મહારાષ્ટ્ર અને કોંકણ પ્રદેશમાં પેસેન્જર કનેક્ટિવિટી વધારવાની દિશામાં એક મોટું પગલું ભરતા, ભારતીય રેલવેએ છત્રપતિ શિવાજી મહારાજ ટર્મિનસ (મુંબઈ) અને સાવંતવાડી રોડ વચ્ચે નવી દૈનિક એક્સપ્રેસ ટ્રેન સેવા શરૂ કરવાની મંજૂરી આપી છે. આ નવી સેવા 510-કિમીના રૂટ પર સીધી, અનુકૂળ અને વિશ્વસનીય રેલ કનેક્ટિવિટી પૂરી પાડશે, જેનો લાભ પ્રવાસન, શિક્ષણ, રોજગાર, વ્યવસાય અને સામાજિક હેતુઓ માટે મુસાફરી કરતા હજારો મુસાફરોને મળશે.

પ્રસ્તાવિત ટ્રેન દૈનિક ધોરણે ટ્રેન નંબર 15087 છત્રપતિ શિવાજી મહારાજ ટર્મિનસ-સાવંતવાડી રોડ એક્સપ્રેસ અને ટ્રેન નંબર 15088 સાવંતવાડી રોડ-છત્રપતિ શિવાજી મહારાજ ટર્મિનસ એક્સપ્રેસ તરીકે ચાલશે.

કોંકણ પ્રદેશમાં વ્યાપક કનેક્ટિવિટી

નવી દૈનિક એક્સપ્રેસ સેવા અહીં વ્યાપારી સ્ટોપેજ પૂરા પાડશે:

• દાદર
• થાણે
• પનવેલ
• પેણ
• રોહા
• માણગાંવ
• વીર ખેડ
• ચિપલૂણ
• સાવરડા
• અરાવલી રોડ
• સંગમેશ્વર રોડ
• રત્નાગિરી
• અડાવલી
• વલવડે
• રાજાપુર રોડ
• વૈભવવાડી રોડ
• નાંદગાંવ રોડ
• કંકવલી
• સિંધુદુર્ગ
• કુડાળ
• સાવંતવાડી રોડ

આ ટ્રેન મુંબઈ મેટ્રોપોલિટન રીજન અને મહત્વપૂર્ણ શહેરો તથા જિલ્લાઓ વચ્ચે સીમલેસ કનેક્ટિવિટી પૂરી પાડશે, જે કોંકણ કિનારા સુધીની પહોંચમાં નોંધપાત્ર સુધારો કરશે.

પ્રવાસન, અર્થતંત્ર અને મુસાફરોની સુવિધામાં વધારો

આ નવી સેવાની શરુઆતથી મુંબઈ અને દક્ષિણ કોંકણ વચ્ચેની રેલ કનેક્ટિવિટી મજબૂત થશે, જેનાથી આ પ્રદેશના દરિયાકાંઠા, કિલ્લાઓ, મંદિરો અને ઇકો-ટૂરિઝમ સ્થળોની મુલાકાત લેતા પ્રવાસીઓ માટે મુસાફરી સરળ બનશે. આ સેવા મુંબઈ અને કોંકણ પ્રદેશ વચ્ચે વધારાનો સીધો રેલ વિકલ્પ પૂરો પાડીને દૈનિક મુસાફરો, વિદ્યાર્થીઓ, વેપારીઓ, નાના વ્યવસાયો અને રહેવાસીઓને પણ લાભ પહોંચાડશે.

નવી ટ્રેન પ્રાદેશિક આર્થિક વિકાસને ટેકો આપશે, મુસાફરોની વધુ સુગમ હેરફેરને સક્ષમ બનાવશે અને કોંકણ રૂટ પર રેલ પરિવહનની વધતી જતી માંગને પૂરી કરવાની સાથે એકંદર મુસાફરીની સુવિધામાં સુધારો કરશે તેવી અપેક્ષા છે.

નવી દૈનિક એક્સપ્રેસ સેવા પેસેન્જર કનેક્ટિવિટી વિસ્તારવા, મુસાફરીની સુવિધા સુધારવા અને વધુ મજબૂત તથા વધુ સુગમ રેલવે નેટવર્ક દ્વારા સંતુલિત પ્રાદેશિક વિકાસને ટેકો આપવા માટે ભારતીય રેલવેની સતત પ્રતિબદ્ધતાને પ્રતિબિંબિત કરે છે.

IJ/BS/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com