جل جیون مشن کے نفاذ کی رفتار کو برقرار رکھنے کے لیے ایک بڑے فروغ کے طور پر، حکومت ہند نے 10 ریاستوں کو مرکزی حصے کے طور پر 5,289.09 کروڑ روپے کی باز ادائیگی (ری ایمبرسمنٹ)کی ہے اور اس مالی سال 2026-27 کے دوران 13 ریاستوں میں ایس این اے اسپارش کے ذریعے 865.87 کروڑ روپے جاری کیے ہیں۔

عزت مآب وزیر اعظم کی صدارت میں مرکزی کابینہ نے 10 مارچ 2026 کو جل جیون مشن 2.0 کو منظوری دی، جس کے تحت ہر دیہی گھرانے کے لیے قابلِ اعتماد، مناسب اور محفوظ پینے کے پانی کی خدمات کو یقینی بنانے پر توجہ مرکوز کرتے ہوئے مشن کی مدت دسمبر 2028 تک بڑھا دی گئی۔ اس مشن کو 8.69 لاکھ کروڑ روپے کے کل اخراجات کے ساتھ منظوری دی گئی ہے، جس میں 3.59 لاکھ کروڑ روپے کی مرکزی امداد بھی شامل ہے، تاکہ ریاستوں اور مرکز کے زیر انتظام علاقوں کو پینے کے پانی کی عالمگیر اور پائیدار رسائی کے حصول میں مدد فراہم کی جا سکے۔

اس بات کو یقینی بنانے کے لیے کہ منتقلی کی مدت کے دوران، سابقہ جے جے ایم 1.0 کی تکمیل سے جے جے ایم 2.0 کی منظوری تک، مشن کے تحت پیش رفت بلا رکاوٹ جاری رہے، کئی ریاستوں نے اپنے مالی وسائل استعمال کرتے ہوئے منظور شدہ دیہی پانی کی فراہمی کی اسکیموں پر عمل درآمد جاری رکھا۔ ان کوششوں کو تسلیم کرتے ہوئے اور نفاذ کی رفتار کو برقرار رکھنے کے لیے، حکومت ہند نے مالی سال 2026-27 میں 10 ریاستوں کو مرکزی حصے کے طور پر 5,289.09 کروڑ روپے باز ادائیگی کی ہے، جن کی تفصیلات درج ذیل ہیں:

یہ بات قابلِ ذکر ہے کہ جے جے ایم 2.0 پانی کی فراہمی کے نظام، ذرائع کی پائیداری، پانی کے معیار کی نگرانی، کمیونٹی کی ملکیت اور گرام پنچایت کی قیادت میں مضبوط آپریشن اور دیکھ بھال (او اینڈ ایم) کے ذریعے بنیادی ڈھانچے کی تخلیق سے یقینی خدمات کی فراہمی کی جانب ایک اہم تبدیلی کی نمائندگی کرتا ہے۔ جے جے ایم 2.0 کے تحت متعارف کرائی گئی ایک بڑی اصلاح اسکیم پر مبنی باز ادائیگی اور ایس این اے اسپارش پلیٹ فارم کے ذریعے فنڈز کا اجرا ہے، جو اسکیم کی سطح پر فنڈ جاری کرنے، اخراجات پر نظر رکھنے اور مالی پیش رفت کی حقیقی وقت میں نگرانی کو ممکن بناتا ہے۔ ایس این اے اسپارش انفرادی پانی کی فراہمی کی اسکیموں سے منسلک باز ادائیگی کی سہولت فراہم کرتا ہے، جس سے عوامی فنڈز کے استعمال میں جوابدہی، شفافیت، آڈٹ ایبلٹی اور کارکردگی بہتر ہوتی ہے۔

مزید برآں، آج کی تاریخ تک، مالی سال 2026-27 کے دوران 13 ریاستوں میں ایس این اے اسپارش کے ذریعے مجموعی طور پر 865.87 کروڑ روپے جاری کیے گئے ہیں، جن کی تفصیلات درج ذیل ہیں:

 

 

حکومت ہند ملک بھر میں دیہی گھرانوں کے لیے پائیدار خدمات کی فراہمی، ڈیجیٹل گورننس، کمیونٹی کی ملکیت اور طویل مدتی آبی تحفظ پر نئی توجہ کے ساتھ جل جیون مشن (جے جے ایم) 2.0 کے نفاذ کو تیز کر رہی ہے۔ جے جے ایم 2.0 کے تحت کئی انقلابی اصلاحات متعارف کرائی جا رہی ہیں، جن میں شامل ہیں:

• جل ارپن، مکمل شدہ اسکیموں کی گرام پنچایتوں اور دیہی پانی و صفائی کمیٹیوں (وی ڈبلیو ایس سی) کو باضابطہ حوالگی؛
• پینے کے پانی کے اثاثوں کے لیے منفرد سجلم بھارت آئی ڈی کی تخلیق؛
• پی ایم گتی شکتی پلیٹ فارم پر دیہی پانی کی فراہمی کے بنیادی ڈھانچے کی جیو ٹیگنگ اور ڈیجیٹل نقشہ سازی؛
• جل سیوا انکلن کے ذریعے کمیونٹی کی قیادت میں تشخیص، جس سے طویل مدتی پائیداری اور خدمات کی فراہمی پر توجہ مزید مضبوط ہوئی ہے۔

جل شکتی کے مرکزی وزیر جناب سی آر پاٹل، علاقائی سطح پر نفاذ کو مضبوط بنانے اور حلقہ مخصوص مسائل کے حل کو آسان بنانے کے لیے وزارت کی مسلسل کوششوں کے تحت ریاستوں کے معزز اراکین پارلیمنٹ (لوک سبھا اور راجیہ سبھا) کے ساتھ تبادلۂ خیال کے اجلاس منعقد کر رہے ہیں۔ اب تک وزیر 27 جولائی، 29 جولائی، 30 جولائی اور 5 اگست 2026 کو بالترتیب چھتیس گڑھ، گجرات، اڈیشہ اور مغربی بنگال کے اراکین پارلیمنٹ کے ساتھ تبادلۂ خیال کر چکے ہیں۔ مزید اجلاس ہریانہ (6 اگست 2026)، اتر پردیش (10 اگست 2026)، مدھیہ پردیش (11 اگست 2026) اور مہاراشٹر (12 اگست 2026) کے اراکین پارلیمنٹ کے ساتھ طے کیے گئے ہیں۔

ان تبادلۂ خیال اجلاسوں کا مقصد جل جیون مشن 2.0 کی پیش رفت کا جائزہ لینا، دیہی پینے کے پانی کی فراہمی سے متعلق علاقائی مسائل پر غور کرنا اور مشن کی منصوبہ بندی، نفاذ، نگرانی اور طویل مدتی استحکام کو مزید مضبوط بنانے کے لیے اراکین پارلیمنٹ سے قیمتی آراء حاصل کرنا ہے۔

حکومت ہند ریاستوں اور مرکز کے زیر انتظام علاقوں کے ساتھ شراکت داری میں کام کرنے کے لیے پرعزم ہے۔ جے جے ایم 2.0 کا مقصد صرف نل کے پانی کے کنکشن فراہم کرنا نہیں، بلکہ اس بات کو یقینی بنانا بھی ہے کہ ہر دیہی گھرانے کو آنے والی نسلوں تک محفوظ، مناسب اور قابلِ اعتماد پینے کے پانی کی خدمات مسلسل حاصل ہوتی رہیں۔

 

***

UR-1517

(ش ح۔اس ک  )

(रिलीज़ आईडी: 2295804) आगंतुक पटल : 5