યુરિયલ વેલ્યુએશન મેથડ્સ (વિમા ગણિત સંબંધી મૂલ્યાંકન પદ્ધતિઓ)
• એસેટ-લાયબિલિટી મેનેજમેન્ટ (ALM)
• સામાજિક સુરક્ષા સંસ્થાઓમાં ગવર્નન્સની વૈશ્વિક શ્રેષ્ઠ પદ્ધતિઓ

મુખ્ય સંબોધન આપતાં અને કાર્યક્રમના ઉદ્ઘાટનની ઔપચારિક જાહેરાત કરતાં, સેન્ટ્રલ પ્રોવિડન્ટ ફંડ કમિશનર (CPFC) શ્રી રમેશ કૃષ્ણમૂર્તિએ અવલોકન કર્યું હતું કે કરોડો કામદારોની નિવૃત્તિ બચત, પેન્શન અને વીમાના રક્ષક (કસ્ટોડિયન) તરીકે, EPFO ખાતેનો દરેક એક્ચ્યુરિયલ નિર્ણય લાખો લોકોની નાણાકીય સુરક્ષાને અસર કરે છે. તેમણે અધિકારીઓને એક્ચ્યુરિયલ કામગીરીને વ્યૂહાત્મક ગવર્નન્સ કાર્યમાં ઉન્નત કરવા અને સમગ્ર EPFOમાં પુરાવા-આધારિત સંસ્કૃતિને પ્રોત્સાહન આપવા વિનંતી કરી. સીપીએફસી (CPFC) શ્રી રમેશ કૃષ્ણમૂર્તિએ કહ્યું, "જેમ જેમ EPFO કદ અને જવાબદારીમાં સતત વધી રહ્યું છે, ગવર્નન્સને મજબૂત કરવા અને ભવિષ્યના પડકારો માટે વધુ સારી રીતે તૈયાર થવા માટે આપણી એક્ચ્યુરિયલ ક્ષમતાને મજબૂત બનાવવી વધુને વધુ મહત્વપૂર્ણ બની જાય છે."

ઉદ્ઘાટન સત્ર અને રેસિડેન્શિયલ તબક્કામાં વરિષ્ઠ નેતૃત્વ અને ઓપરેશનલ અધિકારીઓએ હાજરી આપી હતી, જેમાં નીચેનાનો સમાવેશ થાય છે:

• EPFOના ફાઇનાન્સિયલ એડવાઇઝર એન્ડ ચીફ એકાઉન્ટ્સ ઓફિસર (FA & CAO), ACCs, RPFC-Is, RPFC-IIs, SOs અને ASOs
• ESICના પ્રતિનિધિઓ અને અધિકારીઓ
• હાજર રહેલા અન્ય અગ્રણી નિષ્ણાતોમાં શ્રી અમજદ રબી (ITC-ILO ફેકલ્ટી), સુશ્રી દિવ્યા વર્મા (સિનિયર પ્રોગ્રામ ઓફિસર, ILO) અને શ્રી કરુણ ગોપીનાથ (નેશનલ પ્રોજેક્ટ કોઓર્ડિનેટર, ILO) સામેલ હતા.

PDUNASS વિશે

પંડિત દીનદયાળ ઉપાધ્યાય નેશનલ એકેડેમી ઑફ સોશિયલ સિક્યુરિટી (PDUNASS) એ કર્મચારી ભવિષ્ય નિધિ સંગઠન (EPFO) ની સર્વોચ્ચ તાલીમ અને સંશોધન સંસ્થા છે, જે ભારત સરકારના શ્રમ અને રોજગાર મંત્રાલય હેઠળ કાર્યરત છે. 1990માં સ્થપાયેલ, PDUNASS સામાજિક સુરક્ષા વહીવટમાં તાલીમ, સંશોધન અને કન્સલ્ટન્સી માટે સમર્પિત છે.

ITC-ILO વિશે

ઇટાલી, ટ્યુરિન ખાતે સ્થિત ઇન્ટરનેશનલ લેબર ઓર્ગેનાઇઝેશન (ITC-ILO)નું ઇન્ટરનેશનલ ટ્રેનિંગ સેન્ટર ILOની તાલીમ શાખા છે. તે વિશ્વભરના ILOના હિતધારકો—જેમાં સરકારો, નોકરીદાતાઓ અને કામદારોનાં સંગઠનોનો સમાવેશ થાય છે—માટે યોગ્ય કાર્ય, સામાજિક સુરક્ષા અને સામાજિક સુરક્ષા ગવર્નન્સને પ્રોત્સાહન આપવા માટેના મુખ્ય ક્ષેત્રોમાં ક્ષમતા નિર્માણ કાર્યક્રમોની રચના અને અમલ કરે છે.

SM/BSs/JD

(रिलीज़ आईडी: 2297679) आगंतुक पटल : 16