🔬 Curious about how things work? Dreaming of making a difference?

Your journey as a young scientist starts with curiosity! 🚀

🎥 Watch Dr Rajiv Bahl’s message and take the first step.https://t.co/pqeUVy1W2V#SHINE2026 #YoungScientists #FutureScientists #SHINEAtICMR #ICMR pic.twitter.com/Km1igduGQZ

— Department of Health Research, MoHFW (@DeptHealthRes) August 9, 2026

ایس ایچ آئی این ای (شائن) نویں سے بارہویں جماعت تک کے سرکاری اور نجی اسکولوں کے طلبہ کو دعوت دیتا ہے کہ وہ حقیقی زندگی میں درپیش صحت عامہ کے مسائل کے حل کے لیے سائنسی سوچ کو بروئے کار لائیں۔

ہندوستان کے ’وکست بھارت 2047‘ کے وژن سے ہم آہنگ اس پہل کا مقصد نوجوان طلبہ میں صحتِ عامہ سے متعلق مسائل کے حل کے لیے سائنسی تجسس کو فروغ دیناہے۔ رواں برس شرکت دعوت نامے کے ذریعے ہوگی، جس کے تحت انڈین کونسل آف میڈیکل ریسرچ(آئی سی ایم آر) کی تجربہ گاہیں اپنے قریبی سرکاری اور نجی اسکولوں کو اس پہل میں شرکت کی دعوت دیں گی۔ اس طرح تقریباً 30,000 طلبہ تک رسائی متوقع ہے۔

دو روزہ پروگرام کے دوران شرکت کرنے والے طلبہ مختلف باہمی اور عملی سرگرمیوں میں حصہ لیں گے، جن میں ماہرین کی رہنمائی میں تجربہ گاہوں کا دورہ، تحقیقی نمائشیں، پوسٹرز کا مشاہدہ، ویڈیو پیشکشیں اور جاری سائنسی کام کے عملی مظاہرے شامل ہیں۔ طلبہ کوہندوستانی طبی تحقیقاتی کونسل(آئی سی ایم آر) کے سائنس دانوں سے براہ راست بات چیت کا موقع بھی ملے گا، جس سے وہ ان کے تحقیقی سفر، مہارت کے شعبوں اور صحت عامہ کے میدان میں روزمرہ کام کے بارے میں جان سکیں گے۔

اپنے اداروں اور دیہی تحقیقی مراکز کے دروازے نوجوان طلبہ کے لیے کھول کر ایس ایچ آئی این ای کا مقصد سائنس کو قابلِ فہم اور قابلِ رسائی بنانا ہے۔ اس کے ذریعے طلبہ کو دکھایا جائے گا کہ تحقیق ان کی اپنی برادریوں کو درپیش صحت کے مسائل سے نمٹنے میں کس طرح مددگار ثابت ہوتی ہے اور انہیں سائنسی تحقیق کے میدان میں اپنے مستقبل کے امکانات تلاش کرنے کی ترغیب دی جائے گی۔

اس اقدام کے ذریعے  آئی سی ایم آر ہندوستان کے نوجوانوں میں سائنسی ذہنیت پروان چڑھانے اور محققین کی اگلی نسل کو تحریک دینے کے اپنے عزم کا اعادہ کرتی ہے، جو ’وکست بھارت 2047‘ کے وژن کے تحت ملک کے صحت اور ترقی کے اہداف کے حصول میں اپنا کردار ادا کریں گے۔

***

UR-1791

(ش ح۔ م ع ن ۔ ج)