প্রধান মন্ত্রী শ্রম য়োগী মানধন (পি.এম.-এস.ৱাই.এম.) স্কিম অসি ফেব্রুৱারী, ২০১৯দা অনওর্গনাইজ সেক্তরগী চহি য়াম্লবা শিন্মীশিংদা ঙাক শেনবীবগী খুদোংচাবা ফংহন্নবা হৌদোকখি। মসি ভোলুন্তরি অমসুং কন্ত্রিব্যুতরি পেন্সন স্কিম অমনি। স্কিম অসিগী মখাদা, থাদা লুপা ৩০০০/-গী শোইদনা ফংহনগদবা পেন্সন অসি অনওর্গনাইজদ ৱার্করশিংদা চহি ৬০ শুরবা মতুংদা পীগনি। চহি ১৮দগী ৪০ ফাউবগী মনুংদা লৈবা শিন্মীশিং, মখোয়গী থাগী ইনকম লুপা ১৫০০০/- নত্ত্রগা মসিদগী হন্থবা অমসুং ইমপ্লোয়িজ প্রোভিদেন্ত ফন্দ ওর্গনাইজেসন (ই.পি.এফ.ও.) / ইমপ্লোয়িজ স্তেৎ ইন্সুরেন্স কোর্পোরেসন (ই.এস.আই.সি.) / নেস্নেল পেন্সন সিস্তেম (এন.পি.এস.) (সেন্ত্রেল গবর্ণমেন্তনা কন্ত্রিব্যুত তৌরিবা) গী মেম্বর ওইদবা নত্ত্রগা ইনকম তেক্স এসেসি ওইদবা মীওইশিংনা স্কিম অসিদা য়াওবা য়াগনি। থাগী কন্ত্রিব্যুসনগী শেনফম অসি বেনিফিসরি অদুগী এন্ত্রি এজগী মতুং ইন্না লুপা ৫৫/- দগী লুপা ২০০/- ফাওবা ওইগনি। স্কিম অসিগী মখাদা, বেনিফিসরি অদুনা থাগী কন্ত্রিব্যুসনগী চাদা ৫০ পীগনি অমসুং মান্নবা কন্ত্রিব্যুসন অদুনা সেন্ত্রেল গবর্নমেন্তনা পীগনি। স্কিম অসিদা মিং চনবগী থবক অসি লৈবাক শিনবা থুংনা লৈরিবা মসিগী সেন্তর লাখ ৪ রোমগী নেৎৱার্ক লৈরিবা কম্মন সর্বিস সেন্তরশিংগী খুত্থাংদা পাংথোক্লি। ইলিজিবল ওইরবা ওর্গানাইজ তৌদবা শিন্মীশিংনা www.maandhan.in পোর্তেলদা চংদুনা মশা-মশানা রেজিস্তার তৌবা য়াগনি।

২৯.০৭.২০২৬ ফাওবদা, লৈবাক শিনবা থুংনা পি.এম.-এস.ৱাই.এম. স্কিমগী মখাদা বেনিফিসরী লাখ ৫৪ হেন্না মিং চনখ্রে। স্কিম অসিদা নুপী ওর্গানাইজ তৌদবা শিন্মীশিংগী শরুক য়াবগী চাং অসি ৫৩.১% ওইরি। পি.এম.-এস.ৱাই.এম. স্কিমগী মখাদা লৈবাক শিনবা থুংনা সরকারগী চাদা ৫০গী মেতচিং কন্ত্রিব্যুসন অসি লুপা কোতি ১,০০০নি। লুপা ক্রোর ২,০১১.০১। মসিগী মথক্তা, বেনিফিসরীশিংদা চহি ৬০ শুরবা মতুংদা পেন্সন পীবা হৌরগনি। স্কিম অসিনা ফেব্রুৱারী, ২০১৯দা হৌদোকখ্রবসু পেন্সন পীবগী থবক্তি ফেব্রুৱারী, ২০৩৯ গী মমাংদা হৌরোই।

পি.এম.-এস.ৱাই.এম. স্কিমগী মখাদা, সবস্ক্রাইবরগী একাউন্তশিং অদু মরুওইনা থীগদবা থাগী কন্ত্রিব্যুসন অদু পীদ্রবা, সবস্ক্রাইবরগী বেঙ্ক একাউন্তদা শেনফম মতীক চানা লৈতবা, লিঙ্ক তৌরবা বেঙ্ক একাউন্ত অদু হোংদোকপা নত্ত্রগা লোইশিনবা, নত্ত্রগা চাং নাইনা কন্ত্রিব্যুসন তৌবগী মতাংদা মখা তানা খঙহৌদবা অসিনা মরম ওইরগা ইনএক্তিব ওইরকপা য়াই।

রিতেনসন ফগৎহন্নবা, শরুক য়াবা হেনগৎহন্নবা অমসুং এৱারনেস হেনগৎহন্নবা সরকারনা লৌখৎলিবা খোংথাংশিং অদু মখাদা পীরি:

(i) রাজ্যশিং/য়ু.তি.শিংগা লোইননা চাং নাইনা রিভিয়ু মীফমশিং পাংথোকপা।

(ii) পি.এম.-এস.ৱাই.এম. স্কিমগী মখাদা ইলিজিবল ওইবা বেনিফিসরীশিং এনরোল তৌনবগীদমক কমন সর্ভিস সেন্তরশিং (সি.এস.সি.শিং) দা ইন্সেন্তিবশিং পীবা।

(iii) ভোলুন্তরী একজিৎ, রিভাইভেল মোদ্যুল, ক্লেম স্তেতস অমসুং একাউন্ত স্তেতমেন্তগুম্বা অনৌবা ফিচরশিং হৌদোকপা।

iv) দোরমেন্ত একাউন্তশিংবু অমুক হন্না হাংদোকপগী মতম চহি অমদগী চহি অহুমদা শাংদোকপা।

(v) পি.এম.-এস.ৱাই.এম.গা ই-শ্রম পোর্তেলগা নাকল অনিগী ওইবা ইন্তিগ্রেসন।

(vi) এৱয়রনেস জেনরেসনগীদমক এস.এম.এস. কেম্পেনশিং পাংথোকপা।

(vii) পি.এম.-এস.ৱাই.এম. স্কিমগী মখাদা এনরোলমেন্ত তৌনবগী মতাংদা রাজ্যশিং/য়ু.তি.শিংগী চীফ সেক্রেতরীশিংদা ৱা ঙাংবা।

(viii) স্কিম অসিগী মখাদা ওর্গানাইজ তৌদবা শিন্মীশিং য়াওহন্নবা লৈবাক শিনবা থুংনা অখন্নবা রেজিস্ত্রেসন দ্রাইব অমা শীনগনি।

পাউ অসি কেন্দ্রগী লেবর অমসুং ইমপ্লোইমেন্তকী রাজ্য মন্ত্রী, সুশ্রী শোভা কারন্দলাজেনা ঙসি লোক সভাদা অইবা পাউখুম অমদা পীখিবনি।

***