বন্দৰ, জাহাজ পৰিবহণ আৰু জলপথ মন্ত্ৰালয়ে (এম অ’ পি এছ ডব্লিউ) পৰিবেশ-অনুকূল জল-আধাৰিত ৰাজহুৱা পৰিবহণ ব্যৱস্থাৰ পৰিকল্পনা, ৰূপায়ণ, সুৰক্ষা মান আৰু প্ৰচাৰক সমৰ্থন কৰিবলৈ ৰাষ্ট্ৰীয় জল মেট্ৰ’ নিৰ্দেশনা, ২০২৬ প্ৰস্তুত কৰি আছে। শূন্য/নিম্ন-নিৰ্গমন কাৰিকৰী পৰিকাঠামো, প্ৰমাণীকৰণৰ প্ৰয়োজনীয়তা, বিত্তীয় গাঁথনি, পৰিবেশ সুৰক্ষা আৰু আন্তঃমন্ত্ৰালয় সমন্বয়ৰ সৈতে সম্পৰ্কিত দিশবোৰ এই নিৰ্দেশনাসমূহৰ অধীনত সামৰি লোৱা হৈছে।

এম অ’ পি এছ ডব্লিউৰ অধীনৰ স্বায়ত্তশাসিত সংস্থা ইনলেণ্ড ৱাটাৰৱেজ অথৰিটি অব ইণ্ডিয়া (আই ডব্লিউ এ আই)ই সমগ্ৰ দেশতে চিনাক্ত কৰা ১৮ টা স্থানত নগৰীয়া জল মেট্ৰ’ প্ৰণালীৰ বিকাশৰ বাবে সম্ভাৱনীয়তা অধ্যয়ন হাতত লৈছে। ১৫ টা স্থানৰ বাবে সম্ভাৱনীয়তা অধ্যয়ন সম্পূৰ্ণ কৰা হৈছে, যিয়ে কাৰিকৰী সম্ভাৱনীয়তা, আন্তঃগাঁথনিৰ প্ৰয়োজনীয়তা, কাৰ্য্যকৰী পৰিকাঠামো আৰু জল-আধাৰিত নগৰীয়া ৰাজহুৱা পৰিবহণ ব্যৱস্থা ৰূপায়ণৰ সম্ভাৱনা মূল্যায়ন কৰাত সহায় কৰিব। অৱশ্যে বাৰাণসী, অযোধ্যা, পাটনা আৰু কলকাতাত চাৰিখন হাইব্ৰিড বৈদ্যুতিক জাহাজ মোতায়েন কৰা হৈছে আৰু মন্ত্ৰালয়ৰ অন্যান্য পদক্ষেপৰ অধীনত বাৰাণসীত এখন হাইড্ৰ’জেন ইন্ধন কোষ জাহাজ মোতায়েন কৰা হৈছে।

কেন্দ্ৰীয় বন্দৰ, জাহাজ পৰিবহণ আৰু জলপথ মন্ত্ৰী সৰ্বানন্দ সোনোৱালে লোকসভাত এটা প্ৰশ্নৰ লিখিত উত্তৰত এই তথ্য প্ৰদান কৰে।

***

MI/Indu/NB

(रिलीज़ आईडी: 2292426) आगंतुक पटल : 10