'ہندوستانی صحت کی دیکھ بھال میں طبی آلات کی خدمت اور دیکھ بھال- ایک محفوظ ، قابل اعتماد اور پائیدار طبی آلات کی دیکھ بھال کے ماحولیاتی نظام کی طرف' پر ایف آئی سی سی آئی- ڈی یو اے  کے مشاورتی وہائٹ پیپر کے مطابق ، ہندوستان کی طبی آلات کی صنعت 2047 تک 250 بلین ڈالر کے متوقع مارکیٹ حجم کے ساتھ ایک عالمی پاور ہاؤس کے طور پر ابھرنے کی توقع ہے ۔    آج یہاں ایف آئی سی سی آئی کے تعاون سے محکمہ فارماسیوٹیکلز کے زیر اہتمام 'انڈیا میڈیکل ڈیوائس 2026' کے 9 ویں ایڈیشن کے افتتاحی اجلاس کے دوران جاری کردہ وہائٹ پیپر میں کہا گیا ہے کہ ہندوستان کا  طبی  آلات کا شعبہ ، جس کی مالیت اس وقت تقریبا 14 بلین ڈالر ہے ، اس دہائی کے اندر 30 سے  50 بلین ڈالر تک پہنچنے کا امکان ہے ، اور 2047 تک 250 بلین ڈالر تک پہنچنے کا امکان ہے ۔  اس میں کہا گیا ہے کہ صحت کی دیکھ بھال کی بڑھتی ہوئی مانگ ، جدید طبی ٹیکنالوجیز کو اپنانے میں اضافہ ، ملک میں ہی مینوفیکچرنگ کے لیے حکومتی تعاون ، اور ملک کی عالمی طبی ٹیکنالوجی کا مرکز بننے کی خواہش کے سبب  اس شعبے میں تیزی سے ترقی ہونے کا امکان ہے ۔

وہائٹ پیپر کے مطابق ، ہندوستان نے پیداوار سے منسلک ترغیباتی  (پی ایل آئی) اسکیم اور طبی آلات  کی  صنعت کی  اسکیم کو مستحکم بنانے جیسے اقدامات کے ذریعے نمایاں پیش رفت کی ہے ، جس سے گھریلو مینوفیکچرنگ کی صلاحیتوں میں اضافہ ہوا ہے اور ہندوستان کی عالمی مسابقت میں بہتری آئی ہے ۔  تاہم ، رپورٹ میں اس بات پر زور دیا گیا ہے کہ اس شعبے کی مسلسل ترقی کا انحصار نہ صرف مینوفیکچرنگ پر ہوگا،  بلکہ طبی آلات کی خدمت ، دیکھ بھال ، صلاحیت اور لائف سائیکل مینجمنٹ کے لیے عالمی معیار کا ماحولیاتی نظام بنانے پر بھی ہوگا ۔

رپورٹ میں اس بات پر روشنی ڈالی گئی ہے کہ آج کل طبی آلات جدید صحت کی دیکھ بھال کے بنیادی ستون کی حیثیت  کے حامل  بن گئے ہیں ، جو بروقت تشخیص ، ہنگامی ردعمل ، سرجری اور جدید علاج میں مدد کرتے ہیں ۔  اس کا استدلال ہے کہ ان ٹیکنالوجیز کی قدر خریداری سے بہت آگے تک پھیلی ہوئی ہے اور ان کے آپریشنل لائف سائیکل قابل اعتماد سروسنگ پر منحصر ہے ۔  رپورٹ میں کہا گیا ہے کہ مناسب دیکھ بھال ، مریض کی حفاظت کو بہتر بناتی ہے ، طبی علاج کی افادیت میں اضافہ کرتا ہے ، آلات کے ڈاؤن ٹائم کو کم کرتا ہے ، آلات کی کارکردگی کی مدت کو بڑھاتا ہے اور صحت کی دیکھ بھال میں سرمایہ کاری کو بہتر بناتا ہے ۔

ان مسائل کو حل کرنے کے لیے ، وہائٹ پیپر میں سینٹرل ڈریگس اسٹینڈرڈ کنٹرول آرگنائزیشن (سی ڈی ایس سی او) ڈیوائس کی درجہ بندی کے نظام میں خطرے سے متعلق ہائبرڈ طریقے سے دیکھ بھال سے متعلق فریم ورک کی تجویز پیش کی گئی ہے ۔  اس میں آالات کو درپیش خطرے  کے زمروں پر مبنی دیکھ بھال کے ضابطے ، سروس انجینئرز کے لیے نیشنل سرٹی فیکیشن آرکی ٹیکچر کی تخلیق ، تکنیکی تربیت کو مضبوط بنانے ، تجارتی ماڈل اختراع کی حوصلہ افزائی، اور تعمیل کی دیکھ بھال کے طریقوں کو فروغ دینے کے لیے مالیاتی فریم ورک کو معقول بنانے کی سفارش کی گئی ہے ۔  رپورٹ میں آلات کی معتبریت کو بہتر بنانے اور ڈاؤن ٹائم کو کم سے کم کرنے کے لیے پیش گوئی کی دیکھ بھال ، ڈیجیٹل نگرانی اور لائف سائیکل مینجمنٹ سسٹم سمیت ڈیجیٹل ٹیکنالوجیز کو وسیع پیمانے پر اپنانے کی بھی وکالت کی گئی ہے ۔

یہ رپورٹ ایک محفوظ ، شفاف اور پائیدار طبی آلات کی دیکھ بھال کا ماحولیاتی نظام بنانے کے لیے ایک جامع روڈ میپ پیش کرتی ہے ۔

........................................................................................................

) ش ح –ش ب-ق ر)

U.No. 1581