প্রধানমন্ত্রীগী লোইশঙ
জাতিগী ফিশা লোনশা নুমিৎতা প্রধান মন্ত্রীনা লৈবাক মীয়ামদা য়াইফ পাউজেল পীরি
प्रविष्टि तिथि:
07 AUG 2026 11:14AM by PIB Imphal
প্রধান মন্ত্রী, শ্রী নরেন্দ্র মোদীনা ঙসি জাতিগী ফিশা লোনশা নুমিৎকী থৌরমদা লৈবাক মীয়ামদা য়াইফ-পাউজেল পীখ্রে অমসুং ভারতকী শিংথানিংঙাই ওইবা অমসুং মপাঙ্গল কনবা হেন্দলুম হেরিতেজবু থাগৎপা ফোংদোকখ্রে। মহাক্না লৈবাক অসিগী ৱিভরশিং অমসুং আর্তিসানশিংগী হৈ-শিংবা, ক্রিএতিবিতী অমসুং থৌনাবু ইকাই খুম্নবা উৎখি। মহাক্না হায়খি মদুদি মখোয়গী খুৎশা হৈবশিংগী খুত্থাংদা মখোয়না চহি কয়াদগী ভারতকী ইনাক ছুল্লবা চৎনবীশিং ঙাক-শেন্দুনা থম্মি অমসুং মপাঙ্গল কনখৎহল্লি।
শ্রী মোদীনা হেন্দলুম সেক্তরদা মতেং পাংনবা সরকারগী অচেৎপা ফিরেপ অদু অমুক হন্না ফোংদোকখি। মহাক্না মসি রুরেল এম্পাৱরমেন্ত, নুপীনা লুচিংবা দিবেলপমেন্ত অমসুং আত্মনির্ভর ভারতকী ভিজনগী মরুওইবা য়ুম্বী অমনি হায়না ফোঙদোকখি। প্রধান মন্ত্রীনা নাগরিকশিংদা মখোয়না পামজবা হেন্দলুম পোৎথোকশিং অমসুং জি.আর.দবল্যু.এম.গী ভিদিওশিং সোসিএল মীদিয়াদা শেয়র তৌনবা ফোংদোকখি।
প্রধান মন্ত্রীনা এক্সতা পোস্ত তৌখি:
ঙসি, জাতিগী ফিশা লোনশা নুমিৎতা, ঐখোয়না ভারতকী শিংথানিংঙাই ওইবা অমসুং মঙাল নাইবা হেন্দলুম হেরিতেজ অসিবু পালন তৌরি। ঐখোয়না ঐখোয়গী ৱিভরশিং অমসুং আর্তিসানশিংগী হৈশিংবা, ক্রিএতিবিতী অমসুং থৌনা অদুসু ইকায় খুম্নবা উৎচরি। চহী কয়াগী মমাংদগী, মখোয়না ঐখোয়গী চৎনবীশিংবু ঙাক-শেন্দুনা থম্লি অমসুং মপাঙ্গল কনখৎহল্লি।
ঐখোয়গী সরকারনা খুঙ্গংগী এম্পাৱরমেন্ত, নুপীনা লুচিংবা চাউখৎ-থৌরাং অমসুং আত্মনির্ভর ভারতকী মঙলান মপুং ফাহন্নবগী মরুওইবা য়ুম্বী অমা ওইরিবা হেন্দলুম সেক্তরদা মতেং পাংখিগনি।
সেক্তর অসিগা মরী লৈনবশিংবু পুক্নিং থৌগৎনবা #NationalHandloomDay শীজিন্নদুনা অদোমগী খ্বাইদগী পামজবা হেন্দলুম প্রদক্তশিং অমসুং জি.আর.দবল্যু.এম.গী ভিদিওশিং শেয়র তৌবীয়ু।
***
(रिलीज़ आईडी: 2295951)
आगंतुक पटल : 4