صحت اور خاندانی بہبود کی وزارت (ایم او ایچ اینڈ ایف ڈبلیو) قومی خاندانی صحت سروے (این ایف ایچ ایس) کے نام سے ایک مربوط سروے کرتی ہے یہ سروے صحت اور خاندانی بہبود اور اس سے وابستہ شعبوں جیسے آبادی کی خصوصیات ، تولیدی اور تولیدکی ترجیحات ، خاندانی منصوبہ بندی ، زچگی اور بچوں کی صحت ، غذائیت ، بیماری اور صحت کی دیکھ بھال ، خواتین کو بااختیار بنانے وغیرہ کے بارے میں اعداد و شمار فراہم کرتا ہے ۔

2019-21 میں کئے گئے قومی خاندانی صحت سروے (این ایف ایچ ایس-5) میں 15 سے49 سال کی عمر کی خواتین اور مردوں کی فیصد فراہم کی گئی ہے جو اکیلے یا مشترکہ طور پر مکان یا زمین کے مالک ہیں ۔ این ایف ایچ ایس-5 کے مطابق ، 15 سے 49 سال کی عمر کی 42.3 فیصد خواتین اور 15 سے 49 سال کی عمر کے 60.1 فیصد مرد ملک میں اکیلے یا مشترکہ طور پر مکان رکھتے ہیں ۔ اس کے علاوہ 15 سے 49 سال کی عمر کی 31.7 فیصد خواتین اور 15 سے 49 سال کی عمر کے 42.3 فیصد مرد اکیلے یا مشترکہ طور پر زمین کے مالک ہیں ۔

حکومت ہند کی متعدد اسکیمیں، خواتین کےلیے اثاثوں کی ملکیت اور ان کو معاشی طور پر بااختیار بنانے کو فروغ دیتی ہیں ۔ حکومت کی ان اسکیموں میں دیہی ترقیات کی وزارت کا پردھان منتری آواس یوجنا (پی ایم اے وائی)- گرامین ، ہاؤسنگ اور شہری امور کی وزارت کا پردھان منتری آواس یوجنا (پی ایم اے وائی)- شہری ، سماجی انصاف اور تفویض اختیارات کے محکمے کی مہیلا سمردھی یوجنا اور دیہی ترقیات کی وزارت کا دین دیال انتیودیہ یوجنا- قومی دیہی روزی روٹی مشن  شامل ہیں۔

پی ایم اے وائی-جی کے نفاذ کے فریم ورک کے مطابق ، گھر کی الاٹمنٹ عورت کے نام پر یا مشترکہ طور پر شوہر اور بیوی کے نام پر کی جائے گی ، بیوہ/غیر شادی شدہ/علیحدہ شخص/مخنث افراد کو چھوڑ کر ۔ پردھان منتری آواس یوجنا (پی ایم اے وائی)- شہری نے اس مشن کے تحت گھر کی خاتون سربراہ کے لیے گھر کی مالک یا شریک مالک ہونے کا لازمی التزام بھی کیا ہے ۔

مزید برآں، زمینی وسائل کے محکمے نے تمام ریاستوں اور مرکز کے زیر انتظام علاقوں کو ہدایت دی ہے کہ وہ اراضی کے حقوق کے  ریکارڈ میں جنس کے لیے ایک الگ خانہ شامل کریں۔ یہ اقدام اراضی کے ریکارڈ میں خواتین کی ملکیت والی زمینوں سے متعلق معلومات درج کرنے میں معاون ثابت ہوگا۔

یہ معلومات خواتین اور بچوں کی بہبود کی وزیر مملکت محترمہ ساوتری ٹھاکر نے راجیہ سبھا میں ایک سوال کے جواب میں فراہم کیں۔

**********

) ش ح –   م  ع      -  ش ہ ب )

U.No. 1399

(रिलीज़ आईडी: 2295069) आगंतुक पटल : 5