بھارت کے قومی انسانی حقوق کمیشن (این ایچ آر سی) نے ایک میڈیا رپورٹ کا از خود نوٹس لیا ہے جس میں کہا گیا ہے کہ 28 جولائی 2026 کو ایک 11 سالہ لڑکے کی موت کے ساتھ، چھتیس گڑھ کے کنکر ضلع میں 13 دنوں کے اندر ملیریا سے 5 افراد ہلاک ہو چکے ہیں۔ لڑکے کا ابتدائی طور پر ایک نجی لیب میں ملیریا کا ٹیسٹ منفی آیا تھا، لیکن جب اس کی حالت بگڑ گئی تو اسے البیلاپارہ کے ایک اسپتال لے جایا گیا۔ تاہم، جب تک اس کی خون کی رپورٹیں آئیں جن میں اسے ملیریا مثبت دکھایا گیا، وہ پہلے ہی انتقال کر چکا تھا۔

کمیشن نے مشاہدہ کیا ہے کہ خبروں کی رپورٹ کے مندرجات، اگر سچ ہیں، تو انسانی حقوق کی خلاف ورزی کے سنگین مسائل کی جانب اشارہ کرتے  ہیں۔ لہٰذا، اس نے چھتیس گڑھ کے چیف سکریٹری کو نوٹس جاری کیا ہے، جس میں دو ہفتوں کے اندر اس معاملے پر تفصیلی رپورٹ طلب کی گئی ہے۔

31 جولائی 2026 کو شائع ہونے والی میڈیا رپورٹ کے مطابق، اس واقعے کے بعد، ریاستی محکمہ صحت نے ضلع کے متاثرہ علاقوں میں گھر گھر ملیریا کی اسکریننگ اور بیداری مہم شروع کی ہے۔

***

(ش ح - ع ا)

U.No. 1079

(रिलीज़ आईडी: 2292738) आगंतुक पटल : 12