బీహార్, ఆంధ్రప్రదేశ్, ఉత్తరప్రదేశ్, మధ్యప్రదేశ్ రాష్ట్రాల్లో సాధించిన పురోగతి వివరాలు ‘అనుబంధం-ఏ’లో ఉన్నాయి. 

మధ్యప్రదేశ్ వద్ద మిగులు నిల్వ సామర్థ్యం ఉందని అందుకే సహకార రంగంలో వికేంద్రీకృత పథకం కింద భాగస్వామ్యం వహించడం లేదని ఆ రాష్ట్రం తెలిపింది. అయితే ఆ రాష్ట్రంలోని బాలాఘాట్ జిల్లా పరసవాడ సమితిలో ఒక గోదాంను నిర్మించారు.

ఈ రోజు నాటికి బీహార్, ఆంధ్రప్రదేశ్, ఉత్తరప్రదేశ్, మధ్యప్రదేశ్‌లలో వికేంద్రీకృత గోదాంలు, యంత్ర పరికరాల అద్దె కేంద్రాలు (కస్టమ్ హైరింగ్ సెంటర్స్), చౌక ధరల దుకాణాలు నిర్మించిన లేదా ప్రారంభించిన ప్రాథమిక వ్యవసాయ పరపతి సంఘాల (ప్యాక్స్) మొత్తం వివరాలు ‘అనుబంధం-బీ’లో ఉన్నాయి. 

బీహార్, ఆంధ్రప్రదేశ్, ఉత్తరప్రదేశ్, మధ్యప్రదేశ్ రాష్ట్రాల్లో సహకార నిల్వ కేంద్రాలకు (కోఆపరేటివ్ స్టోరేజ్ యూనిట్లు) మద్దతుగా ఏఎంఐ (అగ్రికల్చరల్ మార్కెటింగ్ ఇన్‌ఫ్రాస్ట్రక్చర్) పథకం కింద విడుదల చేసిన సబ్సిడీ వివరాలు ‘అనుబంధం-సీ’లో ఉన్నాయి. ఇప్పటివరకు ఏఎంఐ కింద ఆంధ్రప్రదేశ్ రాష్ట్రానికి సబ్సిడీ ఏదీ విడుదల కాలేదు.

సహకార రంగంలో వికేంద్రీకృత ధాన్య నిల్వ పథకం కింద ప్రాథమిక వ్యవసాయ పరపతి సంఘాలు (ప్యాక్స్) సహా అర్హత కలిగిన సహకార సంఘాలు తమ సొంత భూమిలో గానీ లేదా కౌలు భూమిలో గానీ మౌలిక సదుపాయాలను ఏర్పాటు చేసుకోవచ్చు. అవసరమైన చోట సంబంధిత రాష్ట్ర ప్రభుత్వాలు స్థలాల కేటాయింపును సులభతరం చేస్తాయి. అన్ని నిల్వ కేంద్రాలు నిర్ణీత సాంకేతిక ప్రమాణాలు, డబ్ల్యూడీఆర్ఏ నిర్దేశాల ప్రకారం నిర్మాణమౌతాయి. ఇప్పటివరకు బీహార్, ఆంధ్రప్రదేశ్, ఉత్తరప్రదేశ్, మధ్యప్రదేశ్ రాష్ట్రాల నుంచి నిర్మాణ భద్రతకు సంబంధించి ఎటువంటి సమస్యలు రాలేదు. 

ఈ పథకం కింద నిర్మించిన గోదాంలు డబ్ల్యూడీఆర్ఏ (వేర్‌హౌసింగ్ డెవలప్‌మెంట్ అండ్ రెగ్యులేటరీ అథారిటీ) ఫ్రేమ్‌వర్క్ కింద నమోదు అవుతాయి. అర్హత కలిగిన ప్యాక్స్, సహకార సంఘాలు ఈ-ఎన్‌డబ్ల్యూఆర్ (ఎలక్ట్రానిక్ నెగోషియబుల్ వేర్‌హౌస్ రిసీప్ట్) వ్యవస్థ ద్వారా ప్రయోజనాలను పొందేలా, వాటిని డబ్ల్యూడీఆర్ఏ వద్ద నమోదు చేయించడానికి ప్రయత్నాలు జరుగుతున్నాయి. బీహార్, ఆంధ్రప్రదేశ్, ఉత్తరప్రదేశ్, మధ్యప్రదేశ్ రాష్ట్రాలు డబ్ల్యూడీఆర్ఏ ఈ-ఎన్‌డబ్ల్యూఆర్ వ్యవస్థ సౌకర్యాలను వినియోగించుకోవచ్చు.

అనుబంధం- ఏ

క్ర. సం.	రాష్ట్రం	ఆమోదించిన ప్రాజెక్టుల సంఖ్య	నిర్మించిన గోదాంల సంఖ్య	నిర్మాణంలో ఉన్న ప్రాజెక్టుల సంఖ్య
1	ఆంధ్రప్రదేశ్	117	117	-
2	బీహార్	36	-	5
3	ఉత్తర ప్రదేశ్	14	1	-
4	మధ్యప్రదేశ్	1	1	-
మొత్తం		168	119	5

 

అనుబంధం- బీ

క్ర.సం.	రాష్ట్రం	ప్యాక్స్‌లు
		గోదాంలు	యంత్ర పరికరాల అద్దె కేంద్రాలు	చౌక ధరల దుకాణాలు
1	ఆంధ్రప్రదేశ్	685	6	71
2	బీహార్	5828	2659	3752
3	మధ్యప్రదేశ్	2032	87	4012
4	ఉత్తర ప్రదేశ్	1862	169	212

 

అనుబంధం- సీ

క్ర. సం.	రాష్ట్రం	ప్రాజెక్టుల సంఖ్య	మొత్తం ముందస్తు సబ్సిడీ (రూ. కోట్లలో)
1	బీహార్	25	5.06
2	మధ్యప్రదేశ్	1	0.13
3	ఉత్తర ప్రదేశ్	1	0.05

ఈ సమాచారాన్ని కేంద్ర హోం, సహకార శాఖ మంత్రి శ్రీ అమిత్ షా లోక్‌సభలో ఇచ్చిన లిఖితపూర్వక సమాధానం రూపంలో వెల్లడించారు.

***

(रिलीज़ आईडी: 2294675) आगंतुक पटल : 18