قبائلی امور کے وزیر مملکت جناب درگاداس اوئیکے نے بدھ کے روز ایوان زیریں- لوک سبھا میں بتایا کہ وزیراعظم نے2 اکتوبر 2024 کو دھرتی آبا جن جاتیہ گرام اتکرش ابھیان (ڈی اے جے جی یو اے) کا آغاز کیا تھا۔

یہ ابھیان 17 متعلقہ وزارتوں کے ذریعے نافذ کیے جانے والے 25 اقدامات پر مشتمل ہے۔ اس کا مقصد 63,843 دیہاتوں میں بنیادی سہولتوں سے متعلق خلا کو ختم کرنا اور صحت، تعلیم، آنگن واڑی خدمات تک رسائی بہتر بنانے کے ساتھ ساتھ روزگار کے مواقع فراہم کرنا ہے۔اس منصوبے سے 30 ریاستوں اور مرکز کے زیرانتظام علاقوں کے549 اضلاع اور 2,911 بلاکس میں رہنے والے 5 کروڑ سے زائد قبائلی افراد کو فائدہ پہنچانے کا ہدف ہے، جسے پانچ برس کے عرصے میں مکمل کیا جائے گا۔ڈی اے جے جی یو اے کے تحت متعلقہ وزارتوں کے ذریعے نافذ کیے جانے والے اقدامات کی تفصیلات ضمیمہ-1 میں فراہم کی گئی ہیں۔

مدھیہ پردیش کےچھندواڑہ اور پنڈھورنا اضلاع کے 11 بلاکس کے 591 دیہات کو بھی ڈی اے جے جی یو اے کی دیہاتی فہرست میں شامل کیا گیا ہے، تاکہ اس ابھیان کے تحت فراہم کی جانے والی سہولتوں اور فوائد کو نافذ کیا جا سکے۔

وزارت نے تمام ریاستی حکومتوں اور مرکز کے زیرانتظام علاقوں کی انتظامیہ سے درخواست کی ہے کہ وہ ایسے دیہاتوں کی فہرست فراہم کریں جو ڈی اے جے جی یو اے میں شامل کیے جانے کے لیے مقررہ اہلیت کے معیار پر پورا اترتے ہوں۔ ان میں ایسےقبائلی اکثریتی دیہات شامل ہیں جہاں آبادی 500 یا اس سے زیادہ ہو اور کم از کم50 فیصد آبادی قبائلی افراد پر مشتمل ہو۔دھرتی آبا جن جاتیہ گرام اتکرش ابھیان کے تحت کاموں کی تیز رفتار تکمیل اور مستحقین تک اسکیموں کے فوائد بروقت پہنچانے کے لیے وزارت قبائلی امور متعلقہ وزارتوں کے ساتھ باقاعدگی سےبین الوزارتی اور رابطہ اجلاس منعقد کرتی ہے، تاکہ منصوبے کا مؤثر نفاذ یقینی بنایا جا سکے۔

اس کے علاوہ ریاستوں اور اضلاع کے متعلقہ حکام کے ساتھ بھی باقاعدگی سے جائزہ اجلاس منعقد کیے جاتے ہیں۔ اسکیم کی مؤثر نگرانی اور بہتر عمل درآمد کے لیےپروگرام مینجمنٹ یونٹ (پی ایم یو) کا بھی انتظام کیا گیا ہے۔

ضمیمہ-1

(ڈی اے جے جی یو اے کے تحت متعلقہ وزارتوں کے ذریعے نافذ کیے جانے والے اقدامات کی تفصیلات)

 

*****

ش ح -ظ ا-ع د

UR NO. 1467

(रिलीज़ आईडी: 2295416) आगंतुक पटल : 7